ಮನ್ (- ವೃಶಾಲಿ ಕೆಳೆಕಾರ್)

[ಕವಿತಾ] ಮನ್ (- ವೃಶಾಲಿ ಕೆಳೆಕಾರ್)

ಮನೀಸ್ ಅಪಲ್ಯಾ ಜಿವಿತಾಂತ್ ಸಗಳೆಂ ಫಕತ್ ಪೊಟಾಕ್ ಲಾಗುನ್ ಕುಡಿಕ್ ಲಾಗುನ್ ಕರಿನಾ. ಬಗರ್ ಸಂತೊಸ್, ಸಮಧಾನ್ ಆನಿ ಅತಮ್ಯಾ ತೃಪ್ತೆಕ್ ಕರತಾ. ಜೆದನಾಂ ಕೊಣ್ ಶಾಂತಿ ಸಮಧಾನ್ ಮೆಳಾನಾಸತಾನಾ ಜಿಣಿ ಸಾರತಾ ಅಸೆಂ ಚಿಂತುಂಕ್ ಲಾಗತಾ ತೆದನಾಂ ಮನ್ ದುಕೇಸ್ತ್ ಜಾತಾ ಆನಿ ಹ್ಯಾ ಕವಿತೆಂತಲಿ ಭಗಣಾಂ ಭಗುಂಕ್ ಲಾಗತಾ.

ಬಾಯ್ ವೃಶಾಲಿ ಕೇಳೆಕರ್ ಗೊಂಯ್ಚಿ ಯುವಕವಿ. ಹಿಚ್ಯಾ ಕವಿತೆಚ್ಯಾ ಸಕತೆಕ್ ಮೆಜುಂಕ್ ಆತಾಂ ತುಕಾಚ್ ಸೊಡತಾಂ.

[ಕವಿತಾ] ಮನ್ (- ವೃಶಾಲಿ ಕೆಳೆಕಾರ್)

ಮನ್

ಮನ್ ಜಾಲಾಂ ನಿಗ್ರಘ್ಟ್ಟ್

ಕಾಳೀಜ್ ಜಾಲಾಂ ಫಾತೊರ್

ಉತ್ರಾಂ ತುಜಿಂ ಬರಿ ವಾಯ್ಟ್

ಮ್ಹಜೆ ಸಾಮ್ಕಾರ್ ದವ್ರ್

ಬರಿ ಉತ್ರಾಂ ದಿವ್ಶಿ ತರ್

ಘೆಯ್ನ್ ತಾತೂಂತ್ಲ್ಯಾನ್ ದೆಖ್

ವಾಯ್ಟ್ ಉತ್ರಾಂಚೆಂ ಲೊಣ್ಚೆ ಘಾಲನ್

ಗಿಳೀನ್ ಜೆವ್ಣಾರ್ ಥೆಟ್

ಖೂಪ್ ಜಾಲೆಂ, ಖೂಪ್ ಸೊಸ್ಲೆಂ

ಆತಾಂ ಪುರೊ ಜಾಲೆಂ ರುದನ್

ಘಾವ್ ಘಾಯ್ ವಾಯ್ಟ್ ವರ್ತನ್

ಹಾಸತ್ ಮುಖಾನ್ ವಿಸ್ರನ್

ತೀನ್ ಆಂಕಿ ನಾಟಕ್ ಜೀಣ್

ಫುಲಯ್ತಾಂ ಖೊಶೆಚೊ ಚಂವ್ರ್

ದೆಂವ್ತಿ ಚಡ್ಟಿ ಸದ್ಚೀಚ್

ಎಕವ್ಟ್ಟಾಂ,ಮನ್ಶಾಂ ಆನಿ ಘರ್.

- ವೃಶಾಲಿ ಕೆಳೆಕಾರ್. [ಫೆಬ್ರೆರ್, 2020]

ವೃಶಾಲಿ ಕೆಳೆಕಾರ್, ಪೀರವ್ಳ್, ಗೊಂಯ್: ಇಂಗ್ಲಿಶಾಂತ್ ಎಮ್.ಎ. ದುಸ್ರ್ಯಾ ವರ್ಸಾಚೆಂ ಶಿಕಪ್ ಜೊಡುನ್ ಆಸ್ಚಿ ಬಾಯ್ ವೃಶಾಲಿ ವಿಪುಲ್ ಕೆಳೆಕರ್ ಗೊಂಯಾಂತ್ ವಸ್ತಿ ಕರ್ತಾ. ಇಂಗ್ಲಿಶ್, ಕೊಂಕಣಿ, ಮರಾಠಿ ತಶೆಂಚ್ ಹಿಂದಿ ಭಾಸೆಂನಿ ಕವಿತಾ ಬರಯ್ತಾ. ಕೊಂಕ್ಣಿ ಕವಿಗೋಶ್ಟಿಂನಿ ಉರ್ಭೆನ್ ಭಾಗ್ ಘೆಂವ್ಚಿ ಹಿ ಎಕಾ ಇಸ್ಕೊಲಾಂತ್ ಇಂಗ್ಲಿಶ್ ಭಾಸ್ ಶಿಕಯ್ತಾ.