ಕವಿತಾकविताPoem
Sindhuk ani tichea dhuvank
Sindhuk ani tichea
dhuvank
panch nhomyo
vhallon astana osoi riglo khoddpa fator ani tye pajek apttol'lea udkan bodol'li
dixa vhalleachi ani thoim zale – vantte
dexam'modem. * he sindhu, tuje thaun
zolmol'lea pancham poikintlye malgodde sottlejik vicharzoi asl'lem - ʼzai
aslove tika va tichea bhoinneank, tujye
astintlo vantto?ʼ atam polle mell'llona
tankaim ani na hokk tukai, vicharunk tujech astik! tujim bhurginch zalim ponzabachi jeucha dalim. Vattli tanchi
bhoronk vhalltat tim besayek pauta
porean, pustat sordarachim dukam ani te
uddon nachtana bhortat tujea bhurgeanche
dolle, polleun dadleancho bhangdda,
bailancho gid'da. Nach pollelo tumi
pilamno zaito punn bhomvddaili zor ek dixtt tumchye auycher - kollte tumkaim
tinnem bhogl'le koxtt ttibetti thaun
korachi porean. Jika poilem fapsun dexam
modem golleak voddlo ttibetteamni modhlea
bhagak uroilo ami nimanneak amkam
zainatleleamni! atam vaportat tika teg
raxttr ani pietat tench tichem udok tori zhogoddtat goddir, tiche toddir. Ani
tumim ʼponchʼ nhomyamno - sindhuchoch pano
chimvun rauleat add tumchech auycher! matecher dadd ghalun ubzol'le oxanten
az ximpleat tumi don naddamni. Trivornna songim-i mislloilo pachveak atam
tem nillxem rod ghumvchench raulam polleun
tumchi got. * sindhucho khoro mog
vollkol'lea poikim ʼikbalʼ to eklo zannem boroyil'lem git gatanam lhomv ubi
zata sindhuchiy, tea vhallchea panch
nhomyanchiy - “sare zohan se ochchha,
hindusthan homara”!
Hi ek kovita ek modhur git gaita, ani git gamvchesongim samajik, razoki-i voicharik ddong ani hea ddongant ekach auychim bhurgim zaun ekamekachim masam khimchun khamvchi kothai sangun veta. Kovitent vhaparl'li bhas sompi asa dekun imajink suttavem vivoramvchi gorz na, kovitarosikam hi kovita vachun geleporinch hea kovitechea vhalleant anond bhogun somzotelim. Hi kovita fokot sindhu nhoimcher matr asa mhonnun chintchetosoli nhoi. Hea nhoinchi saulli amchea somajent soit ami polleuyet. Ekach auychim bhurgim tea auykch khenddun opli jinni sarchem oprup kaim nhoi. Oxem-i chintunk zata zoxem ekach bhasechim bhurgim (lipi) koxem svarth ani oblesponnan ekameka chyuran chyure korun tea auyk okman, ninda kortana tye auyk somzun tiche tollmolle, tile vhollvolle/kollvolle utramni sangun veta.
[Spordho] Moineacho Kovi - 12 [Nov 2020]
[Spordho] Moineacho Kovi - 11 [Oct 2020]
Smitha Shennoy: Konkonni, Kon'nodd, Inglix nemalleamni toxench zallizageamni boromvchi hi mongllurchea Besant Collejint potrikodhyom' vibhagachi mukhest zaun vaur korun asa. Ttivi cheanolamni nirupoki, nattokamni obhinoi, mongllur akaxvannint karyokromam, ddijittol addiont kotha sadorponn oxem hichi protibha vevegollea xetant asa.
Amey Naik, Gõy: B.Com'. Xikpi Amey Vishram Naik Gõycho udeun yemvcho protibhaunt kovi. Akaxvannicher, kovisom'mellonamni kovita sador keleat. Sunaporant, bhangar bhum-i, bimb nemalleamni porgottleant. Tachea kovitazomeachem namv ’mog ddott kom'’. 2017 isvecho sahit okaddemicho ’yuvo puroskar’ zoddpi.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.