Poinnari 2024 Vorsacho Kovi - Prakash D Naik

Poinnari 2024 Vorsacho Kovi - Prakash D Naik

Poinnari 2024 Vorsacho Kovi - Prakash D Naik

Ashawadi Prakashan poinnari.Kom' cher 2023 thaun 2024 poreant ’kovi ani hokk-man’ onkonnant manddun hadd‌l'lea moineallea kovita sortemni bhara moineamni bhara moineache kovimni inamam zoddleant. Hantum eka kovik vorsacho kovi zaun vinchla. Ani to zaunasa gõycho namnecho kovi, xikxok, konkonni chollvollekar prokax do. Naik.

Namnecho kovi, onkonn‌kar bab Shailendra Mehtan sompadon kel'lea ’Kovi ani Hokk-Man’ onkonnant horeka moineant ekeka konkonni kovichea yadint, tea kovik hokkacho man divpachea iradean Prakash Padgaonkar, Nagesh Karmeli, Vasant Velluskar, Luis Mascarenhas, Ra.Vi.Pundit, cha.Fra.De Costa, J.B.Morais, Sanjeev Verenkar, Manohar Rai Sardesai, Bakibab Borkar, P.G.Kamath ani Yousuf Sheikh hea bhara kovinchea yadint bhara moineache kovi inamam jikunk paule; Felcy Lobo, Dr.Purnananda Chari, Prakash D Naik, N. Balakrishna Malya, Monica DSa Mathias, Fr.Ivan Miyar, Sanjay Borkar, Salomi Miapadav, Annie De Colvale, R. Ramnath, Sandesh Bhandekar ani Amey Naik he bhara moineache kovi.

Ashawadi Prakashan pattlea vis vorsanthaun veg-vegolle sahitik sort manddun haddun ailam. Hea adhim vorsache kovi inam' zoddlele kovi hye porim asat;

Daiz vorsacho kovi 2005-6: HM Pernal (onkonn: Tinterant Pinturam)

Daiz vorsacho kovi 2006-7: Antony Barkur (onkonn: Utrant Sutram)

Poinnari vorsacho kovi 2020-21: Neelba Khandekar (onkonn: Moineachi kovita)

Poinnari vorsacho kovi 2023-24: Prakash D Naik (onkonn: Kovi ani Hokk-man)

Voroinnar:

Andrew L DCunha, Uday Mhambro, Nanu Marol, Shailendra Mehta

(Somest kovink, toxench voroinnarank dhinvas)

Ashawadi Prakashan 2005 isvent ’Tinterant Pinturam’ mholl'lli moinealli kovita boromvchi sort www.daaiz.com mukhantr choloyil'li. Hor moineant ek pintur divun tea pinturacher kovita boromvcheak kovink dil'lea apounneak pallo divun bara moineamni bara moineache kovi inam' jikunk paule. Toxench bara moineant ayil'lea 159 kovitem poikink eka kovitek vorsachi kovita inam' dil'lo. Inamam jiklolea kovitenk ’Tinterant Pinturam’ pustokant porgottlim.

2006 isvent ’Utrant Sutram’ mholl'lli moinealli kovita boromvchi sort daiz.Kom' mukhantr choloyil'li. Hor moineant ek pintur divun tea pinturacher kovita boromvcheak kovink dil'lea apounneak pallo divun bara moineamni bara moineache kovi inam' jikunk paule. Toxench bara moineant ayil'lea 138 kovitem poikink eka kovitek vorsachi kovita inam' dil'lo. Inamam jiklolea kovitenk ’ximpoddlelim motiam’ pustokant porgottlim.

2019-2020 isvent www.poinnari.com mukhantr hi sort tin lipint choloun veli. Bara moineant bara moineache kovi inam' jikle toxench eka kovitek vorsachi kovita inam' labhlem. Inamam jiklolim kovita ’Lockdown’ namvachea tin lipichea i-pustokant toxench lok‌ddaun mholl'llea a(addio) pustokant prosar zaleo. Atam ’kovi ani hokk-man’ - hangasor hokkacho man favo zata konkonni kovik, zo az amchemodhem na punn tachea kovitem mukhantr to ozun amchemodhem asa. Dekun hea sokoileank ami manak vinchla:

poilo moino (mai 2023): Prakash Bab Padgaonkar (poetry@poinnari.comk kovita dhaddunk okhrechi tarik: 25 mai 2023)

dusro moino (jyun 2023): Nagesh Karmali (poetry@poinnari.comk kovita dhaddunk okhrechi tarik: 25 jyun 2023)

tisro moino (zulai 2023): Ramesh Velluskar (poetry@poinnari.comk kovita dhaddunk okhrechi tarik: 25 zulai 2023)

chouto moino (ogost 2023): Luis Mascarenhas (poetry@poinnari.comk kovita dhaddunk okhrechi tarik: 25 ogost 2023)

panchvo moino (soptembor 2023): Ra.Vi.Pandit (poetry@poinnari.comk kovita dhaddunk okhrechi tarik: 25 soptembor 2023)

sovo moino (oktobor 2023): Cha.Fra.DCosta (poetry@poinnari.comk kovita dhaddunk okhrechi tarik: 25 oktobor 2023)

satvo moino (novembor 2023): J.B.Moraes (poetry@poinnari.comk kovita dhaddunk okhrechi tarik: 25 novembor 2023)

attvo moino (dosembor 2023): Sanjeev Verenkar (poetry@poinnari.comk kovita dhaddunk okhrechi tarik: 25 dosembor 2023)

Novo moino (Joner 2024): Manohar Sardesai (poetry@poinnari.com k kovita dhaddunk okhrechi tarik: 25 Joner 2024

dhavo moino (Febrer 2024): Bakibab Borkar (poetry@poinnari.com k kovita dhaddunk okhrechi tarik: 25 Febrer 2024

ikravo moino (March 2024): PG Kamath (poetry@poinnari.com k kovita dhaddunk okhrechi tarik: 25 March 2024

bharavo moino (April 2024): Yusuf Sheikh (poetry@poinnari.com k kovita dhaddunk okhrechi tarik: 25 April 2024

moineachi kovita inam' jikleleank ddijittol promann potr toxench ek konkonni pustok inam' zaun diteleamv.

Kovita novich toxench khoinchor‌yi porgottinatli zaunko zai

kovita; kon'noddo, nagori vo romi lipient asun. Kovicho purto pot'to, tosvir ani mobail nomborasovem asunk zai.

Kovita dhaddunk horeka moineachi 25 tarik okhrechi tarik. Imeyl: poetry@poinnari.com