Amim Herank Vatt Dakhomvchi ek vat Zaveangi?

Placeholder: the original page gave this picture no description, and none has been written yet. It came from daaiz\daaiz\column\editorial\editorial1.asp.
Voros : 2004

Moino : July

Khoinchi-i vat apnnakhatir pettana, khoinchey fo಼ul apnnakhatir fo಼ulana. Hea somsarant aschem hor‍yek devachem rochon tor‌y hor‍yek jivi, hor‍yek rochni ekameka khatir devan rochlam.

Somsarant ailevar zal'lea ya zaunascha progotent ontor‌zall ek bhovo mohotvachi progoti mhonnyet. Hantum zaitem padd ghoddlam-i zauyet punn zaitem borem-i ghoddlam anim ghoddon asa. Protyek zaun konknnek hi ek; boremponn kor‍chak ek vatt kor‍n dita mholl'llem khonddit.

Pottacha zoddikhatir aplo gamv soddn sat dor‌ye pois aslear kitem zalem? aplea mam-i gamvant kitem ghoddta? amcha sezarant kitem xijta? hem sor‍v ekach khinnan hea ontor‌zalla mukhantr somzon gheuyet. Somsaracha khonchai konxar ason‌y konknni bhas vachunk, konknnecho mog kallzant jivoch dourunk hem ontor‌zall aukas korun dita mholl'llem khonddit.

Oxem sur‍vat zal'lea hea progotent az‌kal zaitim saittam konknni sahiteak hozarom lokamlagim pauyta. Bor‍ya ud'dexant, bor‍ya kamam khatir osoli bori sur‍vat kor‍chi khonddit zaun borench mholl'lli mhoji obhiprai.

Kiteak mhollear eka vati thaun hozar vatim pettouyet anim hozar vati pettoileari tea eka vatichem auk unnem zainam bogar ujvadd choddta. Hoch amcho xevott konknni sahitik konso ’daiz’ rupim.

Hoch amcho xevott. Borem vachap, borem sahity, bore vichar dimvcho. Tor‌y choddaut zaun amim jinnyecha paulamni choltana zaitepauttim amim xevott‌ch visrotamv.

Ekameka spordho eka bor‍ya ud'dexan, borim kamam kor‍chepasot asa tor, tosole spordhe aicha kallak bhovo gorjeche anim osole spordhe dharall zamv. Punn kur‍leancha svobhavann bhoron ekamekachem unnemponn korun, herank holkun, khellkullam korun, amchach somajemukhar nalisai korun, hamv0ch xrextt mholl'llo ohombhavo atam tor‌y soddun ekameka sangata vaurunk amim sor‍vamni eka xevottateuxin paulam kaddtana bhomvtonnicho kallok dhamvddaunko ek vat zaun petteangi?

Koxem eka kittollacho bor‍ya ud'dexan vapor kelo tor randnnint xit/pez xizouyet. Toxench padd vapor kelo tor konnaichem-i ghor hulpauyet. Toxench ek vat zaun amim pett'tana padd ud'dexan herank hulpaunko vechem naka, bogar opnnak‌ch hulpaun gheun fo಼kot herank ujvadd zaveam nhoigi?

’Daaiz’ khonddit zaun ek konknni sahitik konso, hantum fo಼ais zamvchim vinchnnar bor‍pam tuka koxim bhogtat? mholl'llem tuka ugtean sangonk aukas asa. Anim khonddit zaun ’daiz’ konknni sahitik somsarant ek moladhik ’daiz’ zatelem mholl'llo amcho bhor‍voso.

Bhov Khalteponnim,

- Valley Quadros, Ajekar