ಸಮನ್ವಯಾಂಚೆಂ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕೊಂಕ್ಣಿ ಲೇಖಕಾಂಚೊ ಎಕ್ತಾರ್ ಆನಿ ಸಮನ್ವಯಾಂಚೆಂ ಸಾಹಿತಿಕ್ ಶಿಭಿರ್

’ಅಂತರ್‌ಜಾಳಾಂತ್ ಕೊಂಕ್ಣಿ’’- ವಿಚಾರ್ ಸಾತೆಂ

$Placeholder: the original page gave this picture no description, and none has been written yet. It came from daaiz\daaiz\special\news\vgoshtti.asp.$ $Placeholder: the original page gave this picture no description, and none has been written yet. It came from daaiz\daaiz\special\news\vgoshtti.asp.$

ಮಂಗ್ಳುರ್, ಎಪ್ರಿಲ್ (15): ಕೊಂಕ್ಣಿ ಲೇಖಕಾಂಚೊ ಎಕ್ವಟ್, ಕರ್ನಾಟಕ್ ಆನಿ ಸಮನ್ವಯ ಮಂಗ್ಳುರ್ ಹಾಂಚ್ಯಾ ಜೋಡ್ ಆಶ್ರ್ಯಾಖಾಲ್, ಸಮನ್ವಯಚ್ಯಾ ಸಭಾ ಸಾಲಾಂತ್ ಅಂತರ್‌ಜಾಳಾಂತ್ ಕೊಂಕ್ಣಿ ಮ್ಹಳ್ಳ್ಯಾ ಗಜಾಲೆಚೆರ್ ವಿಚಾರ್ ಸಾತೆಂ ಹ್ಯಾಚ್ ಎಪ್ರಿಲ್ 15 ತಾರಿಕೆರ್ ಮಾಂಡುನ್ ಹಾಡ್‌ಲ್ಲೆಂ. ವಿಚಾರ್‌ಸಾತ್ಯಾಚೆಂ ಉಗ್ತಾವಣ್ ಕೆಲ್ಲ್ಯಾ ಇಂಗ್ಲೆಡಾಚ್ಯಾ ಕೊಂಕಣಿ ಫ್ರೆಂಡ್ಸ್.ಕೊಮ್’ಅಂತರ್‌ಜಾಳಾಚೊ ವ್ಯವಸ್ಥಾಕ್ ಮಾನೇಸ್ತ್ ರಾಜ್‌ಫ್ರಾನ್ಸಿಸ್ ಸೊಜಾನ್ ಕೊಂಕ್ಣಿ ಬರಯ್ಣರಾಂನಿ ಆಪ್ಲಿಂ ಬರ್‍ಪಾಂ ಅಂತರ್‌ಜಾಳಾಚೆರ್‌ಯಿ ಪ್ರಗಟ್ ಕರ್‍ಚ್ಯಾಕ್ ಧಾಡ್ನ್ ದೀಂವ್ಕ್ ಉಲೊ ದಿಲೊ. ಉಗ್ತಾವ್ಣೆಚ್ಯಾ ಕಾರ್‍ಯಾಕ್ ಸಮನ್ವಯಚೊ ಸಂಚಾಲಕ್ ಮಾ.ದೊ. ಪಿಯುಸ್ ಪಿಂಟೊ ಅಧ್ಯಕ್ಷ್ ಆಸ್‌ಲ್ಲೊ ಆನಿ ನಿರ್‍ದೇಶಕ್ ಮಾ.ದೊ.ರೋನಿ ಕುತಿನೊನ್ ಸಯ್ರ್ಯಾಂಕ್ ಸ್ವಾಗತ್ ಕೆಲೊ.

ಅಂತರ್‌ಜಾಳಾಚೆರ್ ಕೊಂಕ್ಣಿ ಭಾಶೆಚ್ಯಾ ವಾಡಾವಳೆಚೆರ್ ಪಯಿಲ್ಲೊ ಉಪನ್ಯಾಸ್ ದಿಲ್ಲ್ಯಾ ಡೊ. ಎಡ್ವರ್‍ಡ್ ನಜ್ರೆತಾನ್ ಪ್ರಸ್ತುತ್ ವಿದೇಶಾಂತ್ ವಸ್ತಿ ಕರ್‍ನ್ ಆಸ್ಚ್ಯಾ ಗಾಂವ್ ಭಾವಾಂಚ್ಯಾ ಕೊಂಕ್ಣಿ ಭಾಶೆವಯ್ಲ್ಯಾ ಮೊಗಾನ್ ಜಾಯಿತ್ತ್ಯಾ ವೆಬ್‌ಸಾಯ್ಟಿಂನಿ ಕೊಂಕ್ಣಿ ಭಾಸ್, ಸಂಸ್ಕೃತಿ, ಸಾಹಿತ್ಯ್ ಕಶೆಂ ವಾಡೊನ್ ಆಯ್ಲಾಂ ಮ್ಹಣ್ ವಿವರ್ ದಿಲೊ.

ಆದ್ಲ್ಯಾ ಜಾಯಿತ್ತ್ಯಾ ಸಾಹಿತಿಂಚಿ ಒಳಕ್ ಆನಿ ಸಾಹಿತ್ಯ್, ಆತಾಂಚ್ಯಾ ಥೊಡ್ಯಾ ವಿಂಚ್ಣಾರ್ ಬರಯ್ಣಾರಾಂಚೆ ಕೊಲಮ್ ವಿವಿದ್ ಕೊಂಕ್ಣಿ ಅಂತರ್‌ಜಾಳಾಂನಿ ಮೆಳ್‌ಲ್ಲ್ಯಾನ್ ವಿದೇಶಾಂತ್ ಕೊಂಕ್ಣಿ ಬರಿಚ್ ಪ್ರಸಾರ್ ಜಾಯಿತ್ತ್ ಆಸಾ. ಸಾಹಿತ್ಯ್ ಆನಿ ಭಾಶೆಕ್ ಲಗ್ತಿ ಜಾಲ್ಲ್ಯೊ ಜಾಯಿತ್ತ್ಯೊ ಗಜಾಲಿ ವೆಬ್‌ಸಾಯ್ಟಿಂನಿ ಕಿತ್ಲ್ಯಾ ಸಲೀಸಾಯೇನ್ ಮೆಳ್ತಾತ್ ಮ್ಹಣ್ ದಾಕ್ಲೆ ದೀವ್ನ್, ವೆಬ್‌ಪಾನಾಂಚಿಂ ಸ್ಲಾಯ್ಡ್ಸ್ ದಾಕೊವ್ನ್ ಸಾಂಗ್ಲೆಂ. ದೊ.ಜೆರಿ ನಿಡ್ಡೋಡಿನ್ ಆಪ್ಲ್ಯಾ ಉಪನ್ಯಾಸಾಂತ್ ಅಂತರ್‌ಜಾಳಾ ಥಾವ್ನ್ ಕೊಂಕ್ಣಿ ಸಮುದಾಯಾಂ ಮಧೆಂ ಎಕ್ವಟ್ ಭಾಂದುನ್ ಹಾಡ್ಚೆವಿಶಿಂ, ಸಾಹಿತ್ಯ್ ಹೆರ್ ಸುವಾತೆಂಕ್ ವಿಸ್ತಾರಾಂವ್ಚೆವಿಶಿಂ ವಿವರ್ ದಿಲೊ.

ತ್ಯಾ ಉಪ್ರಾಂತ್ ಜಾಲ್ಲ್ಯಾ ಸಂವಾದಾಂತ್ ಆನ್ಸಿ ಪಾಲಡ್ಕಾನ್ ಉಲೊವ್ನ್ ಸರ್‍ವ್ ತರ್‍ನ್ಯಾ ತಶೆಂ ಆದ್ಲ್ಯಾ ಕೊಂಕ್ಣಿ ಬರಯ್ಣಾರಾಂಕ್ ಅಂತರ್‌ಜಾಳಾಚಿ ಒಳೊಕ್ ಜೊಡುಂಕ್ ಆನಿ ಆಪ್ಲಿಂ ಬರ್‍ಪಾಂ ವೆಬ್‌ಸಾಯ್ಟಿಂನಿ ಪ್ರಗಟ್ ಕರುಂಕ್ ಉಲೊ ದಿಲೊ ಆನಿ ಮನ್ ಆಸ್‌ಲ್ಲ್ಯಾ ಕೊಂಕ್ಣಿ ಬರಯ್ಣಾರಾಂಕ್ ಆಪ್ಲ್ಯಾ ದಫ್ತರಾಂತ್ ಅಂತರ್‌ಜಾಳಾಚ್ಯಾ ತರ್‍ಬೆತೆಚೊ ಅವ್ಕಾಸ್ ದಿರ್‍ವೆಂ ಪತ್ರಾಚೊ ಸಂಪಾದಕ್ ಶ್ರೀ ಜೊನ್ ಮೊನಿಸಾನ್ ಧರ್‍ಮಾರ್‍ತ್ ಭಾಸಾಯ್ಲೊ.

ಆಯ್ಲೆವಾರ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚಿ ಪ್ರಶಸ್ತಿ ಜೊಡ್‌ಲ್ಯಾ ಶ್ರೀ ಆನ್ಸಿ ಪಾಲಡ್ಕಾ, ಶ್ರೀ ಜೆ.ಎಫ್.ಸೊಜ್, ಶ್ರೀ ಮನು, ಬಾಹ್ರೇನ್, ಶ್ರೀ ಸ್ಟೀವನ್ ಕ್ವಾಡ್ರಸ್ ಆನಿ ಶ್ರೀ ವಲ್ಲಿ ಕ್ವಾಡ್ರಸ್ (ತರ್‍ಪೆನ್ ಶ್ರೀ ಎಲಿಯಾಸ್ ಸಾಂಕ್ತಿಸ್) ಹಾಂಕಾ ಎಕ್ವಟಾಚೊ ಉಪಾಧ್ಯಕ್ಷ್ ಮಾ.ದೊ.ಪಿಯುಸ್ ಪಿಂಟೊನ್ ಮಾನ್ ಕೆಲೊ. ಮಾನೇಸ್ತ್ ರಾಜ್ ಫ್ರಾನ್ಸಿಸ್ ಸೊಜಾಕ್‌ಯಿ ಸನ್ಮಾನ್ ಕೆಲ್ಲ್ಯಾ ಉಪ್ರಾಂತ್ ಉಲಯಿಲ್ಲ್ಯಾ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚೊ ಅಧ್ಯಕ್ಷ್ ಮಾನೇಸ್ತ್ ಎರಿಕ್ ಒಜೇರಿಯೊನ್ ಮಾನೇಸ್ತ್ ರಾಜ್‌ಫ್ರಾನ್ಸಿಸ್ ಆನಿ ಹೆರಾಂನಿ ಅಂತರ್‌ಜಾಳಾಚೆರ್ ಕರ್‍ಚ್ಯಾ ಕೊಂಕ್ಣಿ ವಾವ್ರಾಚಿ ವಾಖಣ್ಣಿ ಕೆಲಿ. ಹೆ ಕೊಂಕ್ಣಿಚೆ ರಾಯ್‌ಭಾರಿ ಮ್ಹಣ್ ತಾಣೆಂ ಸಾಂಗ್ಲೆಂ.

ಶ್ರೀಮತಿ ಲಿಲ್ಲಿ ಮಿರಾಂದಾನ್ ಉಪ್ಕಾರ್ ಆಟಯ್ಲೊ. ಮಾಚ್ಚಾ ಮಿಲಾರಾನ್ ಕಾರ್‍ಯೆಂ ಚಲವ್ನ್ ವೆಲೆಂ.

ವರ್ದಿ: ಕೊಂಕ್ಣಿ ಲೇಖಕ್ ಸಂಘ್.

ಸಾಹಿತಿಲಾಗಿಂ ಸಂವಾದ್

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್

ರಿಮಿಕ್ಸ್