"आमचा जिण्येंत चडताव जावन आमी हेरांची जिणी जियेवंक वचोन तांतूं आमकां लाभची सलवण घेंवची सकत नासचीच व्हडलें असमधान."
कोंकणी वावर, वावराडी आनी मान
वरस : २००६
मयनो : मार्च
२००४ इस्वेचा दूसऱ्या कोंकणी अभियान समितिचा वेळार हावें बरयिल्ल्या "आमी सेवा कर्ची नाका, बगार वावर करयां"; म्हळ्ळ्या उत्रांचेर म्हजा थोड्या मित्रांनी म्हाका ’सेवा आनी वावर’ हाचेमधलो तफावत विचारल्लो. तांकां हावें जापय अशी दिल्ली;
"सेवा कर्ची पिडेसतांची, आर मारल्ल्यांची, पेंकाड मोडल्ल्यांची, हात पांय नातल्ल्यांची वा प्रायवंतांची. पूण कोंकणी भासेक ती परिगत एदोळ परयांत येवंक ना देखून आमीं कोंकणेची सेवा कर्ची गर्ज ना, बगार वावर मात्र करुंक जाय".
एका वर्साधीं ’दायज साहितीक स्पर्धो २००४’ आसा केल्लो आनी ह्या पावटिंचा ’दायज साहितीक स्पर्धो २००५’ हांतूं आमीं एक नवो पुरसकार आसा करुंक नम्यारल्लो, ’दायज कोंकणी वावराडी २००५’ - फकत्त यूव वावराड्यांक आसा केल्ल्या ह्या प्रशसतेक योग्य जाल्ल्यांची नांवां धाडुंक आमीं इसतिहारां छापल्लीं. आतां आमकां स्पर्ध्याक आयिल्लीं बर्पां कांय साठ-सत्तरांक मिकवतीत तरयी ’दायज कोंकणी वावराडी २००५’ प्रशसतेक योग्य जाल्ले म्हण नांवां धाडल्लीं फकत्त दोगांनी मात्र.
अशें कित्याक?
आमचा कोंकणी समाजेंत वावर कर्चे कोण्ंच नांत? वा ताणीं कर्चा वावराविशीं कोणाकच पडोन गेल्लें ना?
भारीच दुरबागपणाचें चिंताप हें. आमचा कोंकणेंत इतल्या हुमेदीन वावर कर्चा उर्भेसत तर्नाट्यांक पाटिंबो दिलो तर खंडीत जावन तांचा त्राणाक चार पाकाटे फुटचें खंडीत, आनी असल्या मानाखातीर या पुरसकाराखातीर ताणीं वावर कर्चो न्हय तरय तांकां वळकोंचें आनी मान दिंवचें काम कोणाचें?
भोव लजेची गजाल (लज म्हळ्ळी आसल्यार).
आतां दायजिदुभाय सांगात्यांनी ’डयान डी’सोज’ हाका ’दायजी वावराडी’ पुरसकार घोषीत केला, ’दायजी साहितीक पुरसकार २००५’ घोषीत हावन मयने संप्ताना आतां एकच पावटीं ’दायजी वावराडी’ पुरसकाराचो आंवसर खंय थावन, कसो, कित्याक उदेलो म्हळ्ळें हांगासर उलयनासतां रावल्यांव तर, ह्या पुरसकाराक खंडीत जावन ’डयान डिसोज’ फावो जाल्लो व्यक्ती म्हळ्ळ्यांत कांय दुभाव ना.
संघटन जांव, कारयीं जांव, चटुवटिको जांव व कसलोय वावर तो प्रामाणीक रितीन कर्चांत डयान डी’सोजान एदोळच अपली अस्मिताय धाखयल्या. हो पुरसकार खरेंपणीं ताका मात्र न्हय ताचा वावराक केल्लो मान, आनी तसली एक सूरवात केल्ल्या दायजिदुभाय बरवप्यांचा एक्ताराक हांव मान भागयतां तशेंच उल्लास पाटयतां.
देव बरें करूं,
- वल्ली क्वाड्रस
