ಕವಿತಾकविताPoem

ಮ್ಹಜೆ ಕವಿತೆಚಿ ವಳ್

'Poetry is the clear expression of mixed feelings' ಮ್ಹಳ್ಳೆ ಸಾಂಗ್ಣೆಪರಿಂ ದೆಕುನ್ ಕವಿತೆಚಿಂ ರುಪಾಂ ಅನೇಕ್, ಎಕೇಕ್ ಪಾವ್ಟಿಂ ಎಕೆಕಾ ಸಂಸಾರಾಂತ್ ಪಾಸಾಯೊ ಕರಂವ್ಚಿ ಶ್ಯಾಥಿ ಕವಿತೆಚಿ; ಜೆದ್ನಾಂ ಮೊಳಬಾಂತ್ ಉಡ್ಟಾ ತರ್ ಕೆದ್ನಾಂ ದವಾಂತ್ ಭಿಜ್ತಾ, ಕೆದ್ನಾಂ ಪಾನಾ-ಪಾನಾಂತ್ ವಾಜ್‌ತಾ ತರ್ ಕೆದ್ನಾಂ ತನ್-ಮನಾಂತ್ ಗಾಜ್‌ತಾ. ಹೆ ವೆವೆಗ್ಳೆ ಸಂಸಾರ್ ಕವಿತೆಚ್ಯಾ ಥೊಡ್ಯಾಚ್ ಉತ್ರಾಂನಿ ಕವಿ ವರುನ್ ವರ್ತಾನಾ ಕವಿತಾರಸಿಕ್ ಖರೊಚ್ಚ್ ಜಾವ್ನ್ ಕವಿತೆಚ್ಯಾ ಆಮಾಲಾಂತ್ ಭರ್ತಾ.

ಕವಿ ಬಾಬ್ ಮಾಧವ್ ಬೋರ್ಕರ್ ಗೊಂಯ್ಚೊ ನಾಮ್ಣೆಚೊ ಕವಿ, ಚಿಂತ್ಪಿ ತಶೆಂಚ್ ವಿಶ್ಲೇಷಕ್. ’ಮಳಬಾಚೆಂ ಜನೆಲ್’ ತಾಚೊ ಆಯ್ಲೆವಾರ್ ಪರ್ಗಟ್ ಜಾಲ್ಲೊ ಕವಿತಾಜಮೊ. ಚಂವರ್, ವೊತಾಚ್ಯೊ ಸಾವಳ್ಯೊ, ಉಜ್ವಾಡಾಚೊ ರೂಕ್, ಪರ್ಜಳಾಚೆಂ ದಾರ್, ಯಮನ್, ಅವ್ಯಕ್ತಾಚೀಂ ಗಾಣೀಂ, ಸಿಂಫನೀ - ಹಾಚೆ ಹಾಚ್ಯಾಧಿಂ ಪರ್ಗಟ್ ಜಾಲ್ಲೆ ಕವಿತಾಜಮೆ. ’ಯಮನ್’ ಕವಿತಾಜಮ್ಯಾಕ್ ಕೇಂದ್ರ್ ಸಾಹಿತ್ ಅಕಾಡೆಮಿಚೊ ಪುರಸ್ಕಾರ್ ಹಾಂಕಾಂ ಲಾಭ್ಲಾ.

ಮ್ಹಜೆ ಕವಿತೆಚಿ ವಳ್

ಮ್ಹಜೆ ಕವಿತೆಚೀ ವಳ್

ಬಳಾರಿಂಚಿ ಮಾಳ ಕಶಿ

ಸಾಂಜೆಚ್ಯಾ ಮಳಬಾಂತ್ ಉಡಟಾ

ಮ್ಹಜೆ ಕವಿತೆಚೀ ವಳ್

ಕಂವಳ್ಯಾ ತಣಾ ಪಾತ್ಯಾಪರಿಂ

ಫಾಂತೊಡೆಚ್ಯಾ ದಂವಾಂತ್ ಭಿಜ್‌ತಾ

ಮ್ಹಜೆ ಕವಿತೆಚೀ ವಳ್

ಪಯಲ್ಯಾ ಪಾವಸಾಚಿ ದಡಕ್

ಪಾನಾಪಾನಾಂತ್ ವಾಜ್‌ತಾ

ಮ್ಹಜೆ ಕವಿತೆಚೀ ವಳ್

ಭರ್‌ತೆ ಭಾರಾವೆಲೊ ದರ್ಯಾ