ಕವಿತಾकविताPoem

Protikarachim Mullam

Kovita

Protikarachim Mullam

Dis gel'leporinch ami jiemvcho kall soit marekar zaun porivortit zata. Hanga ’kall’ guneamvkari nhoi, kallant jieun ascho ’monis’. Monxak monis dusman koso zala. Ho rag, dusman‌kai, dhvex ani hogem konnaik‌yi kedinch, kitench kaim' faido zoddun divonko sokonk na mholl'llem oddhuk sot zannason‌yi kiteak monis zat, dhorm', bhas, lipi, pranty mholl'llea nibamni ekamekacho somhar korunk lagla, ani hea poristhitent oskot ani lachar zal'lem ’monxaponn’ matr pois ravon polleta.

Kednam-i hea protikarachim mullam sodhunk, va somzonk motint chintop attoilam? hi kovita vachun gel'leporinch hem soval amim amkam korchem onivary zalam.

Protikarachim Mullam

sm1

Tamnni tuka lhan korpacho yotn kelo
gordechea bovallant eksuro xennil'lo avaz
punn tum poilinch xikil'lo
dongor fatranchi bhas
ani khoddpam legit katrotat
tea nhomyancho avaz.

Ran patoll zalem thoim tum ubo raulo,
zom-i kagdacher xayen soi kel'li
tea kagdak yetalo vas
rogot ani telacho
tamnni sanglem to vas udrogoticho.

Fuddarache barik barik kuddke korun
haddam dollpi yontranchea
kan foddpi goddgoddant
tuvem aikolo ek tal
aplim mullam ghott'tt dhorun
moun nhoikaropi biancho.

Tuzo songhrx naxil'lo
svotachea faidea khatir
ti axil'li ek sthir protigonea
fantodder zago zaun
yeukar divpacho
soteachim kirnnam patllaupi sureak.

Tuvem addaile tanche razorste
zankam tannim dil'lim navam
itihasakodden fottingoponna korpi
tanchea mhapurosanchim
je ube rovil'le vonntti zaun
tujea ani heranchea modim

Jen'na tamnni tuji fokannam kelim,
raulo tum dhiran himaloyauri
jen'na tamnni tuka dhomkailo
tuvem dakhoili jid'd dorea lharanchi
tamnni tuka mittoupacho yotn kelo
ten'na tuvem yad korun dili
dhortori urlea jivi
tujeach ghamacher poxil'lea
ani tuvench samballil'lea
soimak lagun

[September, 2026]

Borovpi

Shailendra Mehta

Zolm': Ponnji
Mullave xikxonn vaglle haiskul mongexi, tache uprant sorkari uchch madhyomik videaloi ani dhempe kolez, ponnji. Uprant mumboi videapitthachi totvoginean vixeantani gova videapitthachi rajyoxastr ani lettin omerikon sttoddiz vixeamni podvyut'tor podvi. 1980 chea doskant videarthi, kamgar ani Konkani cholloullini sokriy.
Konkani, moratthi, inglejh bhaxantlean kovita, lekh, nattyoporikxonn, nibond, sod nibond, mulakhoti toxench sthaptyoxastr, ddizhain, hostokola, somazoxastr, rajyoxastr oxea vingddovingodd vixeamveli borpaull thollavea, raxttri-i ani antororaxttri-i nemalleani sat'tean ujvaddak yet asa.
Goa videapitthachea Konkani vixvokox proklpant sonxodhon sohaik: 3 vorsam
Goan Viklicho Sompadok: 1 vors
Gomontok Times Nemalleant Potrokar: 5 vorsam
Fr.Agnel College, Pilar Hanga Rajyoxastr Vixeacho Veakheata: 6 vorsam
Gelim 26 Vorsam choddso Mumboi rabito.
'inddeks fornichor zornol ' hea antororaxttri-i nemalleachem 20 vorsam sompadon,
'mai monttor'(3 vorsam) hea inglejh ani 'songram'' (7 vorsam) hea moratthi nemalleachem sompadon
Gomontok ttiuhi hea chenlacho maji sol'lagar sompadok: dedd vors
Poinnari.com Sohsompadk: 2020 Saun
Sompadok: Vornnomudra, Konkani sahityik tin mhoineallem 2024 saun
Ujvaddoil'lem Sahity:
1. Sisifos tengxer: Konkani kovitasongroh
2. Mukt chinton: nibond songroh (Konkani)
3. Obhizat: somvsarik sahiteacher moratthi nibondh songroh.
4. Vijnovasantolo bhounddekor: Konkani kovitasongroh
5. Ximepolotoddochem daiz: kothasongroh (16 somvsarik kothancho Konkanint onnkar)
6. Mukt monthon: nibond songroh (Konkani)
7. Mumboicho vepari: ke ji mol'lea hanche kadomboricho Konkani onnkar
8. Algoridomachea vixvant: kovita songroh (Konkani)
9. Pleg: alber kamyuche french kadomboricho Konkani onnkar
10. Goveatil porxuram' kotha vo brahmonni itihasolekhon: moratthi

Fuddem Yeupi Prokaxonam:
1. Okxor: nibond songroh (purvil'lea te modhyoyugamerenchea namnechea sahity rochnnukanchi molaunni) (moratthi)
2. Osvosth vortoman: kovita songroh (moratthi)
3. Pordesantolim fulam: 60 somvsarik kovincher ttipnnam anni tanchea kovitanche onnkar (Konkani)
4. Kotha porikroma: vis somvsarik kothancho moratthi onnkar
5. Osmanoteadd bondd: periar (Konkani)
6. Soundryoxastr ani Konkani sahity
7. Kallkhantolem rong ani her kotha: Konkani kothasongroh
8. Against the Silence: Poetry collection in English
9. Mocking the Mundane: Collection of Essays in English
10. The Parashuram Myth and Brahminical Historiography in Goa (English)
11. Olpakxor: kothnam ani kounam (Konkani)
12. Arvil'lea vicharovixvantole bonddkhor: 10 chicharount ani tanche vichar (Konkani)
13. Srizonosomvosaracho harso: somvsarik sahiteacher nibond (Konkani)

Lipeantoronn Zal'lim Pustokam
1. Sisifos tengxer: Konkani kovitasongroh (kon'nodd)
2. Nirvasit yatrichi bhounddi (kon'nodd)

e-Books
Sisifos Tengxer: Konkani Kovitasongroh (2021)

• 100 poros chodd vingodd vingodd ontororaxttri-i ani bharti-i bhaxantlea kovitancho Konkanint onnkar.
• poinnari onkachea kovi hokk ani man, mhoineacho kovi bhouman mellil'lea kovitancher porikxonnam

Puroskar:
Sisifos Tengxer (kovita songroh):
• Konkani okademicho rajy Puroskar (2018)
• Konkani bhaxa monddllacho rok barretto Puroskar (2018)
• Vishwa Konkani Kendrancho Vimala Pai Puroskar (2021)
Mukt Chinton (Nibondh Songroh):
• Konkani okademicho rajy Puroskar (2024)
Mubomycho Vepari (Onnkar):
• Konkani Bhaxa Monddllacho Puroskar (2024)
Nirvasit Yatrichi Bhounddi
• Ashawadi Prakashanacho Denis Dcunha Smarok Kannad Lipeantoronn Puroskar (2025)

All 8 pages by this writer

Protikarachim Mullam

More from Shailendra Mehta

Konknnint Kotha Odhyoinachem Mohtv

Sancho Moddttona (- Shailendra Mehta)

Collage eka Manogorachem (- Shailendra Mehta)

Kallzak Khaltiman Ghalchi Mot

Bhangaracho Pinjro

Mhojea Gamvant!