ತರ್ಜಣ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಪುರಸ್ಕಾರ್ 2003, 2004 & 2005

ಮಂಗ್ಳುರ್ (ಮಾರ್ಚ್ 24, 2007):ಕರ್ನಾಟಕ್ ರಾಜ್ಯ್ ಸರ್ಕಾರಾಚಾ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿ ತಶೆಂಚ್ ಕೊಂಕಣೀ ಸಮನ್ವಯ ಸಮಿತಿ ಕಾರ್ಕಳ್ ಹಾಂಣಿ ಆಯೋಜಿತ್ ಕೆಲೆಲ್ಯಾ ’ಪುಸ್ತಕ್ ಪುರಸ್ಕಾರ್ 2003, 2004 & 2005 ಪ್ರಶಸ್ಥಿ ವಾಂಟ್ಚೆಂ ಕಾರ್ಯೆಂ ಹೆಚ್ಚ್ ಮಾರ್ಚಾಚ್ಯಾ 24 ತಾರಿಕೆರ್ ಕಾರ್ಕಳಾಂತ್ಲ್ಯಾ ಹೋಟೆಲ್ ಪ್ರಕಾಶ್‌ಚ್ಯಾ ಸಭಾಸಾಲಾಂತ್ ಸಾಂಜೆರ್ ಪಾಂಚ್ ವೊರಾಂಕ್ ಚಲ್ಲೆಂ.

ಫಾಮಾದ್ ಕಾನಡಿ ಸಾಹಿತಿ ಮಾನೆಸ್ತ್ ನಾ.ಡಿ’ಸೋಜ್ (ನೋರ್ಬರ್ಟ್ ಡಿ’ಸೋಜ್ ಸಾಗರ್) ಮುಖೆಲ್ ಸಯ್ರೊ ಜಾವ್ನ್ ಹಾಜರ್ ಆಸ್‌ಲ್ಲ್ಯಾ ಹ್ಯಾ ಕಾರ್ಯಾಂಚೆ ಹೆರ್ ಮುಖೆಲ್ ಸಯ್ರೆ ಜಾವ್ನ್ ಮಾನೆಸ್ತ್ ಅಷ್ಟವಧನಿ ಉಮೇಶ್ ಗೌತಮ್ (ಮುಂಡ್ಕೂರ್ ಇಸ್ಕೊಲಾಚೊ ಶಿಕ್ಶಕ್), ಮಾನೆಸ್ತ್ ಜೋರ್ಜ್ ಕ್ಯಾಸ್ತಲಿನೊ (ರಾಜ್ಯ್ ಮಟ್ಟಾಚೊ ಶಿಕ್ಶಕ್ ಪ್ರಶಸ್ಥಿ ವಿಜೇತ್, ನಕ್ರೆ) ಹಾಜರ್ ಆಸ್‌ಲ್ಲೆ. ಹ್ಯಾ ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್, ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ಅಧ್ಯಕ್ಶ್ ಮಾನೆಸ್ತ್ ಎರಿಕ್ ಒಜೆರಿಯೊನ್ ಘೆತ್‌ಲ್ಲೆಂ.

$Placeholder: the original page gave this picture no description, and none has been written yet. It came from daaiz\daaiz\special\news\kksap.asp.$ $Placeholder: the original page gave this picture no description, and none has been written yet. It came from daaiz\daaiz\special\news\kksap.asp.$

ಕಾರ್ಯಾಚಿ ಸುರ್ವಾತ್ ಕಣಜಾರ್ ಇಸ್ಕೊಲಾಚಾ ಭುರ್ಗ್ಯಾಂಚಾ ಮಾಗ್ಣ್ಯಾ ಥಾವ್ನ್ ಸುರು ಜಾಲೆಂ. ಮಾನೆಸ್ತ್ ನಿತ್ಯಾನಂದ ಪೈ, (ಕೊಂಕಣಿ ಸಮನ್ವಯ ಸಮಿತಿಚೊ ಅಧ್ಯಕ್ಶ್) ಹಾಣೆಂ ಸಯ್ರ್ಯಾಂಕ್ ತಶೆಂಚ್ ಲೊಕಾಂಕ್ ಸ್ವಾಗತ್ ಕೆಲೊ. ಮಾನೆಸ್ತ್ ವಿನ್ಸೆಂಟ್ ಆಳ್ವ (ಅಕಾಡೆಮಿಚೊ ಸಾಂದೊ) ಹಾಣೆಂ ಪುಸ್ತಕ್ ಪುರಸ್ಕಾರ್ 2003, 2004 & 2005 ವಿಶಿಂ ಮಟ್ವೊ ವಿವರ್ ದಿಲೊ.

ಮೂಖೆಲ್ ಸಯ್ರೊ ಮಾನೆಸ್ತ್ ನಾ.ಡಿ’ಸೋಜಾನ್ ಹ್ಯಾ ಸಕಯ್ಲ್ಯಾಂಕ್ ಪ್ರಶಸ್ಥ್ಯೊ ವಾಂಟ್ಲ್ಯೊ;

2003:

ಮಟ್ವ್ಯೊ ಕಾಣ್ಯೊ - ’ಪುತ್ತು ಶೆಟಿಚ್ಯೊ ಕಾಣ್ಯೊ’ (ಮಾನೆಸ್ತ್ ಆನ್ಸಿ ಪಾಲಡ್ಕಾ)
ಲೇಖನಾಂ - ’ಸಾಹಿತ್ಯ್ ಆನಿ ವಿಮರ್ಸೊ’ (ಮಾನೆಸ್ತ್ ಸ್ಟೀಫನ್ ಕ್ವಾಡ್ರಸ್, ಪೆರ್ಮುದೆ)

2004:

ಕವಿತಾ - ’ಪಿಂತುರಾಂ’ (ಮಾ|ಆಲ್ವಿ ಕಾರ್ಮೆಲಿತ್)
ಮಟ್ವ್ಯೊ ಕಾಣ್ಯೊ - ’ಭಾಂಗಾರಾಚಿ ಮಾಸ್ಳಿ’ (ಮಾನೆಸ್ತ್ ಜೆ.ಎಫ್.ಡಿ’ಸೋಜ್, ಅತ್ತಾವರ್)

2005:

ತರ್ಜಣ್ (ಕಾನಡಿ ಥಾವ್ನ್ ಕೊಂಕ್ಣೆಕ್) - ’ತಪಸ್ವಿನಿ’ (ಮಾನೆಸ್ತಿಣ್ ಸಂಧ್ಯಾ ಶೇವಗೂರ್)
ಕವಿತಾ - ’ಆಜ್’ (ಮಾನೆಸ್ತಿಣ್ ಸುವರ್ಣಾ ಘಾಡ್, ಹೊನ್ನಾವರ್)
ಕಾದಂಬರಿ - ’ಚಂದ್ರರೇಖ’ (ಮನು ಬಾಹ್ರೇಯ್ನ್)
ವಿಶೇಸ್ ಪುರಸ್ಕಾರ್ - ’ಕವಿತಾಪಾಠ್ ಭಾಗ್-1’ (ವಲ್ಲಿ ಕ್ವಾಡ್ರಸ್, ಅಜೆಕಾರ್)

[ಮನು ಬಾಹ್ರೇಯ್ನ್ ತರ್ಫೆನ್ ತಾಚಿ ಯೆಜ್ಮಾನೆನ್ ತಶೆಂಚ್ ವಲ್ಲಿ ಕ್ವಾಡ್ರಸಾ ತರ್ಫೆನ್ ಮೆಲ್ವಿನ್ ಜೆ. ವಾಸ್ ಕೆಲರಾಯ್ ಹಾಣಿಂ ಪುರಸ್ಕಾರ್ ಘೆತ್ಲೆ]

ಪುರಸ್ಕಾರಾಸವೆಂ ಹರ್ಯೆಕ್ಲ್ಯಾಕ್ ಶಾಲ್, ಝೆಲೊ, ಯಾದಿಸ್ತಿಕಾ, ಸರ್ಟಿಫಿಕೆಟ್ ತಶೆಂಚ್ ನಗದ್ ರು. 5000 ಲಾಭ್ಲೆ.

ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೊ ಸಾಂದೊ ಮಾನೆಸ್ತ್ ವಿತೊರಿ ಕಾರ್ಕಳಾನ್ ಪುರಸ್ಕಾರಿತಾಂಚಿ ತಶೆಂಚ್ ತಾಂಚಾ ವಾವ್ರಾಚಿ ಮಟ್ವಿ ವಳೊಕ್ ಕರ್ನ್ ದಿಲಿ.

ಪುರಸ್ಕಾರಿತಾಂ ತರ್ಫೆನ್ ಮಾನೆಸ್ತ್ ಸ್ಟೀಫನ್ ಕ್ವಾಡ್ರಸ್ ಉಲಯ್ಲೊ. ಅಧ್ಯಕ್ಶ್ ಮಾನೆಸ್ತ್ ಎರಿಕ್ ಒಝೆರಿಯೊನ್ ಸರ್ವ್ ಪುರಸ್ಕಾರಿತಾಂಕ್ ಉಲ್ಲಾಸ್ ಪಾಠಯ್ಲೆ.

ಹೆಚ್ಚ್ ಸಂದರ್ಭಾರ್, ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ದೋಣ್ ಪುಸ್ತಕಾಂಚೆಂ ಮೊಕ್ಳಿಕ್ ಕಾರ್ಯೆಂ ಚಲವ್ನ್ ವೆಲೆಂ. ಮಾನೆಸ್ತ್ ಅಷ್ಟವಧನಿ ಉಮೇಶ್ ಗೌತಮಾನ್ ’ಸಿದ್ದಿ ಲೋಕ್-ಗೀತ್ ಸಂಗ್ರಹ್’ ತಶೆಂಚ್ ಮಾನೆಸ್ತ್ ಜೋರ್ಜ್ ಕ್ಯಾಸ್ತಲಿನೊನ್ ’ದಿನಕರಲಿಂ ಕವನಾಂ’ ಮೊಕ್ಳಿಕ್ ಕೆಲೆ.

ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ರೆಜಿಸ್ತ್ರಾರ್ ಮಾನೆಸ್ತ್ ಎಸ್. ಎಚ್. ಶಿವರುದ್ರಪ್ಪ ಗಾವೆನ್ ಉಪ್ಕಾರ್ ಆಟಯ್ಲೊ.

ಕಾರ್ಯಾ ಉಪ್ರಾಂತ್ ಕೊಂಕ್ಣಿ ಲೋಕ್ ಕಲಾ ದರ್ಶನ್ ಮ್ಹಳ್ಳೆಂ ಸಂಸ್ಕೃತಿಕ್ ಕಾರ್ಯೆಂ ಚಲಯ್ಲ್ವ್ ವೆಲೆಂ ಕುಡುಬಿ ಜನಪದ ಕಲಾ ವೇದಿಕೆ, ಎಡ ಪದವು ಆನಿ ಕೊಂಕಣಿ ಕಾವ್ಯ ಕಲಾ ಮಾಂಡ್ ಹಾಣಿಂ. ಹಾಂಚ್ಯಾ ಮುಖೆಲ್ಯಾಂಕ್ ಮಾನೆಸ್ತ್ ವಿಜಯಾ ಗೌಡಾ ಶಿಬ್ರಿಕೆರೆ ಆನಿ ಮಾನೆಸ್ತ್ ಶ್ರೀಧರ್ ಖಾರ್ವಿ ಹಾಂಕಾ ಮುಖೆಲ್ ಸಯ್ರ್ಯಾಂನಿ ಮಾನ್ ಕೆಲೊ. ಕೊಂಕ್ಣಿ ಕವಿ ಟೈಟಸ್ ತಾಕೊಡೆನ್ ಪುಸ್ತಕ್ ಪುರಸ್ಕಾರಾಚೆಂ ಕಾರ್ಯೆಂ ಚಲವ್ನ್ ವೆಲೆಂ.

ವರ್ದೆಚಿ ಕುರ್ಪಾ: ಮ್ಯಾಂಗಲೋರಿಯನ್.ಕೊಮ್, ತಸ್ವೀರೊ: ದಾಯ್ಜಿವರ್ಲ್ಡ್.ಕೊಮ್. ಇಂಗ್ಲಿಶ್ ಭಾಸೆಚ್ಯಾ ವರ್ದೆಂಕ್ ಹ್ಯಾ ಸಾಯ್ಟಾಂಕ್ ಭೆಟ್ ದಿಯಾ

ಸಾಹಿತಿಲಾಗಿಂ ಸಂವಾದ್

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್