ಕಾಮ್ಗಾರಾಚೆಂ ದೊತೊರಾಕ್ ಭಾಶ್ಯ್

 [ಅಣ್‌ಕಾರ್] ಕಾಮ್ಗಾರಾಚೆಂ ದೊತೊರಾಕ್ ಭಾಶ್ಯ್

ಆಮಿ ಜಾಣಾತ್ ಆಮ್ಚ್ಯಾ ದುಯೆಂಸಾಚೆಂ ಕಾರಣ್

ಆಮಿ ಜೆನ್ನಾ ದುಯೆಂತ್ ಜಾತಾತ್

ಉತರ್ ಸಾಂಗ್ತಾ

ಆಮ್ಕಾಂ ಬರೆ ಕರ್ಪಿ ತುಮೀಚ್

ಧಾ ವರ್ಸಾಂಚೆಂ, ಆಮಿ ಆಯ್ಕತಾತ್

ತುಮಿ ಘೆತ್ಲಾಂ ಶಿಕ್ಷಣ್ ಕೂಡ್ ನಿರೊಗಿ ಕರ್ಪಾಚೆಂ

ಶಿರ್ಬಂತ್ ಕೊಲೆಜೀಂನಿ

ಜಿಂ ಬಾಂದ್ಲ್ಯಾಂತ್ ಜನ್ತೆಚ್ಯಾ ದುಡ್ವಾಂನಿ

ಆನಿ ತುಮಿ ತೆಂ ಗಿನ್ಯಾನ್ ಮೆಳೊವಂಕ್

ಖರ್ಚ್ ಕೆಲ್ಯಾ ದೌಲತ್

ಹಾಚೊ ಅರ್ಥ್ ತುಮಿ ಆಮ್ಕಾಂ

ನಿರೊಗಿ ಕರೂಂಕ್ ಶಕ್ತಾತ್.

ಪೂಣ್ ಖರೆಂಚ್ ತುಮಿ ಆಮ್ಕಾಂ ನಿರೊಗಿ ಕರೂಂಕ್ ಶಕ್ತಾತ್?

ಆಮಿ ತುಮ್ಚೆಕಡೆನ್ ಯೆತಾತ್ ತೆನ್ನಾ

ಆಮ್ಚಿ ಮುಸ್ತಾಯಕಿ ಆಸ್ತಾ ಬೊತ್ರಾಂ ಜಾಲ್ಲಿ

ಆನಿ ಕಾನ್ ಲಾವ್ನ್ ಆಯ್ಕತಾತ್ ತುಮಿ

ಆಮ್ಚೆ ನಾಗ್ಡೆ ಕುಡೀಂಚೊ ಆವಾಜ್ ಸಗ್ಳೆವಟೆಂತ್ಲ್ಯಾನ್.

ಪೂಣ್ ಸೊದೂಂಕ್ ಕಾರಣ್ ಆಮ್ಚ್ಯಾ ದುಯೆಂಸಾಚೆಂ

ಆಮ್ಚ್ಯಾ ಬೊತ್ರಾಂ ಜಾಲ್ಲ್ಯಾ ಕಪ್ಡ್ಯಾಂಚೆರ್ ನದರ್ ಮಾರ್ಲ್ಯಾರ್ ಪುರೊ

ಎಕಾಚ್ ಕಾರ್ಣಾಕ್ ಲಾಗೂನ್ ಝರುನ್ ವತಾತ್

ಆಮ್ಚ್ಯೊ ಕುಡಿ ಆನಿ ಆಮ್ಚೆ ಕಪ್ಡೆ.

ಆಮ್ಚ್ಯಾ ಭುಜಾಂತ್ ದುಖ್ ಯೆತಾ

ತುಮಿ ಮ್ಹಂಟಾತ್ ತಿ ಒಲ್ಸಾಣೀಕ್ ಲಾಗೂನ್

ಆನಿ ತೆಂಚ್ ಕಾರಣ್

ಆಮ್ಚ್ಯಾ ಘರಾಚೆ ವಂಟಿರ್ ಆಯಿಲ್ಲ್ಯಾ ಥಿಗ್ಳಾಚೆಂ.

ಮಾಗೀರ್ ಸಾಂಗಾತ್ ಆಮ್ಕಾಂ:

ಹಿ ಒಲ್ಸಾಣ್ ಆಯ್ಲಿ ಖಂಯ್ಸಾವನ್?

ಸುಮಾರಾಭಾಯಲೆ ಕಶ್ಟ್ ಆನಿ ಸಾಪ್ ಉಣೆಂ ಜೆವ್ಣ್

ಆಮ್ಕಾಂ ಕರ್ತಾ ದುಬ್ಳೆ ಆನಿ ಹಾಡಾವ್ಳಿ.

ತುಮ್ಚೆಂ ರಸೈತ್ ಸಾಂಗ್ತಾ:

ವಜನ್ ವಾಡಯ್.

ಆನಿ ತುಮ್ಚ್ಯಾನಿ ತರ್ ಸಾಂಗುಂ ಯೆತಾ

ನುಸ್ತ್ಯಾಕ್ ಲೆಗೀತ್ ಝಾಡಾರ್ ಚಡೂಂಕ್

ತುಮ್ಚೆಕಡೆನ್ ಆಸಾಚ್ ಕಿತ್ಲೊ ವೆಳ್ ಆಮ್ಚೆಖಾತೀರ್?

ಆಮಿ ದೆಖ್ತಾತ್: ತುಮ್ಚ್ಯಾ ಘರಾಂತ್ಲ್ಯಾ ಗಾಲಿಚ್ಯಾಚೆಂ ಮೊಲ್

ಮ್ಹಳ್ಯಾರ್ ತುಮಿ ವಾಶೀಲ್ ಕೆಲ್ಲಿ ಫಿ

ಪಾಂಚ್ ಹಜಾರ್ ದುಯೆಂತೀಂಕಡ್ಲ್ಯಾನ್

ತುಮಿ ಸೆರ್ತ್ ಖುಬ್ಳಟಲೆ

ದಾಖಯ್ತ್ ತುಮ್ಚಿ ನಿರಾಗಸತಾಯ್

ಆಮ್ಚ್ಯಾ ಘರಾಂತಲೆ ವಂಟೀವ್ಯಲೆಂ ಥಿಗಳ್ ಲೆಗೀತ್

ತೀಚ್ ಕಾಣಿ ಸಾಂಗ್ತಾ

***

[Onnkar]  Kamgarachem dotorak bhaxy