ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ದಾಯ್ಜ್ ಸಾಹಿತಿಕ್ ಸ್ಪರ್ಧೊ 2004 ಹಾಚೆಂ ಪೋಶಕ್ಪಣ್ ಘೆತ್ಲಾಂ - ಬೆಳ್ಳೆವಿಜನ್ ಪಂಗಡ್. ಹಾಂಕಾಂ ದೇವ್ ಬರೆಂ ಕರುಂ.
ದಾಯ್ಜ್ ಸಾಹಿತಿಕ್ ಸ್ಪರ್ಧೊ - 2004
ಮಟ್ವ್ಯಾ ಕಾಣ್ಯಾಂಚೊ ವಿಭಾಗ್: (ಸ್ಪರ್ಧ್ಯಾಕ್ ಆಯಿಲ್ಲ್ಯೊ ಕಾಣ್ಯೊ 18)
ಕ್ಯಾಥರಿನ್ ರೊಡ್ರಿಗಸ್, ಕಟ್ಪಾಡಿ
[ಪಯ್ಲೆಂ ಇನಾಮ್ Rs.5000]
[ಕಾಣಿ: ಚರುವೊ]
ಮೆಲ್ವಿನ್ ಪಿಂಟೊ, ನೀರುಡೆ
[ದುಸ್ರೆಂ ಇನಾಮ್ Rs.3000]
[ಕಾಣಿ: ತೇಂಪ್ಲ್]
ಜೆ. ಬಿ. ಮೊರಾಯಸ್
[ತಿಸ್ರೆಂ ಇನಾಮ್ Rs.2000]
[ಕಾಣಿ: ಬಂಗ್ಲ್ಯಾಂತ್ಲಿ ಚಲಿ]
ಲೇಖನಾಂಚೊ ವಿಭಾಗ್: [ವಿಶಯ್: ಆಯ್ಚೊ ಕೊಂಕ್ಣಿ ಲೋಕ್ ಆನಿ ಕೊಂಕ್ಣಿ ಪರಿಗತ್] (ಸ್ಪರ್ಧ್ಯಾಕ್ ಆಯಿಲ್ಲಿಂ ಲೇಖನಾಂ 8)
[ಪಯ್ಲೆಂ ಇನಾಮ್ Rs.5000]
[ದುಸ್ರೆಂ ಇನಾಮ್ Rs.3000]
[ತಿಸ್ರೆಂ ಇನಾಮ್ Rs.2000]
ಕವಿತಾಂಚೊ ವಿಭಾಗ್: (ಸ್ಪರ್ಧ್ಯಾಕ್ ಆಯಿಲ್ಲಿಂ ಕವಿತಾ 16)
ಜೆ.ಬಿ.ಮೊರಾಯಸ್
[ಪಯ್ಲೆಂ ಇನಾಮ್ Rs.5000]
[ಕವಿತಾ: ನೆಂಟ್ಯಾ ಮತಿಚೊ ವಿಳಾಪ್]
ಆರ್ಥರ್ ಪಿರೇರಾ, ಒಮ್ಜೂರ್
[ದುಸ್ರೆಂ ಇನಾಮ್ Rs.3000]
[ಕವಿತಾ: ವೆಚಿಕ್ ಹಾಂವ್]
ಜೊಮೆಲ್, ಬೊಂದೆಲ್
[ತಿಸ್ರೆಂ ಇನಾಮ್ Rs.2000]
[ಕವಿತಾ: ದೆವಾಚಿ ಭಾಸ್]
ಸ್ಪರ್ಧ್ಯಾಚೆ ವ್ಹೊರಾಯ್ಣಾರ್: (ತುಮ್ಕಾಂ ಸಮೇಸ್ತಾಂಕ್ ದೇವ್ ಬರೆಂ ಕರುಂ)
ವ್ಹೊರಾಯ್ಣಾರಾಂಚೊ ಶರೊ:
ದಾಯ್ಜ್ ಕವಿತಾ ಸ್ಪರ್ಧೊ
- ಕವಿತಾ ಕೊಂಕಣಿ ಕವಿತಾ ಬರಯ್ತಲ್ಯಾಂಚೊ ಸಂಕೊ ವಾಡೊನ್ ಆಸಾ ಆನಿ ಹೆ ವಾಡಾವಳಿ ಸಾಂಗಾತಾ ಕವಿತಾಂಚೊ ದರ್ಜೋಯ್ ವಾಡೊನ್ ಆಯ್ಲಾ ಮ್ಹಳ್ಳೆಂ ಸಾಂಗಪ್ ಆಯ್ಲೆವಾರ್ ಆಯ್ಕೊಂಕ್ ಮೆಳ್ತಾ.
ದಾಯ್ಜ್ ಸಾಹಿತ್ಯ್ ಸ್ಪರ್ಧ್ಯಾಕ್ ಆಯಿಲ್ಲ್ಯೊ ಕವಿತಾ ಹಾಕಾ ಆನ್ಯೇಕ್ ರುಜ್ವಾತ್. ಸ್ಪರ್ಧ್ಯಾಕ್ ಆಯಿಲ್ಲ್ಯಾ ಕವಿತಾಂ ಪಯ್ಕಿ ಶಾ-ಂತ್ ಸಾಟ್ ವಾಂಟೆ ಕವಿತಾಂಚೆಂ ಗುಣಾಮೋಲ್ ಶಾಭಾಸ್ಕೆಚೆಂ ಆನಿ ವಯ್ಲ್ಯಾ ವರ್ಗಾಚೆಂ. ಇನಾಮಾಂಕ್ ತೆಗಾಂಕ್ ವಿಂಚುನ್ ಕಾಡ್ತಾನಾ ಲೆಕಾಕ್ ಧರ್ಲ್ಲೆ ವಿಷಯ್ ಹೆ:
1. ಠರಾವಣ್: ಠರಾವಣ್ (theme) ಮ್ಹಳ್ಯಾರ್ ಅಭಿಪ್ರಾಯ್ ಮಿಸ್ಳಲ್ಲಿ ಆಲೋಚೆನ್. ಹೆಂ ಠರಾವಣ್ ಬಳ್ವಂತ್ ಆಸಜೆ ಮಾತ್ರ್ ನ್ಹಯ್ ಅಪ್ರೂಪಾಚೆಂ ಆಸಜೆ ಆನಿ ವಾಚ್ತಲ್ಯಾಂಚಿಂ ಕಾಳ್ಜಾಂ ಮನಾಂ ಭುಲಯ್ಜೆ.
2. ಪ್ರತಿಮಾ: ಏಕ್ ಠರಾವಣ್ ವಾಚ್ಪ್ಯಾಕ್ ಸಮ್ಜಾಂವ್ಕ್ ವಾಪರ್ಲ್ಲ್ಯೊ ಕುರ್ವೊಚ್ ಪ್ರತಿಮಾ. ಹ್ಯೋಯ್ ಬಳ್ವಂತ್ ತಶೆಂ ಅಪ್ರೂಪಾಚ್ಯೊ ಆನಿ ಯೆದೊಳ್ ಆಯ್ಕನಾತ್ಲ್ಲ್ಯೊ ಆಸ್ಲ್ಯಾರ್ ಕವಿತೆಚೆಂ ವಜನ್ ಚಡ್ತಾ. ಎಕೆ ಕವಿತೆಂತ್ ಥೊಡೆಪಾವ್ಟಿಂ ಏಕ್ಚ್ ಪ್ರತಿಮಾ ಆಸುಂಯೆತಾ ಯಾ ಎಕಾಚ್ಯಾಕ್ಯ್ ಚಡಿತ್. ಚಡಿತ್ ಪ್ರತಿಮಾ ಕವಿಚೊ ಜಿವಿತಾಚೊ ಅನ್ಬೋಗ್ ಪಾಚಾರ್ತಾತ್.
3. ಅಲಂಕಾರ್ ಆನಿ ಆವಾಜ್: ಅಲಂಕಾರ್ ಭಾಷೆಚಿ ಗಿರೇಸ್ತ್ಕಾಯ್ ಪಾಚಾರ್ತಾ. ಅಲಂಕಾರ್, ಕವಿಕ್ ಭಾಶೆಚೆರ್ ಆಸ್ಚೆಂ ಪ್ರಭುತ್ವ್ ಸಾಂಗ್ತಾ. ಕವಿತೆಂತ್ ಆವಾಜ್ ಮ್ಹಳ್ಯಾರ್ ’ಆಕಾರ್ ಆಸ್ಚೊ ಆವಾಜ್’. ಪ್ರಾಸ್, ಲಯ್, ತಾಳ್ ಹಾಂಚಿ ಸಾರ್ಕಿ ಮಾಂಡಾವಳ್ ಆಸ್ಲ್ಯಾರ್ ಮಾತ್ರ್ ಉತ್ರಾಂಚ್ಯಾ ಆವಾಜಾಕ್ ’ಆಕಾರ್’ ಯೇಂವ್ಕ್ ಸಾಧ್ಯ್ ಆಸಾ.
ಅಭ್ಯಾಸ್ ಮಾತ್ರ್ ಅಸಲಿ ಏಕ್ ತಾಕತ್ ಕವಿಕ್ ದಿತಾ. ಠರಾವಣ್, ಪ್ರತಿಮಾ, ಅಲಂಕಾರ್ ಆನಿ ಆವಾಜ್ - ಹ್ಯೊ ಸಂಗ್ತಿ ಖಂಯ್ಚೆ ಕವಿನ್ ಬೋವ್ ಯಶಸ್ವೆನ್ ಆಪ್ಲೆ ಕವಿತೆಂತ್ ಸಾದರ್ ಕೆಲ್ಯಾತ್ ತಾಕಾ ಇನಾಮ್ ಫಾವೊ ಜಾಲಾಂ. ಇನಾಮ್ ಫಾವೊ ಜಾಯ್ನಾತ್ಲ್ಲ್ಯಾಂನಿ ಆಪುಣ್ ಅಯೋಗ್ಯ್ ಲೆಕ್ಚೆಂ ನ್ಹಯ್. ಹರ್ಯೆಕ್ಲೊ ಹರ್ಯೆಕ್ ಪಾವ್ಟಿಂ ಉಂಚ್ಲ್ಯಾ ಮಟ್ಟಾಚಿ ಕವಿತಾ ರಚುಂಕ್ ಸಕನಾ.
ಹ್ಯಾ ಸ್ಪರ್ಧ್ಯಾಂತ್ ವಾಂಟೊ ಘೆಂವ್ಕ್ ಕವಿಂನಿ ದಾಕಯಿಲ್ಲಿ ಆಸಕ್ತ್ಚ್ ತಾಂಕಾಂ ಯಶಸ್ವೆಕ್ ವ್ಹರ್ನ್ ಪಾವಯ್ತಲಿ.
- ಮೆಲ್ವಿನ್ ರೊಡ್ರಿಗಸ್
ದಾಯ್ಜ್ ಸಾಹಿತಿಕ್ ಸ್ಪರ್ಧೊ - 2004
ದಾಯ್ಜ್ (ಬೆಳ್ಳೆವಿಶನ್ ಗ್ಲೋಬಲ್ ಪಂಗ್ಡಾಚೆಂ ಕೊಂಕ್ಣಿ ಮಿಸಾಂವ್) ಅಪ್ಲೊ ದುಸ್ರೊ ಕನ್ನಡ ಲಿಪಿಯೆಚೊ ಕೊಂಕ್ಣಿ ಸಾಹಿತಿಕ್ ಸ್ಪರ್ಧೊ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ - 2004’ ಆಸಾ ಕರುಂಕ್ ಭೋವ್ ಚಡ್ ಅಭಿಮಾನ್ ಆನಿ ಸಂತೊಸ್ ಪಾವ್ತಾ. ತೀಸ್ ಹಜಾರ್ ರುಪ್ಯಾಂಚೊ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ’ ಕೊಂಕ್ಣೆಂತ್ಲ್ಯಾ ವಿಂಚ್ಣಾರ್ ಸಾಹಿತ್ಯಾಕ್ ಪ್ರೋತ್ಸಾಹಿತ್ ಕರ್ಚಾ ಇರಾದ್ಯಾನ್ ಹ್ಯಾ ಸಕಯ್ಲ್ಯಾ ವಿಭಾಗಾಂನಿ ಆಸಾ ಕೆಲಾ;
1. ಲೇಖನ್ ಬರಂವ್ಚೊ ಸ್ಪರ್ಧೊ [ವಿಶಯ್: ಆಯ್ಚೊ ಕೊಂಕ್ಣಿ ಲೋಕ್ ಆನಿ ಕೊಂಕ್ಣಿ ಪರಿಗತ್] (ಫುಲ್ ಸ್ಕೇಪಾಚಾ 4-6 ಪಾನಾಂಕ್ ಮಿಕ್ವನಾಯೆ)
2. ಮಟ್ವಿ ಕಾಣಿ ಬರಂವ್ಚೊ ಸ್ಪರ್ಧೊ (ಫುಲ್ ಸ್ಕೇಪಾಚಾ 8 ಪಾನಾಂಕ್ ಮಿಕ್ವನಾಯೆ)
3. ಕವಿತಾ ಬರಂವ್ಚೊ ಸ್ಪರ್ಧೊ (ಫುಲ್ ಸ್ಕೇಪಾಚಾ 1-2 ಪಾನಾಂಕ್ ಮಿಕ್ವನಾಯೆ)
ಹರ್ಯೆಕಾ ವಿಭಾಗಾಂನಿ ಹಿ ಇನಾಮಾಂ ಆಸ್ತೆಲಿಂ;
ಪಯ್ಲೆಂ ಇನಾಮ್ ರು.5000 (ಭಾರತೀಯ್ ರುಪಯ್ ಪಾಂಚ್ ಹಜಾರ್ ಮಾತ್ರ್)
ದುಸ್ರೆಂ ಇನಾಮ್ ರು.3000 (ಭಾರತೀಯ್ ರುಪಯ್ ತೀನ್ ಹಜಾರ್ ಮಾತ್ರ್)
ತಿಸ್ರೆಂ ಇನಾಮ್ ರು.2000 (ಭಾರತೀಯ್ ರುಪಯ್ ದೋನ್ ಹಜಾರ್ ಮಾತ್ರ್)
ರೆಗ್ರೊ:
1. ಹ್ಯಾ ಸ್ಪರ್ಧ್ಯಾಂತ್ ಕೊಣೆಂಯ್ ಭಾಗ್ ಘೆವ್ಯೆತ್. ಪುಣ್ ಎಕ್ಲ್ಯಾನ್ ಎಕಾ ವಿಭಾಗಾಂತ್ ಎಕ್ಚ್ಚ್ ಬರಾಪ್ ಧಾಡ್ಯೆತಾ.
2. ಬರಾಪ್ ಬರವ್ಪ್ಯಾಚೆಂ ಸ್ವಂತ್ ಆಸೊನ್ ಎದೊಳ್ ಖಂಯ್ಸರ್ಯೀ ಪರ್ಗೊಟೊಂಕ್ ನಾತ್ಲ್ಲೆಂ ವಾ ಪರ್ಗಟ್ಣೆಕ್ ದೀನಾತ್ಲ್ಲೆಂ ಜಾವ್ನ್ ಆಸಾಜಯ್.
3. ಬರ್ಪಾಂ ಧಾಡುಂಕ್ ಅಖ್ರೇಚಿ ತಾರಿಕ್ ದಸೆಂಬ್ರ್ 31, 2004.
4. ಬರವ್ಪ್ಯಾನ್ ಆಪ್ಲೆಂ ನಾಂವ್, ವಿಳಾಸ್ ಆನಿ ಏಕ್ ತಸ್ವೀರ್ ವೆಗ್ಳ್ಯಾಚ್ಚ್ ಪೆಪರಾಂತ್ ಬರವ್ನ್ ಧಾಡ್ಚೆಂ. ಬರ್ಪಾಸವೆಂ ನಾಂವ್ ಆಸ್ಲ್ಲಿಂ ಬರ್ಪಾಂ ಆಮಿಂ ಸ್ಪರ್ಧ್ಯಾಕ್ ಘೆಂವ್ಚಿಂನಾಂವ್.
5. ಸ್ಪರ್ಧ್ಯಾ ಬಾಬ್ತಿಂ ಕಸಲ್ಯಾಚ್ ಪತ್ರ್ವೆವ್ಹಾರಾಕ್ ಆವ್ಕಾಸ್ ಆಸ್ಚೊನಾ.
6. ಬರ್ಪಾಂಕ್ ವ್ಹೊರಾವ್ಣಿ ಕರ್ಚಿ ಜವಾಬ್ಧಾರಿ ’ದಾಯ್ಜ್ ವ್ಹೊರಾಯ್ಣಾರಾಂಚಿ’ ಆನಿ ಇನಾಮಾಂ ಜಿಕ್ಪ್ಯಾಂಚಿಂ ನಾಂವಾಂ ಸಾಯ್ಟಾಂನಿ ತಶೆಂಚ್ ಕೊಂಕ್ಣಿ ಪತ್ರಾಂನಿ ಪರ್ಗಟ್ ಜಾತೆಲಿಂ.
7. ಇನಾಮಾಂ ಜಿಕ್ಲ್ಲಿಂ ಬರ್ಪಾಂ ಆಮಿಂ ದಾಯ್ಜ್ ಸಾಯ್ಟಿಚೆರ್, ಮಿತ್ರ್ ಹಾಫ್ತ್ಯಾಳ್ಯಾಚೆರ್ ತಶೆಂಚ್ ದಾಯ್ಜ್ ವಿಶೇಷ್ ಅಂಕೊ ೨೦೦೬ ಹಾಂತುಂ ಪರ್ಗಟ್ ಕರ್ತೆಲ್ಯಾಂವ್.
8. ಬರ್ಪಾಂ ಧಾಡುಂಕ್ ವಿಳಾಸ್: DAAIZ LITERARY COMPETITION 2005. C/O Mithr Konkanni Weekly, Saangaathi Media, 23 3rd Floor, Emporium Complex, Kankanady, Mangalore 575 002. ಯಾ ಇಮೇಯ್ಲಾ ಮುಖಾಂತ್ರ್ ಬರ್ಪಾಂ ಧಾಡುಂಕ್ ವಿಳಾಸ್ info@daaiz.com.
9. ಇನಾಮಾಂ ಜಿಕ್ಪ್ಯಾಂಚಿಂ ನಾಂವಾಂ ಆಮಿಂ 2005 ಇಸ್ವೆಚಾ ಮಾಯ್ ಮಯ್ನ್ಯಾಂತ್ ಪರ್ಗಟ್ ಕರ್ತೆಲ್ಯಾಂವ್ ತಶೆಂಚ್ ತಾಂಕಾಂ ಇನಾಮಾಂ 2005 ಇಸ್ವೆಚಾ ಮಾಯ್ ಮಯ್ನ್ಯಾಂತ್ ದಿತೆಲ್ಯಾಂವ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications
