ಕವಿತಾकविताPoem
Kovitapatth - Konknnim Kaveak Raipatt!
Kovitapatth - Konknnim Kaveak Raipatt!
Kovitapatth - Konknnim Kaveak Raipatt!
HM ya Henry Mendonca Pernal, Konknni sahiteant chintpacha kovitank namv vel'lo kovi, vimrxok, kannyegar, onkonnkar toxench ek probhud'd chintpi. Kuveyttant ’daiz’ pongddan choloun vorcha kovitapatth kamasallavixim ople vichar oxe vekt korta. [hem kovitapatth hacho poilo buk hachem ek prostaun]
HM, Mumboi
adhunik konknnim kaveachem poilem sv-odhyoin pustok chhapon yemvche sangata konknnim kaveacha rosgraikanchem bore dis aileat mhonnyet. Konknnim kauyem ani tacha odhyoinacher hem kaim poilem pustok nhoi tori, nirallem voi. Karonn hache adhim kaim boroupeamnim konknnim kaveacher tancha ruchi souddeche buk boroun fais kel'le asat. Tosem kaim boroupeamnim somkallin kovincheo kovita sompadun aplea khodd vicharam sangata fais kel'leyi asat.
Punn axavadicha mukelponnar cholcho "kovitapatth" konknnim kavea choritrent novo proyog. Hangam ek kovita char choug pursoter sangata boson poilean poilem apurbayen vachun kaddttat. Uprant ek dis nomiarno tacher aple vichar boroun haddttat. Char chougam modhem vachtat. Bhasabhas cholta. Hanga soglleaki ek xisot asa. Oxem kovi - kauyem - rosgraik - ho ek odhbut sankhovo toyar zata.
Kaveacha odyoina sangata hea mantakhal - buk somikxa, kovigoxttiyi choltat. Konknni kaveant hi ek mohtvachi vaddaull. Karonn kovin boryil'lem bukar chhapon urlear, inttornettar ailear mat pavana. Kaveacho "somvhon" zaije. Sontosachi gozal mhollear, konknnim kavea choritrent edoll bovochch oprubxem cholon aschem kavea somvhonachem kam' korchem misamv "kovitapatth" sat dorya bhair cholta!
Hea poilea bukant nivddolelea tornea toxem maloghddea kovincheo kovita, obiporayo ani kovichim bhognnam asat. Thoim hanga thoddeo vachpacho chuki ani prostutentoli ghuspodd soddlear, he kovita vorgo aplesotokim poripurnno astana, portean tacher khodd kaveacha rosgraikacha ruchipanak oddkoll zait. Dekun he "patth" asche asa tose rosgraikancha tabeant dimvche bore. He "patth" sod'deak cholcho khaddiecho gamv ani somsarbhor ximpoddlyelea konknnim kaveacha rosgraikank sangata yeunk asche oddkolli monim ghetlear, hantleo kaim chuki sulbayen kuxik douryet tosle. Kovita vachunk ani tache oloukik sukh bhogunk vidvanchch zaije mhonn na. Kovitayi jen'na char chougam modhem pauta ani rosgraik tika bhogta - ti kovik sorginchem dar dakoita.
Hea bukant vorgant ghetl'le, bab melvinachi "vatt" bab anddoryuchi "bam-i" oni bab vol'li kvaddrasachi "az" - mhaka khasgen kallza lagxile kovita. Eka kovita patthak va vorgak attapoche va simit urche tosle kovita bilkul nhoi. Vorso so moineamnim portean vachpak ghetlear noveachch imajimnim mukar ravon annkunchi tank hea kovitemnim asa.
Oslea adhunik kovitanchem vachap ani onusondan - manddun haddon "kovitapatth" xilpi, "axavadi" vol'li kvaddros, ajekar hannem mhoje toslea kovita mogink upkar kela. Oni atam konknni kovi, kovita vixeant oprub mahet attapocho ho buk (gronth) chhapun, ujvaddaun konknnim kaveadhyoinak lagcha muklea pillgechem kam' solis kelam. Konknni kaveacha mogar poddon tika "raipatt" bhandl'lea, tacher oni tacha kuttmacher konknnim mayechim besamvam maganatlear hamv tori anupokari zain.
- HM Pernal, Mumbai
Kayan, Maharashtra
15 June 2005
More in Daaiz
ಕವಿತಾकविताPoem 15 Jul 2005
Vimorso, Kovita Parkita ani Kovink Vollkota!
ವಿಮರ್ಸೊविमर्सोCriticism
ಕಾಣ್ಯೆಗಾರ್:
ವಿಮರ್ಸೊविमर्सोCriticism
ಚರ್ಬೆಲ್ಲಿ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.