ಬೊಬ್ ಮಾರ್ (- ಲಾರೆನ್ಸ್ ವಿ. ಬಾರ್ಬೋಜ್)

[ಕವಿತಾ] ಬೊಬ್ ಮಾರ್ (- ಲಾರೆನ್ಸ್ ವಿ. ಬಾರ್ಬೋಜ್)

ಹೊ ಗಾಂವ್ ಹೊಡ್ಯಾಂಚೊ ನ್ಹಯ್, ಮೊಡ್ಯಾಂಚೊ. ಮನಿಸ್ ಹಾಂಗಾ ಕಾನ್-ದೊಳೆ-ಜೀಬ್ ಸಗ್ಳಿ ಆಯ್ಕಜಾಯ್ ಜಾಲ್ಲೆಂ ಆಯ್ಕನಾಸ್ತಾಂ, ಪಳೆಯ್ಜಾಯ್ ಜಾಲ್ಲೆಂ ಪಳೆಯ್ನಾಸ್ತಾಂ, ಉಲಯ್ಜಯ್ ಜಾಲ್ಲೆಂ ಉಲಯ್ನಾಸ್ತಾಂ ಗುಮ್ಟ್ಯಾಪರಿಂ ಜಿಯೆಂವ್ಕ್ ಲಾಗ್ಲಾ ದೆಕುನ್ ಸಂಸಾರಾಂತ್ ಅನೀತ್ ಆನಿ ಡೋಂಗ್‌ಪಣ್ ವಿಸ್ತಾರುನ್ ಆಸಾ ಜಶೆಂ ಕೊರೊನಾ ವಯ್ರಸ್ ವಿಸ್ತಾರ್ಚೆಪರಿಂ. ಹಂಗಾಸರ್ ದಿಸಾಚಿ ನೀದ್ ಸವಯೆರ್ ಕರುನ್ ಜಿಯೆತೆಲ್ಯಾ ಲೊಕಾಕ್ ’ಬೋಬ್ ಮಾರ್’ ಮ್ಹಣುನ್ ಕವಿನ್ ದಿಂವ್ಚೊ ಉಲೊ ದಿಸ್ತಾ.

ಕವಿ ಬಾಬ್ ಲಾರೆನ್ಸ್ ವಿ. ಬಾರ್ಬೊಜ್, ಮಂಗ್ಳುರ್ ಮುಳಾಚೊ, ಸದ್ದ್ಯಾಕ್ ಯು.ಕೆ.ಚ್ಯಾ ಮ್ಯಾಂಚೇಸ್ಟರಾಂತ್ ವಸ್ತಿ ಕರುನ್ ಆಸಾ. ಕೊಂಕಣಿ ಲೇಖನಾಂ ಬರಂವ್ಚೊ ಹೊ ಕೊಂಕಣಿ ವಾಚ್ಪಿ ತಶೆಂಚ್ ಥೆಂಕೊ ದಿತಲೊ. ಹ್ಯಾ ಕವಿತೆಚಿ ಬೊಬ್ ಸಮ್ಜುಂಚೆಂ ಪ್ರೇತನ್ ಕರುಂಕ್ ತುಕಾಚ್ ಉಲೊ ದಿತಾಂ.

[ಕವಿತಾ] ಬೊಬ್ ಮಾರ್ (- ಲಾರೆನ್ಸ್ ವಿ. ಬಾರ್ಬೋಜ್)

ಬೊಬ್ ಮಾರ್

ಬಂಜರ್ ಜಾಗ್ಯಾರ್ ರಾವ್ಳೆರ್ ಉಭಾರ್ತಾ

ಉಗ್ತ್ಯಾ ಮಯ್ದಾನಾರ್ ದೊರೊ ಭಾಂದ್ತಾ

ನಿತಳ್ ಉದಕ್ ಕದ್ಳುನ್ ಘಾಲ್ತಾ

ಮಾವ್ನ್ ಅವಾಜ್ ಕರ್ತಾ ಮಣ್ತಾತ್ ನ್ಹಯ್

ಸತ್ ದಾಂಪ್ತಾನಾ ಮಾವ್ನ್ ಫಟ್ ಜಾತಾ

ಫಟ್ಕಿರೆಂ ಮಾವ್ನ್ ಅವಾಜ್ ಕರ್ತಾನಾ

ಮನ್ಶಾಫಣ್ ಮಾವ್ನ್ ಜಾತಾ.

ಸತ್ ಅನಿ ಫಟಿ ಮಧೆಂ ಅಸ್ತಾ ಮಾವ್ನ್

ಮಾವ್ನ್ ಎಕ್ ನೀಬ್ ಧಯ್ರ್ ಘೆತಾ ಅತ್ಯಾಚಾರಿ

ಬೊಬ್ ಮಾರ್ ಮಾವ್ನ್ ಮನ್ಶಾಫಣಾ ವಿರೋಧಿ

ಮಾವ್ನ್ ರಾಂವ್ಚೊ ಅವ್ಕಾಸ್ ಸೊಡಿನಾಕಾ

ಅಸೊ ಅಸಾ ಪ್ರವಾದ್

ಮಾವ್ನ್ ರವ್ಲ್ಯಾರ್ ಉಗ್ತ್ಯಾನ್ ಜಾತಾ ಅಪ್ರಾದ್

ಮಾವ್ನ್ ಸಮ್ಜನಾತ್ಲ್ಯಾಂಕ್ ಉತ್ರಾಂ ಸಮ್ಜಾನಾಂತ್

ಬೊಬ್ ಮಾರ್ಚಿ ಗರ್ಜ್ ಅಸಾ ಚಿಂತ್ಪಾಚೆ ಮತಾಂತರ್

- ಲಾರೆನ್ಸ್ ವಿ. ಬಾರ್ಬೋಜ್, ಮ್ಯಾಂಚೆಸ್ಟರ್, ಯು.ಕೆ. [ಎಪ್ರಿಲ್, 2020]

ಲಾರೆನ್ಸ್ ವಿನೋದ್ ಬಾರ್ಬೋಜ್: ಶಿರ್ವಾಂ ಗಾಂವಾಂತ್ ಜಲ್ಮುನ್ ಇಜ್ನೆರಾಚೆಂ ಶಿಕಪ್ ಜೊಡುನ್ ಸದ್ದ್ಯಾಕ್ ಮಾಂಚೇಸ್ಟರ್ ಯು.ಕೆ.ಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರ್ಚೊ ಹೊ ಬರೊ ವಾಚ್ಪಿ ತಶೆಂಚ್ ಸಾಹಿತಿಕ್ ಅಭಿಮಾನಿ ಜಾವ್ನಾಸಾ. ಕವಿತ, ಲೇಖನಾಂ ತಶೆಂಚ್ ಸಮೀಕ್ಶಾ ಬರವ್ನ್ ಆಸ್ಚಾ ಹಾಣೆಂ ಡಿಜಿಟಲ್ ಕೊಂಕಣಿಂತ್ ಸಯ್ತ್ ವಾವ್ರ್ ಕರುನ್ ಆಸಾ.