’bhizudde matr opnnak aukas nant mhonn roddtat tor axavadi te aukas khud'd rochtat ’

Konnem-i Koxem Borem Zauyeta?

Voros : 2005

Moino : July

Havem vach‌l'li ek lisamvabhorit mottvi kannim hea porim asa; ek pauttim eklo bhangaracha axen himaloyak vochon toposs korunk laglo khoim. Anim tacha toposseant sontos pavo‌l'lea devan taka dorxon diun tachi axa somzon oxem sanglem khoim;

"Borem, tuka chodd bhangarachi axa aschi mhozan jeari kor‍yet, punn tea khatir tuvem il'li minot korizai poddot"

"Hamv kosli-i ti minot korunk kobul" oxem tannem zap diun mhollem.

"Borem.. Tum paros‌monni mholl'llo ek fator sodhun voch anim to fator tum khoimsor lagoitai polle, tem bhangar zaun bodoltelem"

Aikon to atam bhovo sontosan uttlo, tokxonn to mell‌l'leo sorv lonkddacho cheyni, sankllink aplea golleacher neson ranak dhamvlo anim ekekach fatrak vinchun opnnacha gollear ascha lonkddacha sankllenk lagoun te fokot fator mhonn gomtoch te kaddn uddoun mukhar gelo anim dusro fator vinchun gelo.

Oxench sobhar dis-rat to pisantur mholl'lleporim mell‌l'lea mell‌l'lea fatorank vinchun aplea gollear ascha sankllek lagoun uddomvchench kam' korn to bhuk/tan/vixevo visrolo.

Sobhar dis paxar zale anim sogllem ran tannem sodhlem anim sobhar disam uprant to ranantlo bhair cholon vetana mukhar taka mell‌l'lo lok sogllo takach ojeapan pollemvchar poddlo dekun toi opnnak pollelaglo. Anim takai ojeap - gollear tannem nes‌l'leo sanklli-cheyni sodd, sogllem tachem ang‌ch bhangarant porzolltalem. Kednam tannem to paros‌monni fator vinch‌l'lo anim kednam uddoyil'lo khud'd toch nennas‌l'lo dekun tachelagim to paros‌monni fator khoincho mholl'llem somzonk zalemna...

Hi ek lhan kanni tor‌yi hantlem lisamv polleyam; amcha jinnyent‌yi zaitea ratthaullemodhem amkam sobhar borim monxam melltat nhoi‌gi? amim-i oxench tanka gollsun konxak uddoitamv.

Tor amcha jinnyent yemvcha bor‍ya monacha monxank amim koxem parkeyeta?

Bhov sompem - poilem amim borim asamv tor - amkam borench zatelem xivai vaitt nhoi. Vopachem bhangar chodd porzollta tor‌yi vellakalla uprant somsar tacho vop parkunk sokta. Veldding kortana lonkddak lonkddan matr sangat divyet xivai bhangaran nhoi. Bhangarak bhangaran matr sangat divyet xivai bhangarak anim lonkddak veldding korunk konnaichan zatave tor? toxench bhangarak kaim plasttikant veldding korunk zataye bhangaraxivai?

’daiz’ pongddak hem koxem lagu zata mholl'llea sovalak‌y mhoji hich zap; zori tori amcha misamvank kaim orth asa, nisvarthi sevecho monobhavo asa, tor tech vorgache bore monis amcha pongddank yetele xivai konnaichai dakxennek zamv, mulajek zamv, konnaki khuxi korcha iradean zamv, konnaik‌y chiddamvcha iradean konnem-i kitem-i korunk zaina. Zait tor‌y taka chodd temp ballvi na.

Daiz pongddak ailevar ayil'lea vauraddeank ’daiz’ boro yeukar magtastana ek songot ucharchi bhovo gorjechi mhonn dista anim ti zaunasa; ’heranchem boremponn pollemvchi xeathi jea vektik asta zo khud'd boro zaunasa anim boremponn mhollear kosolem mholl'llem somzonk sokta’

- Valley Quadros