ಪರ್ಜಳಿಕ್ ಪಾವ್ಸಾಧೊಣು - ಮಂಗಳೂರ್ ಮಹಾವಿಧ್ಯಾಲಯಾಚ್ಯಾ ಕೊಂಕಣಿ ಅಧ್ಯಯನ್ ಪೀಠಥಾವ್ನ್ ರಾಶ್ಟ್ರೀಯ್ ಬಹುಭಾಶಾ ಕಾರ್ಯಾಗಾರ್
ಎಪ್ರಿಲ್ 15, ಮಂಗ್ಳುರ್: ’ವಿಭಿನ್ನತೆಂತ್ ಎಕ್ವಟ್ ಆನಿ ಎಕ್ವಟಾಂತ್ ಸಹ-ಜಿವಿತ್’ ಚಿಂತ್ಪಾಚೆಂ ’ಭಾಸ್-ಸಾಹಿತ್ ಆನಿ ಸಮಾಜ್’ ಮ್ಹಳ್ಳೆಂ ಎಕಾ ದಿಸಾಚೆಂ ರಾಶ್ತ್ರೀಯ್ ಬಹುಭಾಶಾ ಕಾರ್ಯಾಸಾಳ್, ಮಂಗ್ಳುರ್ ವಿಶ್ವ್ವಿಧ್ಯಾಲಯಾಚ್ಯಾ ಕೊಂಕಣಿ ಅಧ್ಯಯನ್ ಪೀಠಚ್ಯ ಮುಖೇಲ್ಪಣಾಖಾಲ್ ಎಪ್ರಿಲಾಚ್ಯಾ 15 ತಾರಿಕೆರ್ ’ಬೀಮಿಂಗ್ ರೇನ್ಬೋ’, ಮಂಗ್ಳುರ್ ವಿಶ್ವವಿಧ್ಯಾಲಯಾಚ್ಯಾ ಸಾಂಜೆಚ್ಯಾ ಕೊಲೆಚಿಚ್ಯಾ ಸಾಲಾಂತ್ ಮಾಂಡುನ್ ಹಾಡ್ಲೆಂ.
ಹ್ಯಾ ಕಾರ್ಯಾಚೆಂ ಉಧ್ಘಾಟನ್ ಪ್ರಾಧ್ಯಾಪಕ್ ಎ. ವಿ. ನಾವದ (ರಿಟಾಯರ್ಡ್ ಡೀನ್ ತಶೆಂಚ್ ಪ್ರಾಧ್ಯಪಕ್ - ಕನ್ನಡ ವಿಶ್ವ್ವಿಧ್ಯಾಲಯ್, ಹಂಪಿ) ಹಾಣೆಂ ಚಲಯ್ಲೆಂ.
ಮುಖೆಲ್ ಸಯ್ರಿಂ; ಮಾನೆಸ್ತ್ ಬಸ್ತಿ ವಾಮನ್ ಶೆಣಯ್, ಮಾ|ಬಾ|ಮೈಕಲ್ ಸಾಂತುಮಾಯೆರ್ (ಮಿಲಾಗ್ರಿಸ್ ಕೊಲೆಜ್ ಮಂಗ್ಳುರ್ಚೊ ಪ್ರಾಂಶುಪಾಲ್), ವಿಶ್ವ್ವಿಧ್ಯಾಲಯಾಚೊ ಪ್ರಾಂಶುಪಾಲ್ ದೊ| ಉದಯ ಕುಮಾರ್, ತಶೆಂಚ್ ಸಾಂಜೆಚ್ಯಾ ಕೊಲೆಜಿಚೊ ಪ್ರಾಂಶುಪಾಲ್ ದೊ|ರಾಮಕೃಷ್ಣ ಬಿ.ಎಮ್. ಆನಿ ಕೊಂಕಣಿ ಸಾಹಿತ್ ಅಕಾಡೆಮಿಚೊ ಸಂಚಾಲಕ್ ದೊ|ಭೂಶಣ್ ಭಾವೆ ಹಾಣಿಂ ಸಂಧೇಶ್ ದಿಲೆ. ವೆದಿಚೆರ್ ಕೊಂಕಣಿ ಅಧ್ಯಯನ ಪೀಠಚೊ ಸಂಯೋಜಕ್ ದೊ|ಜಯವಂತ್ ನಾಯಕ್ ಮುನಿಯಾಲ್, ಆನಿ ದೊ| ದೇವಿದಾಸ್ ಪೈ ಹಾಜರ್ ಆಸ್ಲೆ. ಬಾಯ್ ಕೊನ್ಸೆಪ್ಟಾ ಫೆರ್ನಾಂಡಿಸ್ (ಆಳ್ವ) ಹಿಣೆ ಕಾರ್ಯೆಂ ನಿರ್ವಾಹಣ್ ಕೆಲೆಂ.
ಹೆಚ್ ಸಂಧರ್ಭಾರ್ ಗೊಂಯ್ಚಿ ನಾಮ್ನೆಚಿ ಕಾಣಿಯೆಗಾರ್ನ್ ಬಾಯ್ ಮೀನಾ ಕಾಕೊಡ್ಕರಾಚ್ಯಾ ’ವಾಸ್ತು’ ಮ್ಹಳ್ಳ್ಯಾ ಪುರಸ್ಕೃತ್ ಕಾದಂಬರೆಕ್ ನಾಮ್ನೆಚಿ ತರ್ಜಣ್ಕಾರ್ನ್ ದೊ| ಗೀತಾ ಶೆಣಯ್ ಹಿಣೆಂ ತರ್ಜಣ್ ಕೆಲ್ಲ್ಯಾ, ವಿಶ್ವ ಕೊಂಕಣಿ ಕೇಂದ್ರನ್ ಪರ್ಗಟ್ ಕೆಲ್ಲ್ಯಾ ಹ್ಯಾ ಕೃತಿಯೆಚೆಂ ಮೊಕ್ಳೀಕ್ ಕಾರ್ಯೆಂ ಉಪ-ಕುಲಪತಿ ಪ್ರಾಧ್ಯಾಪಕ್ ಕಿಶೋರಿ ನಾಯಕ್ ಕೆ. ಹಿಣೆಂ ಕೆಲೆಂ.
ಪ್ರಮುಕ್ ಪರಿಸಂವಾದ್ ಕಾರ್ಯಾವಳಿಂತ್ ಜಶೆಂ ಪಾವ್ಸಾಧೊಣುಕ್ ಸಾತ್ ರಂಗ್ ಆಸ್ಲೆಪರಿಂ, ಭಾಸ್-ಸಾಹಿತ್-ಸಮಾಜೆಚ್ಯಾ ವೆವೆಗ್ಳ್ಯಾ ಪ್ರಕಾರಾಂಚೆರ್ ಕೊಚ್ಚಿಚೊ ನಾಮ್ನೆಚೊ ಕೊಂಕ್ಣಿ ಬರಯ್ಣಾರ್ ಮಾನೆಸ್ತ್ ಪಯ್ಯನೂರ್ ರಮೇಶ್ ಪೈ ಹಾಂಚ್ಯಾ ಅಧ್ಯಕ್ಷ್ಪಣಾಖಾಲ್ ದೊ|ಗೀತಾ ಶೆಣಯ್ ಹಿಣೆಂ ’ಸಾಹಿತ್ಯಾಂತ್ ತರ್ಜಣೆಚೊ ಪಾತ್ರ್’ ವಿಶ್ಯಾಚೆರ್ ಕನ್ನಡ ಭಾಶೆಂತ್, ’ತುಳು ಭಾಸ್ ಆನಿ ಸಮಾಜ್’ ವಿಶ್ಯಾಂತ್ ದೊ| ಗಣೇಶ್ ಅಮೀನ್ ಸಂಕಮಾರ್ ಹಾಣೆಂ ತುಳುಭಾಶೆಂತ್, ’ಸಾಹಿತಿಕ್ ವಿಮರ್ಸೊ ಆನಿ ತಾಚೊ ಪರಿಣಾಮ್’ ವಿಶ್ಯಾಚೆರ್ ದೊ| ಆಲ್ವಿನ್ ಡೆ’ಸಾನ್ ಇಂಗ್ಲಿಶಾಂತ್, ’ಹಿಂದಿ ಕಾಣಿಯಾಂಚಿ ಸೊಭಾಯ್’ ವಿಶ್ಯಾಂತ್ ಪ್ರಾಧ್ಯಪಕಿ ಪ್ರಭಾ ವಿ. ಭಟ್ ಹಿಣೆಂ ಹಿಂದಿಂತ್, ’ಸಂಸ್ಕೃತೆಚ್ಯಾ ಕಾವ್ಯಾಳ್ ಸಂಸ್ಕೃತಿ’ ವಿಶ್ಯಾಚೆರ್ ದೊ|ಕುಮಾರ್ ಸುಭ್ರಹ್ಮಣ್ಯ ಭಟ್ ಅನಿ ’ಕೊಂಕಣಿಂತ್ಲ್ಯೊ ನವ್ಯ(ಆಧುನಿಕ್) ಕವಿತಾ’ ಚೆರ್ ವಲ್ಲಿ ಕ್ವಾಡ್ರಸಾನ್ ಕೊಂಕಣಿಂತ್ ಆಪಾಪ್ಲಿಂ ಪ್ರಭಂಧಾಂ ಸಾದರ್ ಕೆಲಿಂ.
ದೊ| ಜಯವಂತ್ ನಾಯ್ಕ್ ಹಾಣೆಂ ಉಪ್ಕಾರ್ ಆಟಯ್ಲೊ.
