ಕವಿತಾकविताPoem

Tosso Urtolo (- Sonjivo Verenkor)

[kovita] Tosso Urtolo (- Sonjivo Verenkor)

Bozarant chodd korun don thoracheo mirsango mellotat, ek lamb-motti, dusri holltachi punn chodd tik. Punn thoddea ghoramni onik‌yi lhan mirsang asta, taka konn dirsall/choppor mirsang mhonnota. Punn hi mirsang bhovo chodd tik. Zoxi kovita bab sonjivo verenkorachi, ti lagazoi zal'leank khub bori lagta ani lag‌l'le ozun tonddacho hulop kaddunk preton korun asat. Punn kovi zagrit dekun kovichi obhivyokti xida ani sompi. Ani hi obhivyokti soit hea kovitent disun yeta.

Bab sonjivo verenkorachea hea kovitechem osvadon korunk tukach ulo ditam.

[kovita] Tosso Urtolo (- Sonjivo Verenkor)

Tosso urtolo

tumi mhaka

kitloi chidd'ddiyat

kitloi kanddat

hamv, ro.Vi.Pondditale kovitentolo

kunddo koso

tosso urtolo

hamv melea uprant

konn tori

mhonnttoloch mhonnttolo

hacher onyai kelo!

to poilo dis astolo

somazache dolle ugddopacho

ani mhojea

zolmachea sarthokacho!

ho mhozo okhondd vixvas

ani okhondd axavad!

hech dhortorer

neayachim fulanchofuloitolo!

- Sonjivo Verenkor. [Zoner, 2020]

Sonjivo Verenkor: potrikodhyomi, kovi, chintpi toxench vauraddi zaun vaur korchea hachim bhavo‌zhumbor, mumbor, gamvantoli sanz, poddve boili somvnni, choitoneacheo paulleo, osvosth sury - he hache yedoll pason porgott zal'le kovitazome. Vimola poi puroskar, tti.Em'.E.Poi puroskar, konkonni bhaxa monddoll (Gõyam) puroskar haka labh‌l'le promuk puroskar.