"eka kovin fokot't zagvonn divyeta" - vilfredd oven
Kovita, Kovi, Proxosti ani Namv
Voros : 2006
Moino : August
’Konknni kuttam' bahreyn’ hannim vorsan voros dimvchi sahitik proxosthi hea vorsa kovi melvin roddrigosak dili. Konknni kovitaxetant urbhent vaur kel'lea melvin roddrigosan fokot't kovitaxet matr nhoim, konknnek logti zal'lea sobhar her vorgamnim-i vaur kela tem bhovo thoddeank matr kollit asyet. Zamv to konknni sobdhank ekttam-i korunk gamvar gamv bhomvl'lo vaur, zamv konknni potrachem soho-sompadokponn kel'lo vaur, zamv kanoddi bhasentlea kanneank konknnek onnkar kel'lo vaur, zamv ’progoti prokaxon’ hantum kel'lo vaur.
Ontorzallicher konknni sahiteachi krixi suru zal'li ailevar mhonnyeta. Pottacha grasakhatir oplo mam-igamv soddn pois pavol'lea mongllurgarank hem khorench zaun devan dil'lem dennem zoxem zatana nove zoxem kurvon boslele boroupi soit jementle utton porot penner dhorilagle ani borounko lagle. Oxem eka uprant ek mhonnon onkonnam, saittam suru zalim ani potram soit. Khoreponnim konknnek hantu kitlo faido zata vo zala mholl'llem tork sod'deak soddlem tor konknnent bhouxa edoll poryant itlem kareall ritin vaur choll'loch na.
Chear vorsam odhim melvinan ’kupam pondlim mukham’ bukant mhojem ek kovita porgott korunk asa dekhun mhoji sahitik porichoi, tachesovem mhaka, tea bukacheo kitleo protio omanot korunk asat tacho duddu (unnear unne dha protio omanot korunk asl'leo) dhaddunk potr dhaddlem, havem toxench kelem.
Don vorsam uprant porot tosolench potr melvina thaun ailem ’vol'li tuvem adhlepauttim duddu dilai dekhun hea pauttim tuvem duddu dizai mhonn na, punn tuji ek kovita ’kallokantlim kantaram’ bukant porgott kortam dekhun tuji sahitik porichoi dhadd’. Punn havem mhojea porichoye sovem don hozar rupoi dhaddn oxem boroilem; ’adle pauttim tuvem buk porgott'tana tuvem poixe dil'ley mhonn hea pauttim-i to pressacho tuka poixe dinaka mhonnta mhonn hamv patyena dekhun sorvamporim hamvy eklom mhonn manun ghe. Hochch buk kuveyttant ugtaunn koroilo (ugtaunnacheo protio havem khud'd mol diun haddl'leo ani tea mukhel soireamni veleo - tem asom).
Adhlea vorsa havem mhoza motint asl'li ek axa sufoll korchak ikra kovincha kovitancho ek buk kaddunk chintlem. Hea ikra kovim poiki panch malghodde ani so tornatte. Ani tornatte choddaut mhoza mogache ani bhouxa mhaka somzotele mholl'llea iradean havem eklean panch hozar rupeancho ek poxok haddchi vilevari keli tor hem yozon mhojean pontak pauvonko sadhy mhonn vinoti keli. Punn konnaiki kosolich bondodd natl'li. So zonnam poiki tegank matr hem sadhy zalem ani buk porgotton ailo ani havem dil'lea bhaseformanne sorv ikra kovink ponchvis bukancheo protio sombhaun rupar dhaddleo (tantum eklea dogamni buk pavol'leak ek sobdh borounkoy mon kelem na - tem asom).
Thoddea disamni mhaka aikonk mell'llem ’vol'li poixe gheta ani buk chhapta’. Amcho thoddo lok/thodde boroupi te khud'd borem korunk sokanant matr nhoim heranchem borem polleunkoy sokanant.
Amcha jinnyent ami somsarak zapi diun'nch bosleamv tor amchelagim borim kamam korunk vell koso mellcho? oxench havem ailevar xembhor kovincha kovitank porgott korchem yeuzonn ghaln, choddunnem satth kovink imeylar sompork korn tanchi sahitik porichoi magli, tachesovem konnak kitle buk omanot korunk asat tem atanch kollounko upkar maglo. Punn hantum zap borounko mon kel'le fokot't ottra kovi. Eklea mohan sahitin mhaka oxem sanglem "edoll poryant vontigeo gheun kontigeo porgott'tolo melvin eklo asl'lo, punn atam tum-i udeloigi?" - polleya kitlem nixttur utar!
Buk porgott korchem kam' titlem solisayechem nhoim mhonn hamv tory patyetam. Tem-i heranche buk porgott korchem khoremponnim ’vatter vecha vaga mhaka yeun khaga’ mholl'lleporim. Konnak hem namvakhatir mhonn disonk puro, konnak hem poixeam khatir mhonn disonk puro. Ani konnak hem gorjek mhonn disonk puro. Soval ti gorjek, morjek va khorjek mholl'llem nhoim - amchem chintap kitlem mhellem asa mholl'llem. Hea mhellea chintpant ami kitleoi retiryo korn, kitlim-i kontam ters korn kaim nitoll zaunko sadhy? bhouxa kontch mhellem zaunko asa..
Tory hea sorv niskucharank aikon, sosun, jiroun, khiroun zo fuddem cholonk sokta tochch zoitacho mukutt zoddunk sokta. Khori kovita zaunasa eka kovicha ontoskornacho tallo. Zoxem vilfredd oven mhonnta "eka kovin fokot't zagvonn divyeta" - toxem kovi oplea ontoskornak/kallzak ughoddon choltoch rauta.
Thoddea moineadhim dubhamyt hamv melvin roddrigosacha kovitagoxttik gel'levellar melvinan ucharl'li ek xinn zaunasl'li "azkal konknnent proxosteo/puroskar ek lobbi dita ya divoita". Hem fokot't konknnek matr nhoim her bhasamnim-i asa. Porigot oxi astana sobhar pauttim konnaky kosoliy proxosti labhtana sontos zaina. Punn bhovo thoddepauttim konnaiki kosoli-i proxosthi labhtana bhovo sontos zata. Atam khoremponnim sangom tor melvin roddrigosak hi proxosthi khoremponni labhazai zal'li ani hantum hea proxostechem mol/gourou choddlo mhonn hamv mandhtam.
Dev borem korum,
- Valley Quadros, Ajekar
