नाका जाल्यार [एच्चेम]

नाका म्हळ्यार नाका (NO means NO), आयलेवार फामाद ’पिंक’ पिंतुराचो सार, दादलो प्रधान समाजेंत बायल आपणाचेर जाल्लो अन्न्याय सोसून वरून जियेंवचें चिंतप थाप्तेल्यांचेर कायदे-कानुनान दिल्लें फर्माण. पूण ह्या कवितेंत आसचें ’नाका’ वेगळेच चिंत्पाचें, स्वपणांचें, तशेंच उमाळ्यांचें. कवितेची सोभाय चाकुंक तुकाच सोडतां.

एच्चेम कोंकणी कविताशेतांत, प्रत्येक जावन नव्योत्तर कवितेंनी महत्तराची बदलावण अपल्या कवितेंनी घेवन आयिल्लो चिंत्पी, काण्येगार, विमर्शक, पत्रिकोध्यमी तशेंच एक संवेदनात्मक कवी सयत. २००७ इस्वेचो ’दायज वर्साचो कवी’ सवें, सभार साहितीक स्पर्ध्यांनी इनामां आपणायिल्लो एच्चेम ’किटाळ.कोम’ जाळिजाग्याचो संपादक जावन वावर करून आसा. ताच्या हरेका कवितेपरीं, ह्या कवितेंत सयत आसचें काव्याळ आमाल सेवंक तुकाय आपवणें दितां.

[कविता] नाका जाल्यार [एच्चेम]

नाका जाल्यार

नाका जाल्यार

नाका म्हण

अशें वोगें

रावानाका

उबोन येतां

मोड जावन

वोतून वेतां

पावस जावन

भरून घे

वोंटियेंत

एक थेंबो

नाका जाल्यार

नाका म्हण

रावानाका वोगें

अशेंय....

- एच्चेम [अगोसत २०१८]

एच्चेम: कोंकणी, कानडिंत ’कवी’, ’काण्येगार’, ’विमर्शक/विशलेषण‌कार’, तशेंच संपादक/प्रकाशक. ’चल्यांक चत्राय’, ’कयद्याच्यो कविता’, ’बामुणांचें चेडूं’ हाचे येदोळ पर्गट‌ल्ले कविताजमे. जायत्या सभार कविताजम्यांनी तशेंच हेर बुकांनी प्रसतावन बरयलां. कविगोश्टी तशेंच कामासाळां चलवन वेल्यांत. प्रसतूत किटाळ.कोम जाळिजाग्याचो संपादक तशेंच प्रकाशक.