ಕವಿತಾकविताPoem

हावेस (- वैष्णवी रायकर)

[कविता] हावेस (- वैष्णवी रायकर)

अमूर्त चिंत्पाची कविता केदनांय एक न्हय बगर काणियोच सांगून वेतात म्हणच्याक ही कविता गवाय. हांगासर एक स्वपण आसा, तें अधुरें स्वपण आसलें स्वपणांत आयिल्लो विचार उज्वाडाच्या पावलां तेवशीन वर्ता.

[कविता] हावेस (- वैष्णवी रायकर)

हावेस

पयलेच फावट

विचारांत म्हज्या

चोरपावलानी "तो" आयलो

काळजाचे कोठयेकुडींत

भितर सरलो

त्या कुडींत "तो"

सोदत आसा

कितें तरी

आनी अचकित

ताका मेळ्ळी

एका कोनशाक

उडयल्ली पाटली

ताणें, घट्ट मारलेल्यो गाठी

सदळ केल्यो,

आनी "तो " उस्तयत रावलो

चुरिल्लीं, चिड्डल्लीं

धुळान माखलेलीं

अर्दकुटीं सपनां, इत्सा.....

"तो" आतां म्हाका जागयता

साद घालता म्हज्या मनांत

दीस- रात तळमळायता

पुरात करूंक सपनां, इत्सा.....

आनी हांव चलतां

लख्ख उजवाडाची वाट

ताच्याच सांगातांन सदांच

- वैष्णवी रायकर. [जुलाय, २०२०]