ಕಾವ್ಳೊ (- ಸಂಧೇಶ್ ಭಾಂದೇಕರ್)

[ಕವಿತಾ] ಕಾವ್ಳೊ (- ಸಂಧೇಶ್ ಭಾಂದೇಕರ್)

ದೀಸ್ ಗೆಲ್ಲೆಪರಿಂಚ್ ಮನಿಸ್ ಅಪ್ಣಾಥಂಯ್ ಆಸುಂಕ್ ಜಾಯ್ ಜಾಲ್ಲ್ಯಾ ಮನಶಾಪಣಾಕ್ ತಸೆಂಚ್ ಮನಶಾ ಭಾಂದಾಕ್ ಪಯ್ಸ್ ಲೊಟುನ್ ಜಿಯೆಂವ್ಕ್ ಲಾಗಲಾ. ಮನಶಾಚ್ಯಾ ಸಸಾಯೆಂತ್ ಜಿಯೆಂವ್ಚಿಂ ಸುಕಣಿಂ, ಜಾನ್ವರಾಂ ಲೆಗುನ್ ಪರತ್ ಪರತ್ ಯೆವುನ್ ಮನಶಾಕ್ ತಾಣೆಂ ಸಾಂಡೆಲ್ಯಾ ಮನಶಾಪಣಾಚ್ಯೊ ಯಾದಿ ಕರುನ್ ದಿತಾತ್ ಪುಣ್ ಮನಿಸ್ ಪಳೆತಾ ಪುಣ್ ಪಾರ್ಕಿನಾ, ಮನಿಸ್ ಆಯ್ಕತಾ ಪುಣ್ ಸಮ್ಜನಾ ಮ್ಹಳ್ಳೆಂ ಸೊಭಿತ್ ಚಿಂತಪ್ ದಿಂವ್ಚಿ ಕವಿತಾ ಹಿ.

[ಕವಿತಾ] ಕಾವ್ಳೊ (- ಸಂಧೇಶ್ ಭಾಂದೇಕರ್)

ಕಾವ್ಳೊ

ಅರೆ ಕಾವ್ಳ್ಯಾ ಆತ್ ತುಗೆಲ್ ರಡ್ಣ್ಣೆ

ಕಿತ್ಯಾ ರೆ ಕಮಿ ಜಾಲಾ ?

ಆತ್ ಆಮ್ಗೆರ್ ಸಯ್ರಿ ಯೆನಾತ್ ಮ್ಹಣ್ ?

ಅರೆ ಕಾವ್ಳ್ಯಾ ಆತ್ ತು ಕೀತ್ಯಾ ರಡ್ನಾ ?

ಆಮ್ಗೆಲ್ ಮನೀಸತ್ ಆಮ್ಕಾಂಂ ಪೈಸ್ ಜಾಲಾ ಮ್ಹಣ್ ?

ಅರೆ ಕಾವ್ಳ್ಯಾ ಆತ್ ತು ಕಿತ್ಯಾ ರಡ್ನಾ ?

ಆಮ್ಗೆಲ್ ಕಡೆ ಆತ್ ವೆಳ್ ನಾ

ಆನಿ ಸಯ್ರ್ಯಾಕಡೆ ಮೆಳ್ ನಾ ಮ್ಹಣ್ ?

ಅರೆ ಕಾವ್ಳ್ಯಾ ಆತ್ ತು ಕಿತ್ಯಾ ರಡ್ನಾ ?

ಆತ್ ತುಕ್ ಉಶ್ಟ್ಯಾ ಹಾತೀನ್ ಆಂಮ್ಬುಡನಾ ಮ್ಹಣ್ ?

ಅರೆ ಕಾವ್ಳ್ಯಾ ಪಯ್ಲಿ ಮಾಡಾರ್ ತುಗೆಲ್ ಘೊಟೆರ್

ಆನಿ ತಿ ಶಾಳಾ ತುಮ್ಗೆಲಿ ಭರ್ತಾಲಿ ರುಖಾರ್

ಝಾಡಾಂಂ ಆನಿ ಪೆಡಾಂ ಮಾರ್ಲಿ ಮ್ಹಣ್

ಘೊಟೆರ್ ಆನಿ ಶಾಳಾ ನಾತ್ತ್ ಜಾಲಿ.

ಕಾಕ್ಯಾ ಎಕ್ ಉಡಿ ಘೆ ಮ್ಹಣ್

ಆಇ ತುಕ್ ದಾಖಯ್ತಾಲಿ

ತುಕ್ ಭೀವ್ನ್ ಜೆವ್ಲೊ ಮ್ಹಣ್.

ಮ್ಹಾಗೆಲ್ ಆಇ ಖುಶ್ ಜಾತಾಲಿ.

ಉಮಾಸ್ ಪುನ್ವೆಕ್ ಸಣಾ ಪರ್ಬೆಂಕ್

ತು ದಿಸ್ನಾ ಮರೆ ಆಮ್ಗೆಲ್ ಝಳ್ಕೆಕ್

ಕಾವ್ಳ್ಯಾ ಆತ್ ತುಗೆಲ್ ಕಾವ್ ಕಾವ್

ಖಂಯ್ ರೆ ಬಾಬಾ ತಿ ಸಾಂಣ್ಲಾ ?

ಆನಿ ತು ಬಿ ಆತ್ ಮರೆ

ಮನ್ಶ್ಯಾವರೀಚ್ ರೆ ಬದ್ಲ್ಲಾ

- ಸಂಧೇಶ್ ಶ್ರೀಕಾಂತ್ ಭಾಂದೇಕರ್. [ಜುಲಾಯ್, 2020]