Osturi (- Anagha V Kamat)

[kovita] Osturi (-  Anagha V Kamat)

Eka osturevixim sobhar kovimni boroilam ani kallathaun kalla poreant osturecher boroitele astelech. Kiteak mhollear eka osturechea minotek kedinch mozuri na, tichea mogak kedinch mol na punn ek osturi kitench opekxa korinastana oplo vaur korun veta.

Bai onogha vi. Kamot konkonnint ek sokriy boroupinn toxench vauraddi. Hichea kovitentlim bhaunam ani vicharank somzunk atam tukach soddtam.

[kovita] Osturi (-  Anagha V Kamat)

Osturi

sokallim soglleant poilim utthnnari

soglleant nimnnem hantrunnar poddnnari

yeta toxa vareak sup dennari

asta ti ek mohan osturi.

Kamokxttan aplem ghor sozoinnari

mayemogan ghorcheankodden vagnnari

yetleavetleak lagim kornnari

teagachi mhurt ti, ek mogall osturi.

Mamyk mamvak ,der-zavo ghovak zopnnari

bapaik, bhaubhoinnank manan vagoinnari

ghora-kullara ,donoi ghoramni jhijnnari

nomllayechem protik asa mhomvall osturi.

Bhurgeaballank opurobayen samballonnari

lhanponnant hamstemukhan xi,su kaddnnari

moneamni soglem mayen kam' hatallonnari

momtene bhoril'li ek gorib,xudr osturi.

Bhurgeamni xurvir zauchem oxem mhonn'nnari

somvsarantole uzu marg dakhoinnari

bhom-i bhirant monantlean kaddun uddoinnari

kxotri-i monachi ti khombir osturi.

Bhurgeacher bore somskar ghoddoinnari

xrignnexa, poroudd nityoneman xikoinnari

bhoktibhavan dekhdinneo kothakannoyo sangnnari

brahmonnache gunn asnnari sodgunni osturi.

Bhurgeanchea xikxonnakhatir dhoddpoddonnari

poixa-oddkeacho orth hixeb zann'nnari

vyouhar-ginean ochuk toklent ghalnnari

voixy zat apnnainnari vyouhari osturi.

Sogle dhorm' angant kouxlean bannoinnari

ghorak aplea indrodhonubhoxen rongoinnari

aplo somvsar sorgabhoxen man'nnari

sonxik,nomllayechi, kuxol,chotur osturi.

- Anagha V Kamat. [Apr, 2023]

Anagha V Kamat: vrit'ten xikxoki zaunaschi bai Anagha V. Kamot konkonni, Moratthi, Hindi, English bhasemni boroita. Konkonnichea veg-vegollea somstheamni khup vaur korun aschi hi konkonni lekhok songhachi sochiv zaunasa.