"tum boro monis mhonn somsarant ruzu korunk sokchonam-i, kiteak to lekh-pakacho buk sorgar"

Daaiz - Novem Rup, Novi Sur‍vat

Placeholder: the original page gave this picture no description, and none has been written yet. It came from daaiz\daaiz\column\editorial\editorial11.asp.


Voros : 2005

Moino : Mai

Dev boro dis dimv tumkam somestank,

Voilo ankddo ’ikravo’ mhonn sangta tor‌y adhlea vorsacha hechch moineanch ’daiz’ udeun ayil'lem anim az eka vorsacho pamvddo utron dusrea vorsak pam-i tenkcha vogtam, ’daiz’ novem rup gheun tumchemukhar aschem tumkam khub ruchtelem mholl'lli amchi patyenni zaunasa.

’Daaiz’ ek sahitik saitt zaun astana hantum rupak matr nhoi, sahiteak‌y unchlo dorzo dimvchi amchi axa zaunasa. Daiz kaim ek sonchalon bilkul nhoi, fokot't konknni sahiteachi obhiruch aschancho zomo. Hangasor konknni sahiteacha odhyoinak logti zamvcha chottuvottikank poilem sthan melltelem. Daiz kaim khobrallem saitt zaun aschemna dekun tumkam gamvcho/porgamvcho khobro vachunk choddit zaun mellchemna.

’Daaiz’ sonchalonank, vektink mikvon aschem saitt - konknnechem. Konknni sahiteasovem, konknni bhasek, konknni vaurak amim poilem sthan ditamv dekun somsaracha khonchai konxachamni hea voilea prokaramni vaur kel'le vivor amkam dhaddun dile tor amim te sontosan porgottleleamv. Kanoddi lipient ascha hea saittachem vinchnnar sahity gamvcha lokank matr nhoi, ontor‌zallachi veustha nat‌l'leank‌y pavazoi mholl'llea iradean daiz‌chim vinchnnar borpam amim ’divo’ konknni haptealleacher‌y porgott korteleamv.

Konknni bhas jivall dourcha dixen aicha kallar zayit'te zonn zaitea ritin vaur korun asat, opaplea ritimni, apaplea vella anim tankiprokar. Hem konknnek khoinchai ritin upkarak poddta tor borench. Konknnecha sahitink, konknnecha potr‌garikek, konknnecha songit‌karank ya konknni kolakarank amim ghott kelem tor konknni auychi puza kel'leporinch mholl'llem amchem chintap. Kiteak mhollear konknni somskrotichem patt‌tholl he zaunasat. Konknni sahiteak poilem sthan anim man dimvcha iradean, konknni sahiteak jivall dourchak toxench konknni sahiteant noveo vatto sodhchak amim eka vorsadhim suru kel'lem misamv zaunasa ’daiz’. anim vellakalla formannem amcha misamvak noveo noveo vatto udeteleo. ’kovita patth’, ’daiz sahitik spordho 2004’ kaim thoddeo survati.

’Daaiz’ cher tumkam vachunk melltelem - sokallik songteank attapchem lekon sompadoki-i, Daaiz pongddan kuveyttant manddun haddchem kovitachem odhyoin - ’kovitapatth’, konknni mottvea kanneanchem moineallem onkonn ’kothadai ’, ’son'nesicho somsar’, kovitachem onkonn ’kovitadaiz’, hapteallim kovita - kovitazhor, kusallam dukhtasor hasomvchem ’has anim hasoi’ toxench ’rusturusamv’, ’toull toull’ anim sobhar. Konknni sahitimvixim sovistar somzonni toxench zannvai zoddchi urbha anim asokt aschank tyevixim sovistar vivor amim diteleamv.

Daaiz saittacher konknni sahitink toxench konknni vauraddeank poilem sthan astelem dekun konknni vaur keleleancho toxench korteleancho, tancha vaurasovem ul'lek attapchem onkonn ’konknni karbhari’ anim her vektiporichoi vholliy tumkam vachunk melltoleo.

Kanoddi lipient ascha konknni sahiteak sombhondh zal'lea songteank pattimbo dimvcha iradean asa kel'lea hea saittacher tumkam vinchnnar sahiteachem khozan melltelem. Amim konknne mholl'llem chintap amchem dekun konknnechaki unch hangasor konn'nch ya kitench aschemna - nam gamvache, namvache, sonchalonache dore ya orlukeo birudanche ture. Konknnentlea vinchnnar sahiteanchim toxem novea sahitinchim borpam amim amcha vellakalla formannem porgott korteleamv. Tumcha solha suchonank amim ugteamonan gheteleamv.

Amim survater‌yi sanglam ’eka vatithaun hozar vati pettoileo tor tea vatichem auk zhorana, bogar bhomvtonnicho kallok dhamvta’. Konknnekhatir somsaracha khonchai konxar kosolim-i kamam zatat tor, tim zamvdit. Tor‌yi progotechem sunkann hatim gheun ontor‌zallim mukhantr konknni vaur korun amkam preronn dilelea sorv konknni tarancho upkar bavuddtamv anim oxench vixal chintpan anim eka monan vaur koream mholl'llo ulo ditamv.

Devo borem korum tumkam,

- Valley Quadros, Ajekar