अणुयुध्द [प्रकाश पड्‌गांव्‌कर]

मनीस शिकपी जाल्लेपरिंच विनाशिकारी जाला, देकून संसारांत अपलें व्हड‌पण धाकवपाक लागून हेरांचें नास करुंक वेवेगळ्यो वाटो सोधून आसा. आसोंक मनशाक सर्व आसा; शिकप आसा, समजणी आसा, बरें-वायट म्हळ्ळी प्रजना आसा पूण इतलें सर्व आसोन‌यी तितलेच मापाचें खोटेंयी असा.

कवी बाब प्रकाश पड‌गांव‌कर गोंयचो नामणेचो कवी. हाच्यो चडताव कविता सामाजीक काळजेच्यो कविता. वाचप्याक चिंतूंक कर्च्यो कविता. हांगासर‌यी एक असलीच कविता आसा, जावंक पुरो ही राजकीय चिंत्पाची कविता. पूण ह्या कवितेची तांक आनी गुंडाय मापुंक तुकाच सोडतां.

[कविता] अणुयुध्द [प्रकाश पड्‌गांव्‌कर]

अणुयुध्द

अनमिक शक्तिन

केल्लि निर्मानि धररेचि

वाव्र तचा प्रयोग्‌शालेचो

घेत्लो मन्शांनी अप्ल्या हातांत

अद्भूत तांकिन मोन्शांनी

केल्लि सौंशोधनां

दोळे दिप्कव्पि

मनिस जिणेच्या उत्थानची

आयज तोच मनीस

निर्मुन विनाश्‌करि अणुबोंब

घेव्न तो हातांत फुशार्ता

झूज करूंक फुर्‌फुर्ता

अबुद्द्‌पोणान तो मनीस ऎक दीस

अणुयुध्‌द घडोंव्चोना

कर्चोना डूप धर्तरेचो

शाश्वती दिंव्क कोण शाकना

- प्रकाश पड्‌गांव्‌कर [जनेर, २०१९]

प्रकाश पड्‌गांव्‌कर: नामणेचो कवी, विशलेषक ’उज्वाडाचीं पावलां’, ’वासकोयन’, ’हांव मनीस अश्वथामो’, ’काळ-रेलवेच्यो’, ’मन-हारशांच्यो’, ’पावस-पयणाच्यो’, ’सर्ग धाडपाक धर्तेचो’, ’व्हंवती न्हंय काळाची’, ’ब्रम्हांड - योगी चिरंतानचो’ हाचे कविताजमे. केंद्र साहीत अकाडेमिचो पुरसकार जोडपी, टी. एम. ए. पै पुरसकार, कला अकाडेमी पुरसकार हाका लाभ‌ल्ले प्रमूक पुरसकार.