ಕವಿತಾकविताPoem
ತಿ ವಾಟ್ [-ಕ್ಲೈವ್ ಸೋಜ್, ಬೊಳಿಯೆ]
[ಕವಿತಾ] ತಿ ವಾಟ್ [-ಕ್ಲೈವ್ ಸೋಜ್, ಬೊಳಿಯೆ]
ಹಾಂಗಾಸರ್ ವಾಟೊ ಆಸಾತ್, ಪುಣ್ ಆಮಿ ಸದಾಂಯ್ ಪಳೆವ್ನ್ ಆಯಿಲ್ಲ್ಯೊ ವಾಟೊ ನ್ಹಯ್, ಎಕೆಕಾ ವಾಟೆರ್ ಎಕೆಕಾ ಕಾಲೆತಿಚೆ, ಎಕೆಕಾ ವರ್ಗಾಚೆ, ಎಕೆಕಾ ಸ್ವಭಾವಾಚೆ. ವೆತಿರಿಕ್ತ್ ಸ್ವಭಾವಾಚೆ, ಜೆ ಖರೆಂಪಣಿ ಜಾವ್ನಾಸಾತ್ ತೆಂ ಲಿಪಂವ್ಚ್ಯಾಕ್ ತಶೆಂಚ್ ಜೆ ಬನಾವಟಿ ಜಾವ್ನಾಸಾತ್ ತೆಂ ಧಾಕಂವ್ಚ್ಯಾಕ್ ತೊಂಡಾರ್ ವೆವೆಗ್ಳಿಂ ಮುಖೊಟಿಂ ನ್ಹೆಸ್ಲ್ಯಾತ್ ಆನಿ ಎಕೆಕಾ ಮುಖೊಟ್ಯಾ ಪಾಟ್ಲಿಂ ವಿದ್ರೂಪ್ ತೊಂಡಾಂ ಕವಿನ್ ಯೆದೊಳ್ಚ್ ಪಳೆಲ್ಯಾಂತ್ ತಶೆಂಚ್ ಬರೆಂಚ್ ಕರುನ್ ಪಾರ್ಕಿಲ್ಯಾಂತ್.
ವಯ್ಚಾರಿಕ್ ಬೊರ್ಗೊಳಾಂತ್ ಜಲ್ಮುನ್ ವಾಡೊನ್ ಫುಲೆಲ್ಲಿ ಪಾಲೆಲ್ಲಿ ಗರ್ಭೆಸ್ತ್ ಸಮಾಜ್ ಆತಾಂ ತೆಚ್ ಖಸ್ತಾಚೆಂ ಫಳ್ ದಿಂವ್ಚ್ಯಾರ್ ಆಸ್ತಾನಾ ಅಸಲ್ಯಾಂಸವೆಂ ಕವಿ ತರ್ಕಾಕ್ ರಾವಾನಾ ಮ್ಹಣ್ತಚ್ ಚಿಂತುಂಕ್ ಜಾಯ್ತಿಂ ಸವಾಲಾಂ ಮತಿಂತ್ ಉದೆತಾತ್.
ಕ್ಲೈವ್ ಸೊಜ್ ಬೊಳಿಯೆ ಆಯ್ಲೆವಾರ್ ಉದೆವ್ನ್ ಯೆಂವ್ಚೊ ಭರ್ವಶ್ಯಾಚೊ ಕವಿ. ಫುಡೆಂ ಸಯ್ತ್ ಹಾಚೆಥಾವ್ನ್ ವಿಭಿನ್ನ್ ರುಪಾಚಿಂ ವಿಭಿನ್ನ್ ಚಿಂತ್ಪಾಚಿಂ ಕವಿತಾ ವ್ಹಾಳುನ್ ಯೇಂವ್ ಮ್ಹಣ್ ಭರ್ವಸೊ ದವರ್ಯಾಂ
[ಕವಿತಾ] ತಿ ವಾಟ್ [-ಕ್ಲೈವ್ ಸೋಜ್, ಬೊಳಿಯೆ]
ತಿ ವಾಟ್
ನಾಂ ನಾಂ ಮ್ಹಣುನ್ ರಡ್ಟೆಲ್ಯಾಂ ಲಾಗಿಂ
ಸಗ್ಳೆಂ ಮೆಳ್ಳೆಂ, ಸಗ್ಳೆಂ ಆಸಾ ಮ್ಹಣ್ತಲೆ ರಸ್ತ್ಯಾ
ದೆಗೆನ್ ನಿದುನ್ ಆಸ್ಲೆ. ಆನಿ ತೆ ನಿರ್ಗತಿಕ್, ಥಿಭೊ
ಲಾಗ್ಲಲೆ ರೆಡ್ಯಾಚಿ ದೂಕ್ ಕಾವ್ಳೊ ಕಿತೆಂ ಜಾಣಾ? ಗಾದ್ ಮಾತ್ರ್ ಸಗ್ಳ್ಯಾಂನಿ ಘಾಜ್ಲಿ ಕಾವ್ಳ್ಯಾಚಿ ಭುಕ್
ರೆಡ್ಯಾಶಿವಾಯ್ ಕೊಣಾಕ್ ದಿಸ್ಲಿ? ರಗತ್
ಚಿಂವ್ಚ್ಯಾ ಕಿರಂಟಿಂಪ್ರಾಸ್, ಕಾವ್ಳ್ಯಾಚ್ಯಾ
ಬೊಂಚಿಂತ್ ಆಸ್ಲಿ ಮಜಾ ಹಾಂಗಾ, ಸದಾಂ ಮನ್ಶಾರುಪಾರ್
ಬೊಲ್ಪೆ ಉಭೆ ಬರ್ಯಾ ಮನ್ಶ್ಯಾಂಕ್ ಕಶ್ಟ್ ಚಡ್ ದೆಕುನ್ ಕಶ್ಟಾಂ ಥಾವ್ನ್ ಪಯ್ಸ್ ರಾವ್ತಾಂವ್ ಆನಿ
ಅಪ್ಣಾಂಕ್ಚ್ ಬರೆ ಮ್ಹಣ್ತಾಂವ್ ತುವೆಂ ತರ್ಕಾಕ್
ದೆಂವ್ತಾನಾ ಹಾಂವ್ ಪಾಟಿಂ ಸರ್ಲೊಂ ಚಿಂತಿನಾಕಾ
ಹಾಂವ್ ನೆಣಾರಿ ಮ್ಹಣ್ ಹಾಂವ್ ಜಾಣಾರಿಯ್ ನ್ಹಯ್ ತರ್ಕ್ ತರ್ ಸೊಲ್ಲೊ ಕರಿತ್, ಅಸ್ಮಿತಾಯ್ ಉದೇಯ್ತ್ ದಂದ್ವ್ ಹಾಡಯ್ತ್, ಮನ್ಶಾಪಣಾಂ ಮೊರೊನ್ ಪಡ್ತಿತ್ ಹಾಂವ್, ಹಾಂವ್ ಜಾಯ್ನಾ ಜಾಯ್ತ್
-
ಕ್ಲೈವ್ ಸೋಜ್, ಬೊಳಿಯೆ.
[ನವೆಂಬ್ರ್, 2019]
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.