ಲವಿ ಗಂಜಿಮಠ

(ತಾರಾ ಲವಿನಾ ಫೆರ್ನಾಂಡಿಸ್)

ಮೈಸೂರ್ ವಿಧ್ಯಾಪೀಠ ಥಾವ್ನ್ ಸಮಾಜ್ ಶಾಸ್ತಿರಾಂತ್ ಎಮ್.ಎ. ಮಂಗಳೂರ್ ವಿಧ್ಯಾಪೀಠ ಥಾವ್ನ್ ಬಿ.ಎಡ್. ಆನಿ ಕೊಂಕಣಿಂತ್ ಎಮ್.ಎ. ಶಿಕಪ್ ಜೊಡುನ್, ಶಿಕ್ಷಕಿ ಜಾವ್ನ್ ವಾವ್ರ್ ಕರುನ್ ಆಸಾ.

ಕಥಾ, ಕವಿತಾ, ಕಾದಂಬರಿ, ಸಂಸೋದ್ ಆನಿ ಲೇಖನ್, ನಾಟ್ಕುಳೆ, ಕಾಂತಾರಾಂ, ಲಲಿತ್ ಪ್ರಬಂಧ್ ಅಶೆಂ ಕೊಂಕಣಿ ನೆಮಾಳ್ಯಾಂನಿ, ಸಂಕೇತ್‍ಥಳಾಂನಿ ಸಕ್ರಿಯ್ ರಿತಿಚೊ ಸಾಹಿತ್ಯಿಕ್ ವಾವ್ರ್ ಕರುನ್ ಆಸಾ. ’ರಾಕ್ಣೊ’, ’ಆಮ್ಚೊ ಸಂಧೇಶ್’ ನೆಮಾಳ್ಯಾಚ್ಯಾ ಸಂಪಾದಕೀಯ್ ಸಮಿತಿಂತ್ ವಾವ್ರ್ ಕರುನ್ ಆಸಾ. ಕೊಂಕಣಿ, ಇಂಗ್ಲಿಶ್ ಆನಿ ಹಿಂದಿ ಭಾಸೆಂತ್ ಸಯ್ತ್ ಬರಯ್ತಾ.

ಸಾಂಕಳ್ ಕಾಣಿಯೊ : 
ಚುಕ್‌ಲ್ಲಿಂ ಮೆಟಾಂ 
ಹಾಂವ್ ತುಕಾ ನಾಕಾಗಿ? 
ತುಂ ಪೂತ್ ನ್ಹಯ್

ಪುಸ್ತಕಾಂ : 
2012: ದಸ್ಕತ್ ಆನಿ ಹೆರ್ ಕಥಾ (ಮೊಟ್ವ್ಯೊ ಕಥಾ ಸಂಗ್ರಹ್) - ’ಸಮನ್ವಯ ಪ್ರಕಾಶನ್’
2018: ಚುಕ್‌ಲ್ಲಿಂ ಮೆಟಾಂ (ಕಾದಂಬರಿ) 
2023: ತುಂ ಪೂತ್ ನ್ಹಯ್ (ಕಾದಂಬರಿ)  

ಪುರಸ್ಕಾರ್: 
2012: ’ದಸ್ಕತ್ ಆನಿ ಹೆರ್ ಕಥಾ’ ಪುಸ್ತಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ ’ಉತ್ತೀಮ್ ಕಥಾ ಪುಸ್ತಕ್’ ಪುರಸ್ಕಾರ್.
2018: ’ಚುಕ್‌ಲ್ಲಿಂ ಮೆಟಾಂ’ ಪುಸ್ತಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ ’ಉತ್ತೀಮ್ ಕಾದಂಬರಿ ಪುಸ್ತಕ್’ ಪುರಸ್ಕಾರ್.
2024: 'ರಾಕ್ಣೊ ಸಾಹಿತಿಕ್ ಪುರಸ್ಕಾರ್'

ಕೊಂಕ್ಣಿ ಸಾಹಿತ್ಯ್ ಸೆವೆಕ್ ಕರ್ನಾಟಕ ರಾಜ್ಯ ಶಿಕ್ಷಕರ ಸಂಘ ಥಾವ್ನ್ ಮಾನ್ 
"ಹಾಂವ್ ತುಕಾ ನಾಕಾಗಿ" ಮಿನಿ ಕಾದಂಬರಿಕ್ ’ಕುಟ್ಮಾಚೊ ಸೆವಕ್’ ವಜ್ರೊತ್ಸವ್ ಸರ್ತೆಂತ್ ಪಯ್ಲೆಂ ಇಮಾಮ್.
ರಾಕ್ಣೊ, ಉಜ್ವಾಡ್, ಕುಟ್ಮಾಚೊ ಸೆವಕ್, ಕೊಂಕ್ಣಿ ಲೇಖಕ್ ಸಂಘ್, ತಶೆಂಚ್ ಹೆರ್ ಸಂಕೇತ್‌ಥಳಾಂನಿ ಚಲಂವ್ಚ್ಯಾ ಸಾಹಿತಿಕ್ ಸರ್ತೆಂನಿ ಮೊಟ್ವಿ ಕಥಾ, ಚಿಕ್ಣಿ ಕಥಾ, ಕವಿತಾ, ಪ್ರಬಂಧ್, ಲಲಿತ್ ಪ್ರಬಂಧ್, ಲೇಖನಾ ವಿಭಾಗಾಂನಿ ಇನಾಮಾಂ ಜೊಡ್ಲ್ಯಾಂತ್.
ದಿಯೆಸೆಜಿ ಹಂತಾರ್ ತಶೆಂಚ್ ಹೆರ್ ಭಾಷಣ್ ಸ್ಪರ್ದ್ಯಾಂನಿ ಬಹುಮಾನಾಂ ಆಪ್ಣಾಯ್ಲ್ಯಾಂತ್.

ಸಂಸೊದ್ ವಾವ್ರ್:
ಮಂಗ್ಳುರ್ ವಿಧ್ಯಾಪೀಠಚ್ಯಾ ’ಕೊಂಕಣಿ ಅಧ್ಯಯನ ಪೀಠ’ಥಾವ್ನ್ ೨೦೨೫-ವ್ಯಾ ವರ್ಸಾಚೆಂ ಮೈನರ್ ರಿಸರ್ಚ್ ಸ್ಕೋಲರ್‍ಶಿಪ್ ಘೆವ್ನ್ ’ಕೊಂಕ್ಣಿ ಸಮಾಜಾಂತ್ ಸ್ತ್ರೀಯಾಂಚೆರ್ ಶೋಷಣ್ - ಆಂಜೆಲ್ ಕಾದಂಬರಿಚ್ಯಾ ಪಾಠ್ ಥಳಾರ್’ ವಿಷಯಾಚೆರ್ ಸೊಧ್ ಪ್ರಬಂಧ್ ಬರಯ್ಲಾ.

ಪ್ರಬಂಧ್ ಮಂಡನ್:
ಆಶಾವಾದಿ ಪ್ರಕಾಶನಾಚ್ಯಾ ಕಥಾಪಾಠ್ ರಾಷ್ಟ್ರೀಯ್ ವೆಬಿನಾರಾಂತ್ ’ಕೊಂಕ್ಣೆಂತ್ ಸ್ತ್ರೀ ಸಾಹಿತ್ಯ್’ ಪ್ರಪತ್ರ್ ಮಂಡನ್.
ಆಶಾವಾದಿ ಪ್ರಕಾಶನಾಚ್ಯಾ ಕಥಾಪಾಠ್ ರಾಷ್ಟ್ರೀಯ್ ವೆಬಿನಾರಾಂತ್ ’ಮಂಗ್ಳುರ್ ಭಂವ್ತಿಂಚೆ ಕಾನಡಿ ಲಿಪಿಂತ್ ಕೊಂಕಣಿ ಸಾಹಿತಿ ಆನಿ ಸಾಹಿತ್ಯ್’ ವಿಷಯಾಚೆರ್ ಪ್ರಬಂಧ್ ಮಂಡನ್ ಕೆಲಾ.
ಆಮ್ಚೊ ಸಂದೇಶ್ ನೆಮಾಳೆಂ ಅನಿ ಕೊಂಕಣಿ ಲೇಖಕ್ ಸಂಘಾಚ್ಯಾ ಸಹಯೋಗಾನ್ ಚಲ್‌ಲ್ಲ್ಯಾ ತರ್ಬೆತಿ ಶಿಬಿರಾಂತ್ "ಮೊಟ್ವ್ಯಾ ಕಥೆಂಚೊ ವ್ಹಾಳೊ" ಮಾಹೆತ್ ಉಲವ್ಪ್
"ಶಾಳೆಂನಿ ಕೊಂಕಣಿ ಶಿಕ್ಪಾಚೊ ಫುಡಾರ್" ಪ್ಯಾನೆಲ್ ಸಂವಾದ್ ಪಾತ್ರ್.
ಗ್ಲೋಬಲ್ ರೋಮಿ ಲಿಪಿ ಅಭಿಯಾನಾ ಥಾವ್ನ್ ಗೊಂಯಾಂತ್ ಚಲಯ್ಲೆಲ್ಯಾ ಪಯ್ಲೊ ಅಖಿಲ್ ಭಾರತ್ ಕೊಂಕ್ಣಿ ಸಾಹಿತಿಕ್ ಆನಿ ಸಾಂಸ್ಕೃತಿಕ್ ಸಮ್ಮೇಳ್ ಹಾಂತು ’ಏಕ್ ಭಾಸ್ ಏಕ್ ಕಿತ್ಲಿ ಫಾಯ್ದ್ಯಾಚಿ ಆನಿ ಕಿತ್ಲಿ ಲುಕ್ಸಾಣೆಚಿ’ ವಿಷಯಾಚೆರ್ ಉಲವ್ಪ್
ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿನ್ ಗಂಟಾಲ್‌ಕಟ್ಟೆಂತ್ ಚಲಯ್ಲೆಲ್ಯಾ ೨೦೨೬-ವ್ಯಾ ವರ್ಸಾಚ್ಯಾ ಸಾಹಿತ್ಯ್ ಸಮ್ಮೇಳನಾಂತ್ ’ಕೊಂಕ್ಣಿ ಸಾಹಿತ್ಯ್ ಕಾಲ್ ಆಜ್ ಆನಿ ಫಾಲ್ಯಾಂ’ ವಿಷಯಾಚೆರ್ ಉಲವ್ಪ್.
ರಾಕ್ಣೊ, ಕೊಂಕಣಿ ಲೇಖಕ್ ಸಂಘ್ ಕರ್ನಾಟಕ, ಸೈಂಟ್ ಅಲೋಶಿಯಸ್ ಪಿ.ಯು. ಕಾಲೆಜ್ ಕೊಂಕಣಿ ಸಂಘ್ ಹಾಂಚ್ಯಾ ವೆವೆಗ್ಳ್ಯಾ ಕಾರ್ಯಕ್ರಮಾಂನಿ ಸಾಹಿತಿಕ್ ವಿಚಾರಾಂಚೆರ್ ಉಲವ್ಪ್.

ಅಂಕಣ್
"ಯುವ ಹವಾ" (ರಾಕ್ಣೊ)

ಹೆರ್
ಆಕಾಶವಾಣಿ ಕೇಂದ್ರ್ ಮಂಗ್ಳುರ್ ಥಾವ್ನ್ ಮಟ್ವ್ಯೊ ಕಥಾ ಸಾದರ್ ಕೆಲ್ಯಾತ್.
ಕೊಂಕಣಿ ತಶೆಂಚ್ ಬಹುಭಾಶಾ ಕವಿಗೋಷ್ಟಿಂನಿ ಕವಿತಾ ಸಾದರ್ ಕೆಲ್ಯಾತ್.
ಕೊಮೆಡಿ ಕಂಪನಿ ಯುಟ್ಯೂಬ್ ಚಾನೆಲಾರ್ ಕವಿತಾ ವಾಚನ್ ಕೆಲ್ಯಾತ್.
"ಪೊಯೆಟಿಕಾ" ವಾಟ್ಸ್ ಆಪ್ ಗ್ರೂಪಾಚೊ ಸಕ್ರಿಯ್ ಸಾಂದೊ. ಕೊಂಕಣಿ ಲೇಖಕ್ ಸಂಘಚೊ ಸಕ್ರಿಯ್ ಸಾಂದೊ.
"ಪೊಯೆಟಿಕಾ"ನ್ ಚಲಯ್ಲೆಲ್ಯಾ  ಕವಿಗೋಷ್ಟಿಂನಿ ಕವಿತಾ ವಾಚನ್ ಕೆಲ್ಯಾತ್.
2022: ದಕ್ಷಿಣ ಕನ್ನಡ ಜಿಲ್ಲಾ ದಸರಾ ಬಹುಭಾಷಾ ಕವಿಗೋಷ್ಟಿಂತ್ ಕವಿತಾ ವಾಚನ್ ಕೆಲಾಂ.
www.kavitaa.com ಥಾವ್ನ್ ಚಲಯಿಲ್ಲ್ಯಾ ಕೇಂದ್ರ್ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ್ "ಮಾವ್ಜೊ ಸಂಗಿಂ ಯುವ ಸಾಹಿತಿಂಚಿ ಮುಲಾಖಾತ್" ಹಾಂತು ಪಾತ್ರ್ ಘೆತ್ಲಾ.
"ಫೆರಾರ್ಚೆಂ‌ ಪ್ರೇರಣ್" ಫಿರ್ಗಜ್ ಪತ್ರಾಚೆಂ ಸಂಪಾದಕ್ಪಣ್ ಚಲಯ್ಲಾಂ.
ದಿಯೆಸೆಜಿಚ್ಯಾ ಗೊವ್ಳಿಕ್ ಪರಿಚದೆಚ್ಯಾ ಭಾಂಗಾರೋತ್ಸವ್ ಸ್ಮಾರಕ್ ಅಂಕ್ಯಾಚ್ಯಾ ಸಂಪಾದಕೀಯ್ ಮಂಡಳಿಚೊ ಸಾಂದೊ. 
ಶಿಕ್ಣಣ್ ಇಲಾಖ್ಯಾನ್ ಚಲಂವ್ಚ್ಯಾ ತಾಲ್ಲೂಕ್, ಜಿಲ್ಲೊ , ರಾಜ್ಯ್ ಆನಿ ವಿಭಾಗೀಯ್ ಮಟ್ಟಾಚ್ಯಾ ಕಾಮಾಸಾಳಾಂನಿ, ತರ್ಭೆತಿ ಕಾರ್ಯಕ್ರಮಾಂನಿ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ವ ಶಿಬಿರಾರ್ಥಿ‌ ಜಾವ್ನ್  ಭಾಗ್ ಘೆತ್ಲಾ.

ಹವ್ಯಾಸ್:
ನಟನ್
ಕಾರ್ಯ ನಿರ್ವಹಣ್
ಕಾರ್ಯಕ್ರಮ್ ಸಂಘಟನ್