ಸಾಂಗು ನುಜೊ (- ಅಮೇಯ್ ನಾಯ್ಕ್)

[ಕವಿತಾ] ಸಾಂಗು ನುಜೊ (- ಅಮೇಯ್ ನಾಯ್ಕ್)

ಆಯ್ಚೊ ಸಂಸಾರ್‌ಚ್ ತಸೊ, ದೂಕ್ ಆಸ್ಚಿ ನಾಕಾಚಿ ಪುಣ್ ವ್ಹಕತ್ ಪುಸ್ಚೆಂ ಕಾನಾಂಚೆರ್ ಮ್ಹಳ್ಳೆಪರಿಂ. ದಾಕವ್ಪ್ ಏಕ್ ಆನಿ ಜಿಯೆವ್ಪ್ ಬೊಲ್ತೆಂಚ್. ದೆಕುನ್ ಹಾಂಗಾಸರ್ ಕವಿ ಅಪ್ಲ್ಯಾ ಅಪುರ್ಭಯೆಚ್ಯಾ ಗಝಲಾಂತ್ ಚತ್ರಾಯ್ ಸಾಂಗುನ್ ವೆತಾ. ಪುಣ್ ಸುಟಾವೆಂ ಸಾಂಗ್ಲೆಂ ತರ್‌ಯೀ ಆಯ್ಕತಲೊ ಕೊಣ್ ಆಸಾ? ಆಯ್ಕತ್ ತರ್‌ಯೀ ಕರಿತ್ ತೆಂ ನಖ್ಖೆಂ ನಾ. ದೆಕುನ್ ಕಿತೆಂಚ್ ಸಾಂಗು ನುಜೊ ಮ್ಹಳ್ಳಿ ಕಾಳ್ಜಿ ವೆಕ್ತ್ ಕರತಾ .

[ಕವಿತಾ] ಸಾಂಗು ನುಜೊ (- ಅಮೇಯ್ ನಾಯ್ಕ್)

ಸಾಂಗು ನುಜೊ

ಆತಾಂ ಕೊಣ್ ಕಸೊ ವಾಗತ್? ...ಸಾಂಗು ನುಜೊ,

ದಿತಾ ಮ್ಹಟ್ಲ್ಯಾರ್ ಕಿತೆಂ ಮಾಗತ್? ...ಸಾಂಗು ನುಜೊ.

ಉಜ್ವಾಡಾಚ್ಯಾ ಖುಸ್ತಾರ್ ಸಾರೆಯ್ಲೊ ಸಗ್ಳೊ ದೀಸ್,

ರಾತೀಕುಯ್ ತಸ್ಸೊ ಜಾಗತ್! ...ಸಾಂಗು ನುಜೊ.

ಫುಲಾ ಪರ್ಮಳಾನ್ ಜೆಣೆಂ ಭರ್ಲಾಂ ಅಾಖ್ಖೆಂ ಘರ್,

ಪೊರ್ಸಾಂತ್ ತೊಚ್ ಹಾಗತ್ ...ಸಾಂಗು ನುಜೊ.

ಹಾವ್ರ್ಯೆಲ್ಲ್ಯಾ ಪೊಟಾಚಿ ಭರುಂ ಯೆತಾ ಭೂಕ್,

ಮನಾ ಭೂಕ್ ಭಾಗತ್? ...ಸಾಂಗು ನುಜೊ.

ಖಂಯ್ ವಯ್ತಲೊ ಘೆವ್ನ್ ಮನಾಂಚಿ ಹಿ ಜಳ್ಜಳ್?

ಉಜೊ ತುಕಾಚ್ ಲಾಗತ್ ...ಸಾಂಗು ನುಜೊ.

- ಅಮೇಯ್ ನಾಯ್ಕ್. [ಎಪ್ರಿಲ್, 2020]