ಕವಿತಾकविताPoem
[भुर्ग्यापणाल्या दिसांनि कोडु व्हकात पियेंव्क]
भुर्ग्यापणाल्या दिसांनि कोडु व्हकात पियेंव्क दिताना, कांय म्होंवासवें भर्सुन दिंव्चि कला चड्तावांक परिचित. कवितेंत सय्त म्होंवाळ उत्रां मधें असलेच्च अपुर्भायेचे विचार लिपंव्चि श्याथि आस्चे कवि कोंक्णेंत आस्चे कांय भॊव उणें. आनि तांतुं म्हाका उटोन दिस्चो कवि माव्रिस डे’सा.
हो अप्रूपायेन पुण अपुर्भायेचें साहित रच्ता देकुन हाचिं बर्पां; जांव लॆखनां, जांव काण्यो, व कविता वाच्ताना ऎक अथ्वोच्च अन्भॊग काळ्जा-मनांत उदेता देकुन तें बरप परत वाचुंक प्रॆरित कर्ता.
हांगासर हि कविता वय्ल्यावय्र वाच्लि तर संपि दिसत व अस्वाभाविक दिसत, पुण कविता म्हळ्ळो प्रकार वेग्ळोच्च आस्तां, हि कविता कांय तात्विक चिंत्पांत घेत्लि तर कांय अपुर्भायेचें लिसांव शिकय्ना? हें तुकुंक/मापुंक/सम्जुंक तुकाच्च सोड्तां.
एका माज्राचि काणि
चोरि जालां
वज्राचि मुदि घाल्लें
म्हज्या..
दाव्या हाताचें
मध्लें बॊट
चोर्लां
निद्ताना आस्ल्लें
सकाळिं उट्तना
मयाक जालां
दुखय्नास्तां
चोर्न वेल्ल्यांचि
भुध्वंत्काय हांव मान्तां
बोटा सवें
मुदि वेल्ल्याक
धन्य्वाद म्हजे
बॊट आस्ल्यार्च्च न्हय्वॆ
मुदियेचि खंत
दय कर्न
हें बॊट
पाटिं मेळुंक कुमक करा
सांगाता मुदि सय्त
कित्याक म्हळ्यार
बॊट मेळ्ताना
मुदीय
जाय पड्ता न्हय्वॆ?
- माव्रिस डे’सा (अगॊस्त, २०१६)
माव्रिस डे’सा: कोंक्णेंत कवि जाव्न उदेल्लो माव्रिस शांतिपुर ऎक बरो पत्र्कर्त, लॆखक, काण्येगार सय्त. ’किरा बॊंच’, ’भिंगारि’ हाचे दॊन कविताजमे. ’उमाळो’, ’आम्चो युवक’, ’काणिक’ पत्राचें संपादक्पण चलयिल्लो हो सद्द्याक अप्लेंच म्हळ्ळें उध्यम चलव्न आसा.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.