ಕವಿತಾकविताPoem

ವಾಟ್ (- ಆನ್ನಿ ದೆ ಕೊಲ್ವಾಲೆ)

[ಕವಿತಾ] ವಾಟ್ (- ಆನ್ನಿ ದೆ ಕೊಲ್ವಾಲೆ)

ಮನೀಸ್ ಹ್ಯಾ ಸಂಸಾರಾಂತ್ ಏಕ್ ಪಯ್ಣಾರಿ ತರ್ ತಾಣೆಂ ಸಾರ್ಚಿ ಜಿಣಿ ಏಕ್ ಪಯ್ಣ್. ದೆಕುನ್ ಹ್ಯಾ ಪಯ್ಣಾಂತ್ ದರೇಕ್ ಮನೀಸ್ ಅಪ್ಲಿ ವಾಟ್ ಅಪುಣ್ ವಿಂಚತಾ. ಕೊಣ್ ರಾಜ್ ರಸ್ತೊ ವಿಂಚತಾ ತರ್ ಕೊಣ್ ಆಡ್ ವಾಟ್ ವಿಂಚತಾ ಆನಿ ಜಿ ವಾಟ್ ತೊ ವಿಂಚತಾ, ತ್ಯಾಚ್ ಶೆವೊಟಾಕ್ ತೊ ಪಾವ್ತಾ. ಎಕಾ ಆಧ್ಯಾತ್ಮಿಕ್ ಚಿಂತಪಾಚ್ಯಾ ಸ್ಥರಾಚೆರ್ ಹಿ ಕವಿತಾ ಭಾಂದುನ್ ಹಾಡಲ್ಯಾ ದೆಕುನ್ ಹಿ ಕವಿತಾ ಪರತ್ ಪರತ್ ವಾಚುಂಕ್ ಮನ್ ಯೆತ ಆನಿ ನವಿ ನವಿ ಕಾಣಿ ದಿಸುನ್ ಯೆತಾ.

ಬಾಯ್ ಆನ್ನಿ ದೆ ಕೊಲ್ವಾಲೆ ಏಕ್ ತಿಯಾತ್ರಿಸ್ತ್ ದೆಕುನ್ ತಿಚ್ಯಾ ಕವಿತೆಂತ್ ಜಿ ನದರ್ ದಿಸತಾ. ಸಮಾಜಿಕ್ ಕಾಳ್ಜೆಚಿ ನದರ್. ಆನಿ ಹ್ಯಾ ಕವಿತೆಚಿ ನದರ್ ತುಜಿಯ್ ಕರುಂಕ್ ಆತಾಂ ತುಜೆರ್ ಸೊಡತಾಂ.

[ಕವಿತಾ] ವಾಟ್ (- ಆನ್ನಿ ದೆ ಕೊಲ್ವಾಲೆ)

ವಾಟ್

ಚಲ್ತಾ ತುಂ ವಾಟ್

ಖುಯಂ ತುಂ ಪಾವ್ತಲೊ?

ಚಲ್ತಾ ತಿ ವಾಟ್

ಖುಯಂ ತುಂ ಥಾಂತಲೊ?

ನಿಟ್ ಮಾರ್ಗ್ ಆಸನ್

ನದ್ರೆಕ್ ತುಜ್ಯಾ ವಲ್ತಾಂ

ಶಾಂತ್ ಶಿತಳ್ ವಾರ್ಯಾನುಯ್

ವಾಂಕ್ಡೊ ಕಿತ್ಯಾಕ್ ಧಲ್ತಾ?

ಚಕ್ಚಕಿತ್ ಉಜ್ವಾಡ್ ಆಸನ್

ಸಾನ್ಡ್ಲಾ ತುಂ ಕಾಳ್ಖಾಂತ್

ವಿಲುದಾಚೊ ಆಸನ್ ಮಾರ್ಗ್

ಪಾಂಯ್ ತುಜೊ ಫೊಂಡ್ಕುಲಾಂತ್?

ಅಪಂಗುಳ್ ನಾಸನುಯ್

ಮುಲಾಂ ಆಪ್ಣಾವಂಚಿ ಗರಜ್?

ಚಡ್ಟಿ ನಾಸನುಯ್

ಕಿತ್ಯಾಕ್ ಕಾಡ್ಚಿ ಖರಸ್?

ಚಡ್ ಜಾಲೆಂ, ಹಾಂಗಾಚ್ ಥಾಂಬ್!

ವಾಂಕ್ಡಿಯೆ ದಿಕೆನ್ ಚಲಪ್

ಸರ್ಗಾ ಅಸ್ಲೆ ಸುಖ್ ಆಸನ್

ನರ್ಕಾಂತ್ ಕಿತ್ಯಾಕ್ ಲಾಸಪ್?

- ಆನ್ನಿ ದೆ ಕೊಲ್ವಾಲೆ. [ಫೆಬ್ರೆರ್, 2020]