"Somsarant tum jitlo boro zaunk vetai titlech mapan tuka vaitt gheunkyo kollazoi."
Saukarxahi Ani Noukorxahi
Voros : 2006
Moino : Febrer
Somsarant jiemvcha horyeka monxak chintpa sokot asa tor to konnavixim chintina toryo opnnavixim chintinasotam bilkul ravana. Opnnan vhodd zaizoi, opnnak man-moryad mellazoi, opnnalagim asot-bodik asazoi, opnnak heramni khaltiman ghalizai mhonn. Hea khatir to oplea sokten zamvchem kitem-i korunk pattim sorana. Kosley sakrifis korunk ya konnachi-i boli bhettvonk ya her kitem-i.
Somaz mhollear konn?
sompea utramni sangchem tor somaz mhollear eka pranteant jiemvcho lok.
Ami somaz kiteak bhandtamv?
plettocha somazvadporokar somajek eka nirdixtt iradean rochlea. Konnyo eklo ya eklem zaun sogllem sadhon korunk sokana dekun vivingodd kaleticha, vividh probhedhacha monxank ekttamvon tankam samany (Common) vrit'ti dili. Hamv mochi zatam, tum kellxi za, tim xivonnogaram zatelim ani him besaigaram zatelim. Ani hacho porinnam' zaun somajent vrit'te tekid lhalhan somudai zaun rutam zale.
Vellakalla formanne hea prokaramni hoch monodhrm' opapem udelo, opunn ya opli vrit'ti unchli ani heranchi kill mholl'llo monodhrm', gresot-dubllo mholl'llo prokar opapinch udelo, xikpi-oxikopi mholl'llo, budhvont-dadd'ddo mholl'llo prokar ubhzatana budhvont aschamni oplem bollkem bhorunk dhorlem, dublleamni sota-nitik vengun dhorlem toryo disan dis dubllinch zaun gelim. Disandis hye porigotent dublle grestancha hatasokola kam' korilagole, oplea gorzank grestancher lobdonk lagle, ani gresot dublleak oplem aid korun oplea faideakhatir, aplea svarthakhatir gollsilagolo, ani oxem udeli bhonddvallxahi porigot.
Bhonddoullxahi porigotent ’ami’ kedinkcho vingodd korunk zaina toslea porigotecheo kottputlleo zaunasamv. Konn hem opun ghemv va ghenasotam ravom. Hor monis hench axeta, opunn kitlo vorto mholl'llem dhakhvonk oplea sokla kitlim asat mholl'llem somsarak ruzu korchem. Mhollear konnaichai ghorant dogam kamachim asat tor to gresot, punn konnacha ghorant char kamachim asat tor tim onikyo gresot.
Hea bhonddvallxahi porigotent monis monxakcho oplo gulam' korunk paulo, hi porigoti sudharunk kitlea somazsevecha somstheamni vaur kelo toryo hi bhonddvallxahi porigot kedinkcho bodlchina. Bodlonk monis soddchoi na. Kiteak oxem monis monxak kottputlli korchemukhantr unch zata mhonn chinta, somajent man-protixtta mellta mhonn lekta. Opnnak opunn saukar mhonn chinta. Punn noukor natl'lea ghorant saukar zamvcho toryo koso?
Ailevar kuveyttant ascha eka monglluri kuttmalagim uloitana tancha ghorant pattlea ikra vorsam thaun kam' korun ascha bailecho ul'lek tannim kelo. Anim tacho mister oso asa; tea bailek hannim kedinkcho kamachaporim polleunk na, ghovo bail dogam-i kam' kortat ani tancha dogam burgeanchi zoton ti bail korta. Jednam hanka kam' korcha zagear bonos mellta, toxench tim tea kamachakyo bonos ditat, "zoxem ami amcho sambhall vaddazoi mhonn axetamv toslich axa tea kamacha bailekyo aschi sohoz" - he adrxvadi vichar asche bhouxa bhovo thoddeank matr.
Monis motint kitlem-i kusddem dourun toryi, disak kitlim kontam ters korta, hafteak kitle pauttim misak veta mholl'lleacher monxak boro mhonnonk zaina, bogar tacha kallzant kitlem nitoll vichar asat tancher hondvon asa mholl'llem khonddit. Jednam poryant monis her monxak ople soman zaun lekhunk sokana, tedoll poryant somsarant eka nhoi eka ritin oslinch ghodditam polleunk mellchant kaim noval aschem na.
- Valley Quadros
