[ಅಣ್ಕಾರ್] ಎಕೆ ರಾತಿಂ [ಕೊಸ್ತಾಂತಿನೋಸ್ ಕವಾಫಿಸ್]
ಸಾಲ್ ಆಶಿಲ್ಲೆಂ ಸವಾಯ್ ಆನಿ ಹಳ್ಶಿಕಾವಣೆಂ
ದುಬಾವೀತ್ ದಿಸ್ಪಿ ತಾವೆರ್ನಾಚ್ಯಾ ವಯ್ರ್.
ಜನೆಲಾಂತ್ಲ್ಯಾನ್ ದಿಸ್ತಾಲಿ ಪಾಯ್ಣ್,
ಘಾಣ್ಯಾರಿ ಆನಿ ಅಶೀರ್. ಸಕಯ್ಲ್ಲ್ಯಾನ್
ಯೆತಾಲೆ ಆವಾಜ್ ಕಾಮ್ಗಾರಾಂಚೆ
ಈಸ್ಪಿಕಾಂನಿ ಖೆಳ್ಟನಾ, ಮಜಾ ಮಾರ್ತನಾ.
ಆನಿ ಥಂಯ್ಚೆ ಭೌಶೀಕ್, ಸಾದೆಶೆ ಖಾಟೀರ್
ಮ್ಹಜೆಲಾಗಿಂ ಆಶಿಲ್ಲಿ ಮೊಗೀಕೆಚಿ ಕೂಡ್, ಆಶಿಲ್ಲೆ ಧುಂದ್ ಕರ್ಪಿ ಒಂಠ್,
ತಾಮ್ಡೆಗುಂಜ್ ಆನಿ ವಿಶ್ಯಾಸ್ಕ್ತ್,
ನಶೆಚೆ ಅಶೆ ತಾಮ್ಡೆ ಒಂಠ್
ಆನಿ ಆತಾಂ ಹಾಂವ್ ಜೆನ್ನಾ ಬರಯ್ತಾಂ, ಕಿತ್ಲ್ಯಾಚ್ ವರ್ಸಾಂಉಪರಾಂತ್,
ಮ್ಹಜ್ಯಾ ಎಕ್ಸುರ್ಯಾ ಘರಾಂತ್, ಹಾಂವ್ ಮೊಗಾಚೆ ನಶೆಂತ್ ಧುಂದ್ ಪರತ್ ಎಕ್ ಫಾವ್ಟ್.
***
July 2020
[Onnkar] Eke Ratim [Constantinos Kavafis]
