ಕವಿತಾकविताPoem

ಹಾಂವೆಸಾಚೆ ಪುಜಾರಿ (- ಅವಿನಾಶ್ ಕುಂಕಳಕಾರ್)

[ಕವಿತಾ] ಹಾಂವೆಸಾಚೆ ಪುಜಾರಿ (- ಅವಿನಾಶ್ ಕುಂಕಳಕಾರ್)

ಹ್ಯಾ ಸಂಸಾರಾಂತ್ ಜಿಯೆತಲೊ ಮನೀಸ್ ಕಾಂಯ್ ದೀಸ್ ಗೆಲ್ಲೆಪರಿಂ ಮನಜಾತ್ ಜಾಲಾ ಕಾಯ್? ಶಿಕಪ್ ಆಸುನ್, ಸಮ್ಜಣಿ ಆಸುನ್ ಮನೀಸ್ ಕಿತ್ಯಾಕ್ ಅಜೂನ್ ಮನಜಾತಿಕ್ ಸಯ್ತ್ ಲಜೆರ್ ಘಾಲಚಿಂ ಕಾಮಾ ಕರುನ್ ಆಸಾ? ಹ್ಯಾ ಚಿಂತಪಾಚೆರ್ ವಿಣ್ಲಲಿ ಕವಿತಾ ಹಿ.

ಬಾಬ್ ಅವಿನಾಶ್ ಕುಂಕಳಕಾರ್ ಗೊಂಯ್ಚೊ ಕವಿ, ಹ್ಯಾ ಕವಿತೆಚ್ಯಾ ಸಕತೆಕ್ ಸಮಜುಂಕ್ ತುಕಾ ಉಲೊ ದಿತಾಂ.

[ಕವಿತಾ] ಹಾಂವೆಸಾಚೆ ಪುಜಾರಿ (- ಅವಿನಾಶ್ ಕುಂಕಳಕಾರ್)

ಹಾಂವೆಸಾಚೆ ಪುಜಾರಿ

ಖೂಬ್ ಜಾಲೆ ಬಲಾತ್ಕಾರ್

ಅಸ್ತುರೆಚೆರ್ ಅನ್ಯಾಯ್,ಅತ್ಯಾಚಾರ್

ಜಶಿ ತುಮ್ಚಿ ಆವ್ಯ್,ಭಯ್ಣ್

ತಶೀಚ್ ದುಸ್ರ್ಯಾಚಿ... ಹೊ ಕೆಲಾ ತುಮಿ ವಿಚಾರ್ ?

ಶರೀರ್ ಸುಖಾಚಿ ಭೂಕ್ ಮಾರೂಕ್

ಜನಾವ್ರ್ ಜಾವ್ಪಾಚಿ ಗರಜ್ ನಾಂ

ತೆ ಸುಖ್ ಅಣ್ಭವಪಾಚಿ ವ್ಯವ್ಸ್ತಾ

ಕೆಲಾ ದೆವಾನ್

ಬಳ್ಜಬರಿ ಕರೂನ್ ಉಪ್ಕಾರಚಿನಾ.

ಬಳ್ಜಬರೀನ್ ಖರ್ಯಾ ಸುಖಾಚಿ ಭೂಕ್ ಭಾಗ್ನಾ

ತೆ ಸೂಖ್ ಅಣ್ಭವಚೆ ಜಾಲ್ಯಾರ್

ಅಸ್ತುರೆಚೊ ಆದರ್ ಕರ್ಚ್ಯಾ ಖೆರೀಜ್

ದುಸ್ರೊ ಉಪಾಯ್ ನಾಂ.

ಹಾಂವೆಸಾಚೆ ಪುಜಾರಿ

ಆಜೂನಯ್ ಹೆಡ್ಟಾ ಗಾಂವಾರ್

ಎಕ್ ಎಕ್ಸುರೆ ಅಸ್ತುರೆಚಿ ವಾಟ್ ಪಳಯ್ತ್

ಆನಿ ತಿ ಬಾಬ್ಡಿ ಭಿವೂನ್

ಕಾಡ್ತಾ ದೀಸ್ ತ್ಯಾ ನರಾಧಮಾಕ್

ಆಪ್ಲ್ಯಾ ಅಸ್ತೀತ್ವಾಚಿ ರಾಖಣ್ ಕರೂಕ್.

ಆತ್ಮಹ್ತ್ಯಾ ಕರೂನ್ ಲೆಗೀತ್

ಅಸ್ತೀತ್ವಾರ್ ಪಡಿಲ್ಲೊ ದಾಗ್

ಕಾಡೂಕ್ ಕೊಣಾಕ್ ಜಮ್ಬೆ ನಾಂ

ಆವ್ಯ್,ಬಾಪಾಯ್ಚ್ಯಾ ದುಕಾಂಚ್ಯಾ ಥೆಂಬ್ಯಾನಿ

ಆಪ್ಲ್ಯಾ ಭುರ್ಗ್ಯಾಚಿ ಮೆಲ್ಲಿ ಕೂಡ್

ಧೂವ್ನ್ ಕಾಡ್ಲಿ ತರಿ ತೊ ದಾಗ್ ಪುಸ್ಲೊ ನಾಂ.

ಗಾಂವಾರ್ ಹೆಡ್ಪಿ ತೆ ಸುಣೆ, ನರಾಧಮಾಚೆ

ತೆ ಘಡ್ಣುಕೆತ್ ತಾಂಚೆ ಕಾಂಯ್ಚ್ ಅಡ್ಲೆ ನಾಂ

ವ್ಹಡಾ ಮಂತ್ರಾಚೊ ಪಾಟ್ಬಳ್ ತಾಂಕಾಂ

ಲಾಭ್ಲೆಲೊ ಆಸ್ರತಾ

ತೆ ಹೆಡ್ಟಾ ಆಜೂನಯ್ ತಕ್ಲಿ ವಯ್ರ್ ಕಾಡೂನ್

ತಾಂಕಾಂ ದುಸ್ರ್ಯಾಚ್ಯಾ ದುಖಾಚೆ ಪಡ್ಲೆಲೆ ನಾಂ.

ಪೂಣ್ ವಿಸ್ರತಾತ್ ತೆ ದೆವಾಚೊ ನ್ಯಾಯ್

ಜಾಣಾ ಜಾವ್ನ್...

ದೆವ್ ಆಪ್ಲ್ಯಾ ನ್ಯಾಯಾಕ್ ಕೆನ್ನಾ ಮುಕ್ನಾ

ದೆವಾಚ್ಯಾ ನ್ಯಾಯಾಚ್ಯಾ ತಾಗ್ಡೆಚ್ಯಾ ದಾಲ್ಯಾತ್

ವಜನ್ ಜರಿ ನಾಸ್ಲೆ ತರಿ

ತೊ ಮೊಜ್ಮಾಪ್ ಕರೂಂಕ್ ಕೆನ್ನಾ ಚುಕ್ನಾ

ಮೆಳ್ತಲೆ ತಾಂಕಾಂಯ್ ಬಿ ಫಳ್

ತಾಣಿ ಬಳ್ಜಬರೀನ್ ಕೆಲ್ಯಾ ಕಶ್ಟಾಚೆ

ದರೆಕ್ ಯುಗಾತ್ ಅವ್ತಾರ್ ಘೆತಾ ದೆವ್

ನಾಶ್ ಕರೂಂಕ್ ತಸ್ಲ್ಯಾ ದುಶ್ಟಾಚೆ.

- ಅವಿನಾಶ್ ಕುಂಕಳಕಾರ್. [ಫೆಬ್ರೆರ್, 2020]