ರಿಮಿಕ್ಸ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ರಿಮಿಕ್ಸ್ ಪದಾಂ ಬರಂವ್ಚೊ ಸ್ಪರ್ಧೊ

ಕೊಂಕ್ಣಿ ಸಂಗೀತಾಂತ್ ಹೊ ಏಕ್ ನವೊಚ್ಚ್ ಪ್ರಕಾರ್ ಜಾವ್ನಾಸೊನ್, ಫುಡೆಂ ಯೇಂವ್ಕ್ ಆಸ್ಚ್ಯಾ ಕೊಂಕ್ಣಿ ರಿಮಿಕ್ಸ್ ಆಲ್ಬಮಾಕ್ ರಿಮಿಕ್ಸ್ ಪದಾಂ ಬರಂವ್ಚೊ ಸ್ಪರ್ಧೊ ಗ್ರೇಸ್ ಮ್ಯೂಸಿಕ್ ಸಂಸ್ಥ್ಯಾನ್ ಮಾಂಡುನ್ ಹಾಡ್ಲಾ.

ಜೆರಾಲ್ ನೇಮಾಂ:

1. ಸ್ಪರ್ಧಿಕಾಂನಿ ಹಿಂದಿ ಯಾ ಕನ್ನಡ ಫಿಲ್ಮಾಂಚಿಂ ಫಾಮಾದ್ ಪದಾಂ ಕೊಂಕ್ಣೆಂತ್ ಡಬ್ ಕರುನ್ ಉತ್ರಾಂ ಬರಯ್ಜಾಯ್.

2. ತುಮ್ಚಿ ಕ್ರಿಯಾತ್ಮಕ್ ಸಕತ್ (Creativity) ವ್ಹಾಪಾರ್ನ್ ಮೂಳ್ ಪದಾಂಕ್ ಹಾಸ್ಯಾತ್ಮಕ್ ಲೇಪ್ ದೀವ್ನ್ ಯಾ ಹೆರ್ ವಿಶ್ಯಾಂಚೆರ್ ಸಂಬಂಧಿತ್ ಪದಾಂ ಘಡ್ಯೆತ್. ಪುಣ್ ಮೂಳ್ ಫಿಲ್ಮಿ ತಾಳೊಚ್ಚ್ ಬಸಯ್ಜಾಯ್.

3. ಬರಯಿಲ್ಲಿಂ ಪದಾಂ ಫುಲ್‌ಸ್ಕೇಪ್ ಕಾಗ್ದಾಂಚೆರ್ ಆಸೊಂಕ್ ಜಾಯ್, ಪದಾಚೆ ಅಕ್ರೇಕ್ ತಾಳೊ ಖಂಚ್ಯಾ ಫಿಲ್ಮಾಚ್ಯಾ ಖಂಚ್ಯಾ ಪದಾಚೊ ಮ್ಹಳ್ಳೆಂಯೀ ಕಳಯ್ಜಾಯ್.

4. ಸ್ಪರ್ಧಿಕಾಂನಿ ಆಪ್ಲೆಂ ನಾಂವ್, ವಿಳಾಸ್ ಆನಿ ಫೋನ್ ನಂಬರ್ ಬರಯ್ಜಾಯ್.

5. ಎಕ್ಲ್ಯಾನ್ ಕಿತ್ಲೀಂಯೀ ಪದಾಂ ಬರವ್ನ್ ಧಾಡ್ಯೆತ್.

6. ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಪ್ರಾಯೆಚಿ ಬಂದಡ್ ನಾ. ಭಾಗ್ ಘೆಂವ್ಕ್ ಮನ್ ಆಸ್ಚ್ಯಾ ಭುರ್ಗ್ಯಾಂನಿ, ಯುವಕ್ ಯುವತಿಂನಿ, ಮಾಲ್ಘಡ್ಯಾಂನಿ, ಪ್ರಾಯೆಸ್ತಾಂನಿ, ಸ್ತ್ರೀಯಾಂನಿ ಆನಿ ವೃತ್ತಿಪರ್ ಸಂಗೀತ್‌ಗಾರಾಂನಿ ಸಯ್ತ್ ಭಾಗ್ ಘೆಂವ್ಕ್ ಆವ್ಕಾಸ್ ಆಸಾ.

7. ವಿಂಚುನ್ ಕಡ್ಲೆಲಿಂ 10 ಪದಾಂ ಫುಡೆಂ ಯೇಂವ್ಕ್ ಆಸ್ಚ್ಯಾ ಆಲ್ಬಮಾಂತ್ ವ್ಹಾಪಾರ್ತೆಲ್ಯಾಂವ್, ಮಾತ್ರ್ ನ್ಹಂಯ್, ತಿಂ ಪದಾಂ ಬರಯ್ಲೆಲ್ಯಾ 10 ಬರಯ್ಣಾರಾಂಕ್‌ಯೀ ಗೌರವ್ ಸಂಭಾವನ್ ಆನಿ ಆಕರ್ಷಕ್ ಇನಾಮಾ ದಿತೆಲ್ಯಾಂವ್.

8. ತುಮ್ಚಿಂ ಪದಾಂ ಜೂನ್ ೩೦ ತಾರಿಕೆಭಿತರ್ ಆಮ್ಕಾಂ ಪಾವಿತ್ ಜಾಯ್ಜಯ್.

9. ಇ-ಮೇಯ್ಲಾ ಮುಖಾಂತ್ರ್ ಧಾಡ್ತೆಲ್ಯಾಂನಿ konkaniremix@yahoo.com ವಿಳಾಸಾಕ್ ಧಾಡುನ್ ದಿವ್ಯೆತ್.

10. ವ್ಹರಯ್ಣಾರಾಂಚೆಂ ತೀರ್ಪ್‌ಚ್ ಅಂತಿಮ್ ಜಾವ್ನಾಸ್ತೆಲೆಂ.

11. ತಪ್ಪಾಲಾ ಮುಖಾಂತ್ರ್ ಧಾಡುಂಕ್ ವಿಳಾಸ್:

GRACE MUSIC

"Joy NIvas", Near Adarsh High School

Taccode Post - 574 197, Mangalore TQ

Karnataka, India

ಬಾರ್ ಎರಿಕ್ ಒಝೇರಿಯೊಚೆಂ ಸಂದರ್ಶನ್

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್