zɵlmachiê avɵyk lat khott marchea

zɵlmachiê avɵyk lat khott marchea

Bhas mɵn'xak Devalem dennem

Apli bhas ulôunk zo lɵjêta

Devalem dennem to nakarta

Aplem mɵn'xapɵnn hoɡddayta

Hem mullavem sɵt sɵmzɵnaslɵlea

Konknni mɵn'xank kitem kɵrchem Naika?

Konknni ulovpi ami Konknni

Tɵr, Gõykar, Mɵnɡllurkar

ani hêr bãytle bebe mannkekar

Khɵny thaun, kednam aile ga Naika?

Mahiti mellta, vidya mellɵnam

diɡri labta, ɡuru bhɵkti nam

hanchea ani naikinnichea

ɡhɵra mɵdhem fɵrɵk kɵslo Naikaʔ

"Pik dharall asa, punn vavraddi thôddim

Amkam zay bɵrim Dêv apôvnnim."

Gɵri ghalun bhônvtat padri madri

Xita têkit mitt, pitta têkit fug

Itlench pavta hem visɵrtɵleank

hansum va rɵddum sanɡ ɡa Naika.

Amkam papsaib zay kɵsloʔ

Vatikan rayall ravlleracho

sɵnvsari dɵrbar sanddcho

bulett pruf karam vɵstram sôddcho

Jezu bhaxên lokam mɵdhem

bhônvcho, jiyêuncho guru Naika!

Bisp amkam zay kɵslo?

lokachio ɡɵrzô sɵmzun ɡhêuncho

Pɵrjê lagim moga band ascho

Padrink aplea umed diuncho

Kɵllôvnni pɵtram unnim dhaddcho

chakrancho chakɵr zauncho.

Amkam madri zay koslio koslio?

Konveta bhair nodor aschio

Ganvant amchea jivsann haddchio

Aplim dennim herank vanttchio

Bhurgeank amchea kolavont korchio

Dusrio tuka zay ve Naika?

Kanni veglli zati Naika.

Amkam padri zay kosle?

Mukhlea vorsanchi nodor asche

Hatant kola vidya zannvay asche

Lokak fuddarponn xikounche

Nanvak axenastam vavurche

Bhangar monis zay ga Naika.

Padrinchem xermanv xelelole khozne zale zalear

Tuka zambayo yenant ve Naika?

Adlea chintpacho koir, zhaddun nitoll zalem borem

Mit mer utrun padd zalem thoddem

Devachem ghor zalam zomati sal

Kednam kednam khanna jevnna khannavoll

Dudant chunea udok kiteak Naika?

Padri, frad, madri, madr utram him

Ailim amkam Putrugez bhaxentlim

Xekddeam thaun amchie jiber ghollchim

Atam zor him utram mogachim

Ruchonant English padri madrink

Hay pirajita mhojea Naika!

Veche adim igorjent amchie

Aslolem vomtem udarem korun

Gorje morjechim bandpam bandtat

Deva manak va aplea nanvak

Konn parkun sangit Naika?

Konn amkam sot sangit Naika?

Tisrea sohosrant ami bhitor sorle

Adlem ami kitem pattim soddchem

Novea xekddeant novem kitem korchem

Sarkem chintun ami tthorounchem

Nam zalear churchurchem poddot Naika.

Jentilanchem Roma xar kendr zalem

Konnachea noxibak roddum Naika?

Utsov korunk aiti zaloli

Karonn kitem sangxi Naika?

Kargil zhogddeant konnak mell'lolem kitem?

Hozara voir jiv gorje bhair gele

Konnache ghov, put, bapuy, bhav somple

Zhogddeachem mull karonn aslem kitem?

Xezariak " Khorzota ek kodde,

khorpita dusre kodde" itlench ga Naika?

Ratichim tim zagronnam

Horikotha, kirtonam

Loka seve vinnem hem sogllem

Naikinnincho nach nhoy tor

Kitem asot Naika?

Bolatkar ani otyachar

Sokallim puza prarthon

Sanjer sondhya aradhon

Upas ani upason

Konnak fottounk Naika?

"Orgam tuka, orgam tuka"

Magnnea zomat bori gazta

Porsant xezarnichi bokddi

Sogllem khatanam orgam dita.

Xezarnichim orgam thamblim, gazlio galli

Ho magnnea foll ga Naika?

Amkam rochle toklieche

Tumkam pãyãche

Dekhun ami voilie zatiche

Hem pemparem vazoytole

Dolit bailank bhogtanam

Apli zat koxi visorle Naika?

"Jezu bhollea ani khaltea kallzachea

kor kalliz mhojem tujea kallza sarkem. "

Hat zoddun dimbier poddun hem magnnem.

Bhollea khalteank nagoytoleanchem kalliz

rogta masachem va chirea fatrachem?

Parkun sang ga Naika.

Otmeachem pap koxem kaddxi

Sangxi ga Naika?

Ani kitem mhonnum Naika?

Kitem asot Naika?

Kitem asot Naika?

Sokallim fuddem uttun

Angpang dhuun pusun

Hat zoddtoleanchie pujek marta

Naikinnicho anga vas

Hem sot va fott

Sang mhaka Naika

Kitem asot Naika?

Khursa pattlo uzvadd disot?

Kitem disot Naika?

Sang mhaka Naika.

Kitem asot Naika?

Kitem asot Naika?

Fator zaunchem nam tor

Kitem zatolem Naika?

Protap Naik s.j.: Bhasecho gineani, gundd chintpi, voicharik, tatvik niallacheo tacheo kovita kaim vektitvak nirmit korche tosoleo, titlochch sado ani movall vektitvacho. Gõycha sam|sttifons konkonni somstho hangasor zaitim vorsam seva dil'lo ho prostut ponnjichea jejvis ghorant vosti korun asa tor‌yi, konkonni bhasek hannim diun ayil'li denngi bhovo vorti.