"Amcha jinnyent choddtavo zaun ami heranchi jinni jieunko vochon tantum amkam labhchi solvonn ghemvchi sokot naschich vhoddlem osomodhan."

Konknni Vaur, Vauraddi Ani Man

de21

Voros : 2006

Moino : March

2004 isvecha dusrea konknni obhian somiticha vellar havem boroyil'lea "ami seva korchi naka, bogar vaur kor‍yam"; mholl'llea utrancher mhoza thoddea mitramni mhaka ’seva ani vaur’ hachemodhlo tofaut vichar‌l'lo. Tankam havem zap‌y oxi dil'li;

"Seva korchi piddestanchi, ar mar‌l'leanchi, penkadd modd‌l'leanchi, hat pam-i nat‌l'leanchi va praivontanchi. Punn konknni bhasek ti porigot edoll por‍yant yeunko na dekhun amim konknnechi seva korchi gorz na, bogar vaur matr korunk zai".

Eka vorsadhim ’daiz sahitik spordho 2004’ asa kel'lo ani hea pauttincha ’daiz sahitik spordho 2005’ hantum amim ek novo puroskar asa korunk nomear‌l'lo, ’daiz konknni vauraddi 2005’ - fokot't yuvo vauraddeank asa kel'lea hea proxostek yogy zal'leanchi namvam dhaddunk amim istiharam chhap‌l'lim. Atam amkam spordheak ayil'lim borpam kaim satth-sot'torank mikvotit tor‌yi ’daiz konknni vauraddi 2005’ proxostek yogy zal'le mhonn namvam dhadd‌l'lim fokot't dogamni matr.

Oxem kiteak?

Amcha konknni somajent vaur korche konn'nch nant? va tannim korcha vauravixim konnak‌ch poddon gel'lem na?

bharich durbagponnachem chintap hem. Amcha konknnent itlea humedin vaur korcha urbhest tornatteank pattimbo dilo tor khonddit zaun tancha trannak char pakatte futtchem khonddit, ani osolea manakhatir ya puroskarakhatir tannim vaur korcho nhoi tor‌y tankam vollkonchem ani man dimvchem kam' konnachem?

bhovo lojechi gozal (loz mholl'lli aslear).

Atam daijidubhai sangateamni ’ddoyan ddi’soz’ haka ’daiji vauraddi’ puroskar ghoxit kela, ’daiji sahitik puroskar 2005’ ghoxit haun moine somptana atam ek‌ch pauttim ’daiji vauraddi’ puroskaracho amvsor khoim thaun, koso, kiteak udelo mholl'llem hangasor uloinastam rauleamv tor, hea puroskarak khonddit zaun ’ddoyan ddisoz’ favo zal'lo vyokti mholl'lleant kaim dubhavo na. 

songhotton zamv, kar‍yim zamv, chottuvottiko zamv vo kosoloi vaur to pramannik ritin korchant ddoyan ddi’sozan edoll‌ch opli osmitai dhakhoilea. Ho puroskar khoremponnim taka matr nhoi tacha vaurak kel'lo man, ani tosoli ek sur‍vat kel'lea daijidubhai boroupeancha ektarak hamv man bhagoitam toxench ul'las pattoitam.

Devo borem korum,
- Valley Quadros