ಕವಿತಾकविताPoem
चिटिचिटि पाव्सा
चड्णि पड्णि मधें अप्णाक तशेंच आप्ल्यांक सांभाळुन जियेंव्च्याक जिणि म्हण्चि तर; पाव्स, वॊत सांकॆतिक रुपान सुख दुःखाक पिंत्राय्ता. पाव्स बौद्दिक अर्थान उदाक, जिविताचि शेळ, जिव्यांक; जशें मनिस, मन्जात, सुक्णिं-साव्जां, तशेंच पाच्विं रानां, रुकां, झडांक नवें जिवित लाभय्ता. पाव्स कवितेच्या अर्थान मॊग, मय्पास मात न्हय, लासोन आस्च्याक थंडाय दिंव्चि सकत. हि कविता कांय संपि न्हय, जित्ले गुंडायेन चिंतुंक सक्शि, तित्लि गुंडाय आस्चि हि कविता एका वाच्पांत सादि दिसत तर्यी, हांत्लो तात्विक नियाळाचो सार अपुर्भायेचो.
वृत्तेन प्राध्यापक जाव्न आस्चो स्टीफन क्वाड्रस, कोंकणिंत साहितिक विश्लॆषण, विमर्सो, लॆखनांक नांवाड्ला तर्यी, हो अप्रूप तर्यी अपुर्भायेचो कवि म्हण पात्येतेल्यां पय्किंत हांव्यी एक्लों. आनि म्हज्या पात्येणेक मांदुंक आतां तुकाच उलो दितां.
चिटिचिटि पाव्सा
चिटिचिटि पाव्सा
पाटिर म्हज्या पड तूं
पिटिपिटि पदुन
घामाळिं म्हजिं फड तूं
तलपळ पडुन
पांयां मुळांत खेळ तूं
सळसळ उडुन
तळ्यांत जिवांत भर तूं
शेत्कारांच्या भाटां बय्लांत
केदिंच विस्रनाका पडुंक
नात्ल्यार उरत तुका फकत
तांच्या मड्यार रडुंक
फात्रि काळ्जां फड तूं
कात्रि मनां मोड तूं
पाच्वे भुंय्चेर हाड तूं
मनांक आम्च्या वॊड तूं
चिटिपिटि पाअव्सा
पाटिर म्हज्या पड तूं
- स्टीफन क्वाड्रस, पेर्मुदे (माय, २०१६)
स्टीफन क्वाड्रस, पेर्मुदे: वृत्तेन प्राध्यापक जाव्न वाव्र करुन आस्चो स्टीफन क्वाड्रस, कोंकणिंत ऎक विश्लॆषण्कार, विमर्शक तशेंच अप्रूप कवि. ’साहित आनि विमसो’, ’जन्न महाकविचो यशॊधरा चरित’, ’बान्नें’ कवितेंक लग्ति जाल्ले हे बूक पर्गट जाल्ल्या बुकां पय्किंत्ले थोडे.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.