ಜೀವನ್ (- ಸ್ಮಿತಾ ತಿಂಬ್ಲೆ)

[ಕವಿತಾ] ಜೀವನ್ (- ಸ್ಮಿತಾ ತಿಂಬ್ಲೆ)

ಜೀವನಾಚೆಂ ವ್ಯಾಖ್ಯಾನ್ ಥೊಡ್ಯಾಚ್ ಇಮಾಜಿ ವ ಸಾಂಕೇತಿಕ್ ಉತ್ರಾಂನಿ ಕರ್ಚಿ ಶ್ಯಾಥಿ ಕಿತ್ಲೆಶ್ಯಾಂಕ್ ಆಸಾ? ಹಾಂಗಾಸರ್ ಎಕೆಕಾ ಪಂಗ್ತೆಚ್ಯಾ ಎಕೆಕಾ ವಳಿಂನಿ ದೊ-ದೋನ್ ಪೊಂತಾಂ ವ ಕುಶಿ ಜಶೆಂ ದರಯಾಚಿ ಸುಕ್ತಿ ಭರತೀ ಆಸುನ್ ಹ್ಯಾ ದೋನ್ ಪೊಂತಾಂ ಮಧೆಂ ಜೀವನ್ ಮ್ಹಣುನ್ ಸೊಭಿತ್ ಥರಾನ್ ಉತ್ರಾಯಿಲ್ಲೆಂ ದಿಸುನ್ ಯೆತಾ. ಪಾವ್ಸಾಕ್ ಜಿಣಿ ಮ್ಹಳ್ಳೊ ಅರ್ಥ್ ಕೆಲೊ ತರ್ ಹ್ಯಾ ದೋನ್ ಪೊಂತಾಂಕ್ ಭಾಂದ್ ಘಡ್ತಾನಾ ಪಾವ್ಸಾ ಪಾವ್ಳಿ ಹಾಡ್ಟಾ ಉತಿ ಶಿರ್ಶಿರಿ ಶಿರ್ಶಿರಿ.

[ಕವಿತಾ] ಜೀವನ್ (- ಸ್ಮಿತಾ ತಿಂಬ್ಲೆ)

ಜೀವನ್

ಅರ್ದ್ ಚಂದ್ರ್ ಮಳ್ಬಾಂತ್ ಜರಿ

ತುಜಿ ಮ್ಹಜಿ ಪ್ರಿತ್ ಪುರಿ.

ಸಾವ್ರಿ ಬಂಣ್ ಪಾಚ್ವೆ ಜರಿ

ಫುಲಾರ್ ಕಾಪುಸ್ ಝಡ್ತಾ ಸರಿ

ಆಮ್ಯಾಕ್ ಮಹರ್ ತನ್ನೊ ಜರಿ

ರಸಾಳ್ ಫಳಾಂ ಲಮ್ಮ್ತಾತ್ ಬರಿ.

ಪಕಿ ಘಟ್ಗಾಂ ವಿಖುರ್ಲ್ಯಾಂತ್ ಜರಿ

ಫುಟುನ್ ಕಮ್ಮ್ ಯೆತ್ಲೊ ವರಿ.

ಬಿಯಾಂ ಜಾಗ್ರಿತ್ ಜಂನಿತ್ ಜರಿ

ಆಸ್ ತಾಂಕಾ ಪಾವ್ಸಾ ಸರಿ.

ಪಾವ್ಸಾ ಪಾವ್ಳಿ ಹಾಡ್ಟಾ ಉರಿ

ಶಿರ್ಶಿರಿ ಶಿರ್ಶಿರಿ

- ಸ್ಮಿತಾ ತಿಂಬ್ಲೆ. [ಮಾಯ್, 2020]

ಸ್ಮಿತಾ ತಿಂಬ್ಲೆ: ಶಿಕ್ಷಣ್ ತಶೆಂಚ್ ಸಂಗೀತ್ ಹಾಂತುಂ ಪದ್ವೆಚೆಂ ಶಿಕಪ್ ಜೊಡುನ್ ವೃತ್ತೆನ್ ಇಸ್ಕೊಲಾಚಿ ಶಿಕ್ಷಕಿ ಜಾವ್ನ್ ವಾವ್ರ್ ಕರ್ಚ್ಯಾ ಹಿಚಿಂ ಕವಿತಾ, ಕಥಾ ತಶೆಂಚ್ ಲೇಕನಾಂ ಕೊಂಕಣಿ ತಶೆಂಚ್ ಮರಾಠಿ ಪತ್ರಾಂನಿ ಪರ್ಗಟ್ಲ್ಯಾಂತ್. ಹಿಚ್ಯಾ ಕವಿತೆಚೊ ಜಮೊ ’ಅಕ್ಷರಪುನವ್’ ತಶೆಂಚ್ ಭುರ್ಗ್ಯಾಂಚ್ಯಾ ಸಾಹಿತ್ಯಾಚಿಂ ದೋನ್ ಪುಸ್ತಕಾಂ ಪರ್ಗಟ್ಲ್ಯಾಂತ್.