Dolleancher sai manddeleank aplea domprauylo ghai disana zait, punn duk bhoganaye tor?

’Daaiz’ Anim Novesamv

de12

Voros : 2005

Moino : June

’Daaiz’chi survat zaun ek voros somplem tor‌yi sobharank ’daiz’ vixim kollit zal'lem ailevar‌ch. Anim sobharamni noveo noveo solha suchonam dileo anim thoddeamni vajbi sovalam-i vicharlim. Anim tantum ek zaunasa;

’daaiz.com'-‌nt konknnek kitem novesamv asa?

Kiteak‌gi mhaka porot porot ek‌ch kannim uddasak yeta - char kudd'ddeamni eka hostik polleunko gel'li. Ekeklo kudd'ddo eka hostek apoddn oplea antorik dolleamni ’host mhollear oxi/toxi’ mhonn somzata.

Poilo kudd'ddo hostecha ximttek apoddn, "host mhollear eka dor‍yeporim" mholl'llem oplem foisol dita tor dusro kudd'ddo hostecha pamyank apoddn ’host mhollear eka khambeaporim’ mholl'llem foisol ditana tisro kudd'ddo hostecha nakak (sonddilak) apoddn oplem foisol oxem dita; "host mhollear eka permareporim" mhonn. Okhrecho kudd'ddo hostecha pottak apoddn sangta; "host eka vonnodeporim" mhonn.

’Daaiz’ mhollear‌yi osolinch foisolam ditit, tantancha nodrent, tantancha chintpaprokar tim sarkinch zauyeta. Punn zoxi inglixant ek sangnnim asa; We rate ourselves of what we are capable of doing, whereas others rate us on what we have done to them [amim amkam mejtamv - amcha xeatiecher tor, heram amkam mejtat - amim kel'lea sadhonam khatir].

Daizant konknnek kosolem novesamv asa mholl'llem daizachim ekek panam vachlear tumkanch somzatelem. Konknnecho vaur choddta tor xembhoramni sonchalonam zamv, hozaramni saittam udemv. Amcho irado kosoleach nodren munafo zoddcho nhoi. Daiz ek sonchalon nhoi, borim kamam korunk ’borem mon, bore irade, anim te irade kar‍yogot korche bore monis’ matr gorjeche xivai kosolim-i zamv sonchalonam, hud'dedaram fokot dhakhounnek matr.

Eklea dogamni vichar‌l'lim her thoddim sovalam;

"tumim daizak taka/haka/tika/hika kiteak gheunko‌na?"

tachi zap‌y havem mayamogan'nch dilea;

"bhava - daiz konknnechem misamv, anim opunn konknnechaki vortom nhoi mholl'llem chintap ascha sorvank havem sadhy as‌l'lea sorv ritimni apounnem pattoilam, beandd vajpar apoun haddchetitlea unchayer konnim mhaka tancha vauradhvarim disonk‌nant dekun konknnechaki vorto/vortim konn'nch nant - hem mhojem chintap anim patyenni zaunasa"

Maf kora mhojim utram ekadhavella hankar (Arrogant) distat tor. Kiteak mhollear, amka mellcha il'lexea vellak amim somsarak svosttikoronn dimvn'nch bosleamv tor borim kamam zamvchim tor‌yi koxim? amim ulomvchaki amchim kamanch ulomvdit, ’daiz’ konknni vauracho noveo vatto sodhun tea vattamni paulam kaddtana ’amim sogllim ek’ mholl'llea chintpan fuddem chomkateli.

"Kovitapatth - konknnent hem khonddit novesamvnch jem khonchai bhasamni zamvchem opnnak kollit na" oxem amim sanganamv - bogar hea kamasallak ailelea man soireamni sanglam, anim te man soirey kaim udhyomi nhoi, sahiti/chintpich zaunasat. Hea kamasallant eklea ulomvchem anim heramni aikomvchem bilkul nhoi, sorvank opaple vichar vekt korunk/bhasabhas korunk aukas asa.

’Buk somikxa’ - onyek ritichem obheas, hem obheas - fokot bukacha vollkek matr simit zainastam bukacha chintpacher, sahiteacher bhasabhas zamvchem nizaiki minotechem kam'.

’Konknni obhian somiti’ edoll‌ch vorsak eka konknni potrak adhar dimvcha vatten chomkatana kosoloch munafo axenastam, ghoran‌ghor vochon potrank vorgonneo ekttaita - kosolench komixon ya faido nastana’.

’Daaiz sahitik spordho’ - edoll‌ch konnem-i korinat‌l'lim kamam korun zaleant.

Osolech sobhar bore irade amcha motint asat punn amcho xevott anim amim edoll pavo‌l'lea vattemodhem kitem-i asa tor to ’vell‌kall’ matr.

’Daaiz’ vixim tujim ugtim bhognnam-tthika kitem-i aslear tim amkam dhaddun divyeta.

Mayamogasovem,

- Valley Quadros