Kallea Poixachea Aropant [ Omey Naik, Gõy ]

Jedna asa duddu, tedna astolem sokkodd; dex‌prem', devo-dhorm', bhas-zat. Ani jedna kallo duddu kam' korunk lagtana kosolim marekar ghodditam ghoddunk zatat oni koxim him ghodditam somajek pidd'ddear korunk soktat mholl'llevixim sovistar riticho attovo kel'lo hea kovitent disun yeta.

Bab omey naik ek tornatto kovi punn tachi nodor zannti, gunddayechi toxench probhud'd. Dekun hi kovita fokot eka kovitechea merer urana. Bogar somajechea vevegllea kuxincher arso dhorta ani kovitarosikank novench omal dita mhonncheak govai zaunko tukach soddtam.

[Kovita] Kallea Poixachea Aropant   [Omey Naik, Gõy]

Kallea Poixachea Aropant

kallea poixachea aropant

kitleoxoch notti

bhogtat zolmotthep,

dubavit mhonn

'rijrv benkechea' bondkhonnit...

Hea cholloullint

gandhi-i

apkhoxeyon zalo meter

tennem soddlo zago

bodl'li dixa

ani tonnauyolo

ronguy.

Nivllottolo atonkovad

dexauyolo bhar

bhroxttachar... Sarkem

umedi narem,

ditalem protsahat

pon'nea nottink

bolidan diunk.

Cholloull soptokuch

bhangranchea tizorit raupi

pon'neam nottinkuy,

mellpak lagli vagnnuk

ochhutamvori.

Noveo notti

zolmak yetanch zaleo

kupoxit.

Monant nastonai tenka

rauchem poddlem axrit mhonn

bhanddouloxahichea dobavant...

Dhorm' porivrton korun

kallea poixan ghetlo

bhailea benkani razaxroi

yudhd patller zalo pnoitn

tenchea ghorvaposi khatir.

To khoyuy pavo

to khoyuy ravo

teka na bhoi.

Vicharil'lea prosnank

kel'lea aropank

tezo ekuch zovamb...

Bharot mata ki zoi

bharot mata ki zoi

- Omey Naik, Gõy [Mai, 2019]