दायज मित्र साहितीक शिभीर २००७ - भोव यशस्वेभरीत
[अलंगार ऐ.सी.वै.एम सांद्यां थावन स्वागत गीत आनी एल्येर ताकोडेचें स्वागत भाषण]
फिर्गजेवार कोंकणी साहित्याचो मोग चडंवच्या, तशेंच साहितिंक प्रोत्साह/उत्तेजन दिंवच्या इराद्यान, मित्र आनी दायज पंगडान वर्सान वरस आसा कर्चें ’दायज मित्र साहितीक शिभीर २००७’ हेच्च सप्तेंबराच्या १६ तारिकेर आयतारा, मूडबिद्री वाराड्यांतल्या अलंगार फिर्गजेंत आसा केलें.
[एल्येर ताकोडे, डा|एडवर्ड नज्रेत, मा|बा|मार्क वालडर, मा|बा|विन्सेंट डी’सोज, वल्ली वग्ग, ल्यान्सी माडता आनी वल्ली क्वाड्रस] [कळशेचेर दिवटणी दवर्न शिभिराचें उग्तावण कर्ता मा|मार्क वालडर]
[उग्तावपी आनी अध्यक्षाचें उलवप]
[उग्तावपी आनी अध्यक्षाक उडासाची काणीक जावन कोंकणी बूक]
सकाळीं धा वोरार अलंगार भारतीय कथोलीक युवसंचालनाच्या सांद्यांच्या मागण्या गितान सुरू जाल्ल्या ह्या शिभिराचें उग्तावण मा|बा|मार्क वालडर (आधलो राकणो संपादक) हाणीं केलें. काऱ्याचें अध्यक्ष स्थान अलंगार फिर्गजेच्या विगार मा|बा|विन्सेंट डी’सोज हाणीं घेतलें तर, मुखेल मानाचे सयरे जावन कोंकणी लेखकांच्या एक्ताराचो अध्यक्ष मानेसत एडवर्ड नज्रेत, फामाद कोंकणी साहिती वल्ली वग्ग, तशेंच मित्र हफ्त्याळ्याचो संपादक एल्येर ताकोडे आनी दायज संपादक वल्ली क्वाड्रस वेदिचेर आसले.
[डोलफी कास्सिया आनी वल्ली क्वाड्रस, वल्ली वग्ग आनी रिच्ची पिरेर, एडवीन जे.एफ आनी हिलरी रेगो]
लोयड रेगोन सयऱ्यांची वळोक कर्न स्वागताचीं उत्रां उलयतच्च, दिवो पेटवन दिवटणिचेर दवर्न शिभिराचें उग्तावण मा|बा|मार्क वालडरान केलें, तशेंच आयचा परिगतेंत एका साहीतकाराची गर्ज आनी स्थान कसलें म्हळ्ळ्याचेर अपलीं भगणां उचारलीं.
काऱ्याचो अध्यक्ष मा|बा|विन्सेंट डी’सोजान पयले पावटीं कोंकणी साहिती इतल्या संख्यान एका जाग्याचेर एकटांय जांवचें निजायकी आमचो गौरव चडयतासतां, आयचा शिभिरार्थिंनी ह्या दिसाचो भर्पूर फायदो जोडचो म्हळ्ळो संधेश दिलो.
[कोंकणी कविताशेत - एच्चेम प्रभंध वाचता, तशेंच ताका उडासाची काणीक दिता मा|जोर्ज ओलिवेरा]
सकाळिंच्या काऱ्याचें अपुर्भायेचें ’काऱ्यें निर्वाहण’ मानेसत रेमंड डी’कुन्हा ताकोडेन घेतल्लें.
[अपुर्भायेची कवितागोश्टी चलवन वर्तात टैटस ताकोडे आनी आन्सी पालडका]
सकाळिंच्या उलवपाचो पयलो भाग लेखनां बरंवचेविशीं प्रो|स्टीफन क्वाड्रसान अपलें सविसतार रितिचें लेखन प्रसतूत करून कोंकणी लेखकांनी वाचपाचेर चडीत आनी चडीत ध्यान दिंवची भोव गर्ज आसा म्हणालो. ताच्या उलवपा उपरांत डा|एडवर्ड नज्रेतान एक लेखन कशें बरयहाय? तांतूं आसाजय जाल्ली तांत्रिकथा आनी गमन दीजाय जाल्ल्या हेर सभार विश्यांचेर विवर आटापचें प्रेसेंटेशन (धाखवप) दीवन उलयलो.
[कवितावाचन: वल्ली वग्ग आनी भोटाम भोळिये]
संवादाचेर मानेसत जोय पालडका उलवन पत्रांक कसलीं लेखनां धाडिजय म्हळ्ळ्याचेर मटवो विवर दिलो.
[कवितावाचन: एल्येर ताकोडे, ई.एस.मूडबिद्री आनी विल्सन कटील]
दूसऱ्या भागांत कोंकणी मटव्यो काण्यो कश्यो बरंव्येता म्हळ्ळ्याचेर मानेसत वल्ली वग्गन अपली समजोणी वांटून घेतली. त्ये उपरांत मानेसत एडवीन जे.एफ.डी’सोजान साहित्याचेर अपले विचार प्रसतूत केले. वल्ली क्वाड्रसान अपल्या उत्रांनी समाजेंत साहिती म्हळ्यार एक हव्यासी वर्ग जायनाये, बगार जवाभदारेचो वर्ग जावंक उलो दिलो.
[कवितावाचन: वल्ली क्वाड्रस]
[कविता वाचल्लीं कवीं]
हेच्च संदर्भार फामाद कोंकणी नाटकिसत, काण्येगार मानेसत डोलफी कास्सियान ताचे थावन ’मित्र’ घेवन बरया रितीन चलंवच्या मित्र पंगडाक तशेंच ’झेलो’ पत्र बरया रितीन चलंवच्या पंचू बंटवाळाक फूल दीवन मान केलो. तशेंच रेमंड डी’कुन्हाक ताचेसवें इक्रा वर्सां ’झेलो’ पत्रांचो सह संपादक जावन वावर केल्ल्या खातीर आनी वल्ली क्वाड्रसान दायज.कोम ध्वारीं कोंकणेंत एदोळ केल्ल्या नसेवांवाक फूल दीवन मान केलो.
[स्वागत आनी सयऱ्यांची वळोक कर्ता वल्ली क्वाड्रस]
जेवणा उपरांतल्या काऱ्यांत कोंकणेंतले उदेवन येंवचे गावपी अश्वीन आनी जोयेल (मोग आसों कोवळेक फामाद) हाणीं ’ये नारी’ म्हळ्ळें पद गावन मनरंजीत केलें.
[ये नारी ये - अपुर्भायेचें पद गायतात जोस्वीन आनी जोयलन, ल्यान्सी माडता उल्लास पाटयता]
दनपारांच्या काऱ्यांत कविता विश्यांत प्रमूख उलवप जावन एच्चेमान ’प्रसतूत कोंकणी काव्यें’ म्हळ्ळ्याचेर अपलें प्रभंध मंडन केलें. त्ये उपरांत आन्सी पालडका तशेंच टैटस ताकोडेन चलवन वेल्ल्या कवितागोश्टिंत कवी एच्चेम, एडी काडदोस, एल्येर ताकोडे, क्याथरीन रोड्रिगस, मेलवीन पेर्नाल, ग्लेडीस रेगो, आरयन ताकोडे, नवीन सुरत्कल, अविना मियार, वल्ली वग्ग, विल्सन कटील, वल्ली क्वाड्रस हाणीं भाग घेतलो. कवितागोश्टिंत वांटेली जालेल्या सर्वांक अशावादी प्रकाशनाचे बूक इनाम वांटले. तशेंच आधल्या मयन्यांत कुवेयटांत चलल्ल्या कवितापाठांत अविना मियाराच्या कवितेक मानेसतीण हेलेन पिंटोन इनाम जावन दिल्ले ५००० रुप्यांची चेक वल्ली क्वाड्रसान अविना मियाराक पावीत केली.
[कुवेयटांत चलल्ल्या कवितापाठाचेर मानेसतीण हेलेन पिंटोन दिल्ल्या ५००० रुप्यांचें इनाम अविना मियार घेताना]
उपरांत चलल्ल्या वेदिच्या काऱ्याची सुर्वात भारतीय कथोलीक युवसंचालनाच्या सांद्यांनी मागण्या गितार सुर्वात केली. काऱ्यें निर्वाहक मेलवीन पेर्नालान सयऱ्यांक वेदीक आपवणें पाटयलें; संपणी काऱ्याचें अध्यक्षस्थान बाब एरीक ओझेर (कर्नाटक कोंकणी साहित्य अकाडेमिचो अध्यक्ष) हाणें घेतलें तर मुखेल सयरो जावन फामाद कोंकणी साहिती जेरी कुलशेकर आनी मानाचे सयरे जावन मा|फ्रान्सीस रोड्रिगस अलंगार, मा|मार्क वालडर, मा|विन्सेंट डी’सोज, मानेसत एलियास सांक्तीस, आनी मानेसत पासकल पिंटो हाजर आसले.
[आशावादी प्रकाशनाच्या आट नव्या बुकांची वळोक करून दिता बाय वायलेट जे. पिरेरा]
वल्ली क्वाड्रसान स्वागत आनी सयऱ्यांची वळोक कर्न दिल्ल्या उपरांत बाय वायलेट पिरेरान मोकळीक जावंक आसच्या आशावादी प्रकाशनाच्या आट नव्या बुकांची मटवी वळोक कर्न दिली तशेंच ते बूक मोकळीक कर्च्या सयऱ्यांनी बुकांचें चारित्रीक मोकळीक काऱ्यें चलयलें.
आडोसांतलीं फुलां (उग्तावपी: मानेसत ल्यान्सी माडता)
आटव्या रंगाचो धोणू (उग्तावपी: मानेसत एच्चेम)
शिंपडलेलीं मोतियां (उग्तावपी: मानेसत आन्सी पालडका)
मुखां पाटलीं रुपां (उग्तावपी: मानेसत जेरी कुलशेकर)
कुल्कुलो (उग्तावपी: मानेसत वल्ली वग्ग)
मोळबावयलीं स्वपणां (उग्तावपी: मा|फ्रान्सीस अलंगार)
तिंतेरांत पिंतुरां (उग्तावपी: मानेसत पंचू बंटवाळ)
काळोक नातल्लो गांव (उग्तावपी: मानेसत रिच्ची पिरेर)
[चारित्रीक बूक मोकळीक काऱ्यें चलवन वर्तात कोंकणेंतले नामणेचे साहिती]
बुकाचें मोकळीक काऱ्यें संप्तच पर्गटणार वल्ली क्वाड्रसान आपल्या एदोळच्या मिसांवार भगुंक मेळल्ल्या गोड तशेंच कोडहू अनभोगांक जिरवन दोन उत्रां उलयलो तशेंच ह्या बुकांच्या पर्गटणेक आधार जाल्ल्या पोशकांक तशेंच वेदिचेर आसच्या मान सयऱ्यांक मानाची प्रती वांटली.
[चारित्रीक मोकळीक काऱ्यांत वांटेली जालेलीं - उभीं रावोन ताळियो पेटून उल्लासिताना]
उपरांत दायज साहितीक स्पर्धो २००६ हांतूं इनामां जिकलेल्यांक इनामां, मानपत्र वांटचें काऱ्यें काऱ्याचो अध्यक्ष बाब एरीक ओझेरान चलवन वेलें. बाब एरीक आपल्या उलवण्यांत प्रसतूत परिगतेंत असल्या साहितीक शिभिरांची गर्ज आनी महत्व कसलो म्हळ्ळ्याचेर दोन सब्ध उलयलो तशेंच सर्व शिभिरार्थिंक उल्लास पाटयलो.
[तिंतेरांत पिंतुरां - एका मयन्याचो कवी जावन एच्चेम इनाम घेताना]
[तिंतेरांत पिंतुरां - एका मयन्याचो कवी जावन विल्सन कटील इनाम घेताना]
[तिंतेरांत पिंतुरां - एका मयन्याचो कवी जावन विलफ्रेड लोबो पडील आनी अविना मियार इनाम घेताना]
[दायज वर्साचो कवी प्रशस्थी इनाम घेंवचो एच्चेम (दायज तर्फेन ७५०० आनी आसटीन प्रभू तर्फेन १०००० नगदी), मान पत्र आनी यादिसतिका]
उपरांतल्या काऱ्यांत ’तिंतेरांत पिंतुरां’ अंकणांत ’मयन्याचे कवी’ इनाम जिकलेल्यांक इनाम वांटाप काऱ्यें मानेसत एलियास सांक्तिसान चलयलें. हऱ्येका मयन्याच्या कवीक मानपत्र, तशेंच आशावादी प्रकाशनाचे बूक इनाम जावन वांटले. वर्साचो कवी जावन एच्चेमाक पांच हजार रुप्यांचें इनाम, यादिसतिका, मानपत्र हाचेसवें अमेरिका थावन मानेसत आसटीन डी’सोज प्रभून धाडलेले धा हजार रुप्यांची चेक्क दीवन उल्लास पाटयताना जम्लेल्या सर्व लोकांनी उभें रावोन ताळियांचा आवाजान उल्लान पाटयलो.
[दायज साहितीक स्पर्धो २००६ चेर कविता बरंवच्यांत जिकलेलीं इनामां घेतात; एल्येर, एच्चेम आनी विल्सन कटील]
[दायज साहितीक स्पर्धो २००६ चेर जिकलेलीं इनामां घेतात; रिच्ची पिरेर, केवीन डी’मेल्लो (तर्फेन) आनी क्याथरीन रोड्रिगस]
त्ये उपरांत एल्येर ताकोडेन मूडबिद्री वाराड्याच्या साहितिंक वेदीक आपयलें तर, मानेसत पासकल पिंटो आनी मानेसत एलियास सांक्तीस हाणीं मानपत्र, आशावादी प्रकाशनाचे बूक दीवन मान केलो. तांचेसवें मूडबिद्रिचे तेग मालघडे साहिती जावनासच्या मानेसत हिलरी रेगो ताकोडे (फामाद काण्येगार/कादंबरिकार), मानेसत हिलरी कार्डोज पालडक (फामाद लेखक/काण्येगार), मानेसत सालवादोर रोड्रिगस पालडका (’आमची समाज’ पत्राचो संपादक) हांकां मानेसत जेरी कुलशेकर हाणें गंदाचो हार घालून, यादिसतिका, मानपत्र आनी आशावादी प्रकाशनाचे मोकळीक जाल्ले बूक दीवन मान केलो.
[समारोप काऱ्याचो अध्यक्ष बाब एरीक ओझेर उलयता, आनी ताका उडासाची काणीक दिताना]
उपरांत मुखेल सयरो मानेसत एलियास सांक्तीस आपल्या उत्रांनी ’दानां पयकी व्हडलें दान समधान’ म्हणतात, पूण हाच्याकी वर्तें दान जावनासा ’गिन्यानाचें दान’. आनी हें काम जशें कुवेयटांत निस्वार्थपणीं कर्न आयिल्ल्या दायज पंगडाचो तारिफो केलो. तशेंच मित्र-दायजान मांडून हाडल्ल्या ह्या शिभिरानिमतीं आमच्या समाजेंत सभार उंचले साहीतकार उदेवन येंवदी म्हळ्ळो उलो दिलो.
[मूडबिद्री वाराड्यांतल्या साहितिंक मान: जोय पालडका आनी विकटर कडंदले]
[मूडबिद्री वाराड्यांतल्या साहितिंक मान: टैटस ताकोडे आनी आन्सी पालडका]
[जेरी कुलशेकर मूडबिद्री वाराड्यांतल्या मालघड्या साहितिंक मान कर्ता: हिलरी कार्डोज, सालवादोर रोड्रिगस आनी हिलरी ताकोडे]
[मूडबिद्री वाराड्यांतल्या तर्न्या तशेंच पर्न्या साहितिंक मान]
[मुखेल सयरो एलियास सांक्तीस उलयता]
[बाय वायलेट पिरेराक आनी मानेसत ल्यान्सी माडताक मानाची प्रती दिता एल्येर ताकोडे]
अखरेचो उलवन मा|फ्रान्सीस रोड्रिगस आपल्या अपुर्भायेच्या कवितामय उत्रांनी आमचा साहितिंनी कसल्या संग्त्यांक चड महत्व दीजाय म्हळ्ळ्याचेर आटोव चलंवचीं उत्रां उलयलो.
उपकार आटवणी:
१. पोशकांक:
फेलिक्स लोबो, खतारलारेन्स डी’सोज शिर्वां, कुवेयटसतीशचंद्र शेट्टी नक्रे, कुवेयटवल्ली डे’सा, कुवेयटल्यान्सी माडता, दुभायजोसेफ लारेन्स डी’सोज, कुवेयटपासकल पिंटो पेर्मुदे, कुवेयटएन. दास, कुवेयटएलियास सांक्तीस किरें, कुवेयटलारेन्स पिंटो आग्रार, कुवेयटजोस्सी पिंटो नंतूर, कुवेयट
२. पत्रांक:
राकणो हाफ्त्याळें
मित्र हाफ्त्याळें
दिवो हाफ्त्याळें
सेवक मयन्याळें
झेलो मयन्याळें
३. अंतरजाळिंक:
वल्ली क्वाड्रसान उपकार आटयलो.
कोंकणी लैबरेरी उग्तावण
हेच्च संदर्भार सकाळीं ९ वोरार अलंगार फिर्गजेंत, भारतीय कथोलीक युवसंचालनाच्या मुखेल्पणाखाल एक कोंकणी वाचनालयाचें उग्तावण फामाद कोंकणी साहिती वल्ली वग्गन केलें. साहिती वल्ली क्वाड्रसान पयलो बूक भारतीय कथोलीक युवसंचालनाच्या अध्यक्षाक हसतांतर केलो. विगार बाप मा|विन्सेंटान अपले संदेश दिले. ह्या काऱ्याक गांवचे तशेंच पर्गांवचें साहिती हाजर आसले.
