ಟೊಮಸ್

• ದಾಯ್ಜ್ ಮಿಸಾಂವ್

• ಕವಿತಾಪಾಠ್

• ವಿಶೇಸ್ ಅಂಖೆ

• ಕಾಣ್ಯೊ

• ಸಾಹಿತಿಕ್ ಸ್ಪರ್ಧೊ 2004

• ದಾಯ್ಜ್ ಮಂಡಳಿ

• ಕಥಾಪಾಠ್

• ಕಾಮಾಸಾಳಾಂ

• ಅಂಕಣಾಂ

• ಸಾಹಿತಿಕ್ ಸ್ಪರ್ಧೊ 2005

• ಸಂಪಾದಕೀಯಾಂ

• ಕವಿತಾದಾಯ್ಜ್

• ಬೂಕ್ ಸಮೀಕ್ಶಾ

• ಕವಿತಾಂ

• ಸಾಹಿತಿಕ್ ಸ್ಪರ್ಧೊ 2006

• ಕೊಂಕ್ಣಿ ಲೇಖನಾಂ

• ಕಥಾದಾಯ್ಜ್

• ಸವಾಲಾಂ ಜಾಪಿ

• ಚಿಕ್ಲೆಟಾಂ

• ದಾಯ್ಜ್ ಶಿಭಿರ್ 2006

• ವಿಚಾರ್ ಉಚಾರ್

• ಕವಿತಾಮೃತ್

• ಆಶಾವಾದಿ ಬೂಕ್

• ವಿಡಂಬನಾಂ

• ದಾಯ್ಜ್ ಶಿಭಿರ್ 2007

• ಪರ್ಗಟ್ ವಿಚಾರ್

• ಕಥಾಮೃತ್

• ಕೊಂಕ್ಣಿ ಕ್ವಿಜ್

• ವಿಮರ್ಶೆ

• ಕೊಂಕ್ಣಿ ಅಭಿಯಾನ್

ಟೊಮಸ್ ಟ್ರಾನ್‌ಸ್ತ್ರೋಮನಾಕ್ 2001 ಇಸ್ವೆಚೊ ಸಾಹಿತ್ಯಾಚೊ ನೋಬೆಲ್ ಪುರಸ್ಕಾರ್

ಫಾಮಾದ್ ಸ್ವೀಡಿಶ್ ಸಾಹಿತಿಕ್/ಕವಿ ಟೊಮಸ್ ಟ್ರಾನ್‌ಸ್ತ್ರೋಮನಾಕ್ 2001 ಇಸ್ವೆಚೊ ಸಾಹಿತಾಚೊ ನೋಬೆಲ್ ಪುರಸ್ಕಾರ್ ಫಾವೊ ಜಾಲಾ.

1931 ಇಸ್ವೆಚ್ಯಾ ಎಪ್ರಿಲಾಚ್ಯಾ 15 ತಾರಿಕೆರ್ ಸ್ವೀಡನಾಂತ್ ಜಲ್ಮಲ್ಲೊ ಟೊಮಸ್ ಗೋಸ್ತಾ ಟ್ರಾನ್‌ಸ್ತ್ರೋಮರ್ ಏಕ್ ಸಾಹಿತಿ, ಕವಿ ತಶೆಂಚ್ ತರ್ಜಣ್‌ಕಾರ್. ಹಾಚಿಂ ಕವಿತಾ ಕಾಂಯ್ ಸಾಠ್ ಭಾಸಾಂನಿ ಅಣ್ಕಾರಿತ್ ಜಾಲ್ಯಾಂತ್.

ಆಪ್ಲ್ಯಾ ’ಮನ್ಶಾ ಮತಿಚೆ ಮಿಸ್ತೆರ್’ ಕೃತಿಯೆಧ್ವಾರಿಂ, ದುಸ್ರ್ಯಾ ಮ್ಹಾ-ಝುಜಾ ಉಪ್ರಾಂತ್ಲೊ; ಸಂಸ್ರಾಂತ್ಲೊ ಭೋವ್ ಪ್ರಭಾವ್‌ಶಾಲಿ ಕವಿಂ ಪಯ್ಕಿಂತ್ ಎಕ್ಲೊ ಜಾವ್ನ್ ನಾಂವ್ ಗೆಲ್ಲೊ. ಸಾಹಿತಿಕ್ ವಿಮರ್ಶಕಾರಾಂನಿ ಟ್ರಾನ್‌ಸ್ತ್ರೋಮನಾಚಿಂ ಕವಿತೆಂತ್ ಉಟೊನ್ ದಿಸ್ಚ್ಯಾ; ಮನ್ಶಾ ಮೊಲಾಂ, ಪ್ರಾಕೃತಿಕ್ ಸೊಭಾಯೆಚೆಂ ವರ್ಣನ್, ಪ್ರಾಸ್, ತಶೆಂಚ್ ನೈಸರ್ಗಿಕ್ ಸೊಭಾಯೆವಿಶಿಂ ಸಭಾರ್ ಪಾವ್ಟಿಂ ತಾರಿಫೊ ಕೆಲ್ಯಾತ್.

1950 ಇಸ್ವೆಂತ್, ಟ್ರಾನ್‌ಸ್ತ್ರೋಮನ್ ತವಳ್ಚ್ಯಾ ಅನ್ಯೇಕಾ ಖ್ಯಾತ್ ಕವಿ ರೋಬರ್ಟ್ ಬ್ಲೀ ಸವೆಂ ಆಪ್ತ್ ಜಾಲೊ. ಅಶೆಂ ರೋಬರ್ಟ್ ಬ್ಲೀನ್ ಟ್ರಾನ್‌ಸ್ತ್ರೋಮನಾಚಿಂ ಕವಿತಾ ಇಂಗ್ಲಿಶಾಕ್ ತರ್ಜಣ್ ಕೆಲಿಂ. ಇತ್ಲೆಂ ಮಾತ್ರ್ ನ್ಹಯ್ ಖ್ಯಾತ್ ಸಿರಿಯನ್ ಕವಿ ಆದುನಿಸಾನ್ ಟ್ರಾನ್‌ಸ್ತ್ರೋಮನಾಚಿಂ ಕವಿತಾ ಅರಬ್ ದೇಸಾಂತ್ ಸಯ್ತ್ ತರ್ಜಣ್ ಕೆಲಿಂ ಅಶೆಂ ಗಲ್ಫಾಂತ್ ಸಯ್ತ್ ಟ್ರಾನ್‌ಸ್ತ್ರೋಮನಾಚಿಂ ಕವಿತಾ ತರ್ಜಣ್ ಜಾಲಿಂ.

1984 ಇಸ್ವೆಂತ್ ಭೋಪಾಲಾಂತ್ ವಿಕಾಳ್ ವಾರ್‍ಯಾಂತ್ ಜಾಯ್ತೊ ನಿರ್ಭಾಗಿ ಲೋಕ್ ಮ್ಹೆಲ್ಲೆವೆಳಾರ್, ಟ್ರಾನ್‌ಸ್ತ್ರೋಮನ್ ಭೋಪಾಲಾಕ್ ಸಯ್ತ್ ಆಯಿಲ್ಲೊ ತಶೆಂಚ್ ಖ್ಯಾತ್ ಕವಿ ಕೆ.ಸಚಿದಾನಂದನಾ ಸವೆಂ ಹೆರ್ ಕವಿಸಂಗಿಂ ಎಕಾ ಕವಿತಾಗೋಶ್ಟಿಂತ್‌ಯೀ ವಾಂಟೆಲಿ ಜಾವ್ನ್ ಆಪ್ಲಿ ಕವಿತಾ ಪ್ರಸ್ತುತ್ ಕೆಲ್ಲಿ.

1990 ಇಸ್ವೆಂತ್ ಕಾಳ್ಜಾಘಾತೆನಿಮ್ತಿಂ ತಾಚ್ಯಾ ಕೂಡಿಚ್ಯಾ ದಾವ್ಯಾ ಕುಶಿಕ್ ಆರ್ ಮಾರ್‌ಲ್ಲಿ, ಸಾರ್ಕೆಂ ಉಲಂವ್ಕ್‌ಯೀ ತೊ ಸಕಾನಾಸ್‌ಲ್ಲೊ; ತರ್‌ಯೀ ಆಪ್ಲೆಂ ಸಾಹಿತ್ ತಾಣೆಂ ಮುಖಾರುನ್ ವ್ಹೆಲೆಂ ಮಾತ್ರ್ ನ್ಹಯ್, 2000 ಇಸ್ವೆಂತ್ ತಾಚಿಂ ಥೊಡೆ ಕವಿತಾ ಸಂಗ್ರಹ್ ಪರ್ಗಟ್ ಜಾಲೆ. 2004 ಇಸ್ವೆಂತ್ ತಾಚೊ ಕವಿತಾಜಮೊ ’ದ ಗ್ರೇಟ್ ಎನಿಗ್ಮಾ’ ಪರ್ಗಟ್ ಜಾಲೊ. ತಾಚೊ ಅಖ್ರೇಚೊ ಕವಿತಾಜಮೊ ’ದ ಸಾರೊ ಗೊಂದೊಲ’ 2010 ವರ್ಸಾಂತ್ ಪರ್ಗಟ್ ಜಾಲೊ. ಕಾಂಯ್ ಹ್ಯಾ ಬುಕಾಚ್ಯೊ 30,000 ಪ್ರತಿಯೊ ಫಕತ್ತ್ ಸ್ವೀಡನಾಂತ್ ವಿಖೊನ್ ಗೆಲ್ಯೊ.

ಸಾಹಿತ್ಯಾಶಿವಾಯ್, ಹೊ ಬರೊ ಪಿಯಾನೊ ವ್ಹಾಜವ್ಪಿಯ್ ಜಾವ್ನಾಸ್ಲೊ. ಪುಣ್ ಆಯ್ಲೆವಾರ್ ತಾಚ್ಯಾ ಕುಡಿಚ್ಯಾ ಎಕಾ ಕುಶಿಕ್ ಆರ್ ಮಾರ್‌ಲ್ಲಿ ತರ್‌ಯೀ, ತೊ ಎಕಾಚ್ಚ್ ಹಾತಾನ್ ಪಿಯಾನೊ ವ್ಹಾಜಯ್ತಾಲೊ.

ಆಯ್ಲೆವಾರ್ ಪರ್ಗಟ್‌ಲೆಲ್ಯಾ ಹಾಚ್ಯಾ ಕವಿತಾಜಮ್ಯಾಂತ್ಲ್ಯಾ ಎಕಾ ಕವಿತೆಚೆಂ ತರ್ಜಣ್ ’ಹಿಂವಾಳ್ಯಾ ಮಧೆಂ’

ಕವಿತಾದಾಯ್ಜ್

ಲೇಖನಾಂಚಾ ಪಾನಾಕ್

ದಾಯ್ಜ್ ಪಾನಾಕ್

About us | Feedback | Contact us
Copyright © 2005 DAAIZ.COM All rights reserved. Page concept, designed and maintained by Ashawadi Publications