Kazu bi [ Venkottex Nayak ]

Vhavo! kitem hea kovitechi sokot polleya, voilebhar pollelem tor ek kazu ani kazuchi bhi, ji ami choddtavam lhan‌ponnar kitlexeo kazu khaun, bhio gheun ayil'leamv, ani kazu toxench kazuchea bhieche kitlexe khell khellun ayil'leamv, hangasor kovitent tem bhurgeaponnalem svoponn jivall kortaxem bhogta. Punn titlench nhoi, hi kovita zaitem sangun veta, tichch eka kovitechi sokot mhonncheak gouai dita.

Kazu mhollear faleam kuson vechi vost, punn bhi mhollear falem, amcho fuddar, amchem mukhlem zonang. Monzat ani monis hea dogam modhem ascho promuk tofaut‌ch zaunasa, monis voicharik chintpak niallunk sokcho dekun amchi kudd faleam matient kuson vechi tor‌yi, ti kuson vecheadhim, oplem borem matr, mukhlea disamni, mukhlea pillgek soddun veta. Kazuchi bhi ek sanketik rup diun kovin opurbhayechem chintap hangasor vhallomvchem disun yeta dekun hi kovita porot vachunk korta. Okherichea vollimni kaim veveglleo kannionch sangchea hea kovitecher opurbhayechem vixlexonn borouyeta

Vrit'ten pradheapok zaunascho venkottex naik mhaka hechch chintpak lagun bhovo khais, borpan kitlo gunddayechoki, somyban soit titloch khalto ani somzonnecho mhonn hamvem parkil'lo kovi. Konkonni fuddarant osolea kovincho sonkho choddun yemvcho polletana khorench mhojea kallzant hozar moramni sontosan nach‌l'leporim zata.

[Kovita] Kazu bi  [Venkottex Nayak]

Kazu bi

xalleko melloche roza

gamvako geleariyo axile

proxne protikeko ut'toro borouche soza

haje modhento hitolanto bhomvochako moza

khauchako xodhuno voche ruko te kaza

holloduvo ani tamboddo kazu

bhi koxi mholleari

xrilonka asa bharotache bazu

khaunu venchuno haddoche kazubhi

moladhiko he marogo bhi

gorvo paule te rukaro pikotona

ani lokano bhi venchuno vorotona

thodde mhantare zaunu zoddole

molonaxi matinto poddole

venchuno vele, sol'launu kaddole

mol'lako vikole, khamvonu te sorole

xallo surovateko pauso te aile

matinto mellelenko ankri te puttole

kalochokranto sokkoddanko molo yeta

molako vikiloi soroche asa

nelaro poddoleloi uttauche asa

fokoto eko pauso zauka zata

- Venkottex Nayak [August 2018]

Venkottex Nayak, Mo'ddo'ntear: Vrit'ten pradhyopok zaun vaur korcho Venkottex Nayak, konknni sahiteant kannyegar/kovi zaun vhollkecho tor‌yi, ek somvedon‌xil chintpacho kovi, kovita tachi poili asokt. Konknnechea fuddarant ek bhorvoxeacho kovi zaun udetolo mholl'llo mhozo axavad. Hachi ek kovita ’sukti bhorti’ vixlexonnanchea bukant porgottlea