’hea somsarant solisayechem kam' hench; ’kitem-i korinastam hat bhandhun boschem ani kaim korteleank holk korchem’
Dhakddeachea Sombhromar Daijidubai
Voros : 2008
Moino : September
Monis hea somsarant kiteak pason zolmon yeta? aplye jinnye audent horyek monis dha bottam zhoroun oplem pott bhorta. Apnnasovem apleanchem pott bhoraxem polleta. Aichea disaporinch faleank oplem toxench apleanchem pott bhorchekhatir minot korta. Zoddl'lem il'lem uroita. Beankantlea aplea khateant punzoita, konn dhon dirvem punzoita. Konn ast bodik molak gheun punzaita. Hea somsarak ayil'lo konnyi eklo edoll pason xasvot jinni jiel'lona. Va bhouxa fuddem-i jiemvcheporim na. Hi jinnye audi kxonnik; ’khinnanchi’.
Monxeachea hea jinnye audent kednam to aplea kuddicho okhrecho usvas seutagi, uprant tachi kudd jieteleam modhem dourun faido na, kiteak; ti konnakch, kiteakyi upkarak poddchetosli nhoi, ti kusta, ghanneta dekun konn tea kuddik purta, tor konn lasta. Uprant kitem-i urta tor tannem jieun astana kel'lem borem/vaitt matr.
Hamv kaim somazvadavixim va monxeajinnyevixim probhondh borounko bosonk na. Amim, monglluri kristamv monxam hea porigote thaun othvim? vhoi tor kitlim? ani koxim? hea sovala bhomvtonnim ekoddo niall korchepasot don utram gorjechim mhonn bhoglem.
Amchim purvozam kotthinn porixromi, svaulombhi, sosnnikayechim mhonn khoinchorgi, konnengi punegelean boroyil'lem, kedallagi vachl'lo goiro uddas mhozo. Tednam amchim purvozam gamvchea bhattangaranchi, zomindaranchi, tottangaranchi butt'tti chakri korun oplem, toxench apleanchem pott bhorn aslim. Tanchesovem tanchem sogllem sontan pason tottamni, gadeamni, bettamni chakri korn jietalim. Punn bhuk ek osoli pidda zaunasa, ti sompchetosoli bhilkul nhoi. Dekun konn aplo maigamv soddun sezarchea gamvamni gelo, kaim don kas choddit zoddchekhatir, konn ghattamni gholl'lle tor ani konn bottimni ghollonk gele. Konn bomboi paule tor ani konn golfak ubhle. Konn tarvotti zale tor ani konn poilott zale.
Punn fokot't oplem pott, aplem kuttam', aplea benkacho ekountt, apli ast bodik, aplem bhangar xringar, aplem ghor-bodik, apli ontosth - hacher jinnbhor tript zamvchech choddtavo. Somsaramt monis kedinch tript zal'lona. Jednam to aplea axa otreganchea xikhorachea tudeyek paulearyi tacheo axa-otreg mugdol'leo mhonn nant.
Punn pottachea bhukesovem thoddeank her bhuko asat. Hi bhuk xoikxonnik asyet, samajik bodlaunnechi asyet, sahitik asyet va her riticheo asyet. Dekun osolim aplea jinnyent aplea bhukecheaki choddit hea somsarant aschem sodhun vetat. Minot kortat. Opnnakhatir jiemvcho monis matr kiteak? zanvar zaunascho petto soit apnnakhatir jieta. Punn monis vegllo, taka aplem falem, aplea peleanchem falem poddon gelam - dekun aplea jinnye audecho vell, minot sakrifis korun heramvixim, heranchem borem-falem chintunk pechaddta.
Konknnent kaim pattlea eka dakddea thaun hem chintap uttoyil'lea daijidubhai boroupeanchea ektaran kel'lem/korun aschem-i hench.
2003 isvent jednam hamv afisachea kamak lagon dubhai pavol'levellar, daijidubhai ektarachea mukhelin; ddoyan ddi’sozan mhaka sompork korun, daijidubhai boroupi eka odhesak mhojesovem khorchunk axetat mhonn sangtana mhakai ojeap zalem. Sot sangchem tor hamvnch tankam mellonk aturit asl'lom. Oxem eka sukrara kaim vis-ponchvis boroinnarank, dubhayant mukamukhi mellchem bhag mhaka tannim favo kelem. Tantlea choddtavank hamv vektigot zaun vhollkotalom toryi, sorvank eka suvater mellchem bhag nizaiki sodam uddasak urchetoslem.
Hamvem tye vellar ek utar mholl'llem ozun mhojea motichea podd'deacher asa, anim tem zaunasa; "tumkaim mellcho hafteacho ek rojecho dis, tumim-i tumchea ghovak/bailek/bhurgeak pottlun dhorn nidyetem, punn tumim az mhojesovem khorchunk hangasor aileat - tumkam devo borem korum".
Mhojea hea utrancho motlobyi hoch. Amkam amchea pottachea bhukecheaki choddtik chintunk sadhy asa, ani oxem chintche matr somajent oplea boryaponnachi kuruH soddun vetat xivai, hea somsarant yeun, jieun, moron vechim nhoi.
Somajent ’boroinnar’ mholl'llo vorg vegllo. Khonddit vegllo. Zoxem polleunko mat her monxeaporim don dolle, don kan, ek nak, ek tondd asche toryi hannim chintchi rit veglli, hannim dekhchi rit veglli, hancho somsar veglloch. Dekun mhojea eka lekhok mitrachea sasu mamyn sangl'lem utar mhojea motik uddasak yeta "boroinnar choddtavank ek sut'tu soddil". Soval konnak ek sut'tu soddil ani konnak ek sut'tu ttaitt mholl'llo nhoi. Punn boroinnar mholl'llo vorg matr khonddit vegllo mholl'llem sot.
"Khoinchor mhojea namvim don-teg ekttam-i zatatgi, thoinchor hamv astolo" mholl'llem jezuchem utar soit bhovo orthabhorit zaunasa. Kiteak mhollear monis title solisayen ekttam-i zaunko sokana. Hem sadea monxeachem chintap tor, boroinnarank lagim haddchem kam' bhilkul titlem solisayechem nhoi.
Ojik kaim ottra vorsadhim, mhonnje choddunnem 1990-91 isvent, konknni boroinnaranchoch mholl'llo ek ’ektar’ asonk zai. Boroinnaramni aplea sahitik vhaddaullevixim niall korcheo vatto rutam korizai mholl'llea iradean, vi.Je.Pi.SolddaF, e.Tti.Lobo, cha.Fra.De’kosta hanchea mukhelponnakhal ek survat zamvchem preton choll'lem. Hanchesovem sijyes takodde, dda|eddvordd nojret, ponchu bonttvall, silvesttor ddi’soz, richchi pirer, mouris xantipur, ttoittos takodde asle, tanchesovem hamvyi eklom zaunaslom. Punn thoddea malghoddea lekhokank ekameka soma poddanatl'lem dekhun ’to asl'lea mellint hamv aschomna’ mhonn eklea malghoddean ucharlem dekhun tache obhimani pongoddantle konnyi hea ektarak mell'llenant ani kaim tin-chear zomateo zaleo, sobhar toppal kagdam ghalim toryi lekhokancho ektar ghoddloch na.
Uprant thoddea vorsamni kosoi zalo mhonneam. Punn eka kareant kaim challis-pon'nas lekhokank ekttam-i korchem kam' titlem solis nhoi mholl'llem sot sorvamni zannam asl'lem. Daijidubhai ektarachea sangoddeamni ailevar hem kam' bhovo borya ritin kel'lem sontosachench mhonnyeta.
Khoinchem-i kam' eka iradean suru kelam tor, tem kam' zorur ballta. Techchporim sogllim kortat dekun omim-i koream mhonn survat kel'lim kama ordhearch vomtim poddtat. Daijidubhai boroinnaramni, dubhai xerant aplea aplo dispoddto gras zoddunk ayil'lea her boroinnarank, ami heram pasot chintizai mholl'llem chintap uttoilem okhkhea konknnent jemetelea sorvank zagounko soklem mholl'lle oputt sot. Hachepattlean kotthinn minot, porixrom' ghetl'lea sorvank kitli vakhonn'nni dilearyi unninch mhonnyeta.
Kiteak mhollear hea kamank vixes soironnachi gorz asa. Him kamam korteleank minot matr asa xivai samball na. Apleach bolsantlo duddu khorchun heram pasot vaur korunk asa, titlench nhoi ’kam' natl'le, namvak lobdhal'le.......’ osolea namna ritichea khellkulleank aikon, sosun, jirou jieunko poddta. Dekun'nch mhollem - sadea chintpachea monxeank hem osadhy.
Khonchoi ek ektar ghoddtat tor, taka tachoch mholl'llo ek irado asta, xevott asta, inglixant haka ’Objectives' mhonntat. Ani hacheprokar, ami konn? amim kiteak ho ektar ghoddla? hea ektarachem promuk misamv kosolem? him mullavim sovalam khonchyai bekufak toryi somzazoi zal'lim. Hangasor ektaracho irado ek asta, to thodde pauttim vektigot iradeank tall poddana, va tea khatir ek vatt korun dina. Hechch sondhorbhim osolea iradeache apli vatt asa kortat ani aplea misamvak mukharun vortat. Hem bhilkul vaitt/chuk nhoi. Daijidubhai ektarantlea sandeancheo soit osoleoch sobhar vatto amkam polleunko melltat;
1. Daijidubhai.com: Bellmonnchea valttor soz sozachem hem ontorzall, khorench zaun dubhayant matr nhoi, okhkhea somsarant eka ritichem zagoronn haddunk soklem mhonncheant dubhavo na. Disacheo khobro khinnan porgott zamvchem hem ontorzall az disak lakhamni lok vachta tor, hachea lokamogallayecho tumi ondaz koryeta.
2. Maibhas.com: Brohmaurachea novin sikverachem hem misamv, konknnentlem poilem sompurnn konknni ontorzall zaun udelem, sahitik obhiruch aschea sorv lokank hem ontorzall bhovo mogachem zalem.
3. Kovita.com: Kovi Melvin Roddrigosachea sompadokponnakhal survat zal'lea hea ontorzallin konknni kovim khatir ek veglloch somsar ugto kela mhonncheant dubhavo na.
4. Barkuronlain.com: Barkurchea kixuchea mukhelponnakhal survatl'lem hem ontorzall zaunko puro barkur gamvchevixint sovistar vachap attapche toslem. Punn her firgojeank ek dekhibhorit kam' hem mhonncheant noval na.
5. Ujvol Prokaxon: Hemacharyochea sompadokponnakhal kaim don dakddeadhim nitranni zal'lem prokaxon porot jivall zal'lem, konknnechea nodrent sontosachench nastam ani kitem?
6. Daiji Prokaxon: Daijidubhai boroinnaranchea ektarak aplea sandeanchem vinchnnar sahity eka bukarupar porgott korchem misamv zorur herank ut'tejit korta mhonncheant dubhavo na.
7. Vixes Onkhe: Konknni potrank arthik riticho pattimbo dimvchem misamv. Edollch daijidubhai ektaran tin vixes onkhe kaddleat.
8. Daiji Puroskar: Edoll pason ’konknni sahity rochun vatter poddon mele’ mholl'lli lodin korn ayil'leank ’fuddem oxem zainaye’ mholl'llem chintap haddoyil'li kheati zorur daijink favo. Edoll poreant hannim konknnent moladhik vaur kel'leank, sahit rochleleank, koxttar-sonkoxttar ascheank arthik ritin mozot kelea matr nhoi, herank soit hachi dekh dilea.
9. Her ektarank preronn: dubhayant ascheporim, moskotant ’borpi mitr’, bahreynant ’konknni kuttam'’, survat korunk daijich preronn mhollear kaim chuk zamvchina mhonn lekhtam. Kuveyttant ’konknni kullvar’ hechch preronnant suru kel'lem mhonn hamv lekhtalom. Punn nhoi mhonn veginch sustal'leant mhaka kiteakgi pois ravon mhojem kam' korn vechem borem mhonn dislem. Ek nirdixtt thirasannecho xevott/irado (Objectives) nastam ascheak ektar mhonnonk hamv kiteakgi kobul na.
Hamvem mhojea sompadokiyachim survat kel'li heach chintpan ’eka vatithaun onyek vat pettoilear tea vatichem auk kaim unnem zaina, bogar ujvadd choddta’ ani hem chintap karean jeariek haddlam. Voir dil'lea misamvak choloiteleank ekameka ganch korunk sokleat dekhun hem tankam matr nhoi, konknnek soit faideachem mholl'lleant dubhavo na.
Az konknnek zor ek novo jivo dila tor hantum daijidubhai ektaracho patr promukh mholl'llem matr oputt sot. Hem dubhayant matr nhoi golfachea her zageamni soit paulam. Kuveyttant soit jednam konknni obhian somitichem ugtaunn korunk ayil'lea ma|melvin ddi’kunhan ek utar dil'lem; ’kuveyttantlea her igorjeamni soit konknni misachi survat kortam’ mholl'lli bhasaunni. Ani tannem aplem utar pall'llench; tedoll mhonnasor fokot't aitarachem matr kuveytt sitti igorjent konknni mis choltalem tor, uprant salmiant sukrarachem konknni mis suru kelem, matr nhoi, ahmodint soit konknni misachi survat keli ani az horyeka konknni misank lok bhoron yemvchem nizaikyi sontosachem.
Daijidubhai ektaran itlim sorv borim kamam kelim tor kaim thoddeo khoddiyi zorur asteleo. Khoddi kaddchem monxeasomyb ani gorjecheo khoddi boryo. Hea somsarant solisayechem kam' hench; ’kitem-i korinastam hat bhandhun boschem ani kaim korteleank holk korchem’. Punn ek songot matr spoxtt zaunasa ’konknni bhasekhatir, konknni sahitim khatir, konknni � khatir itlo sorv vaur kel'lea daijidubhai ektarak zorur dhinvas favo’. Ho kaim suko soilap nhoi - bogar mhojea kallza konxeantlem utar hem.
Atam dha vorsam somptochch, novea chintpak aukal labhchim bhollvont khunnam dison yetat - bhovo borem, nove nove boroinnar hea misamvant bhagidar zale tor, konknnent edoll zaunko natl'lem sorv fuddem zaunko pautelem mholl'llo mhozo bhorvoso.
Mhozo bhorvoso fottana zamv! daijidubhai ektarachea ponchvis vorsanchea sombhromacho dis favo zamv mhonn laletam,
Khalteponnim,
- Valley Quadros, Ajekar
