[खबर] पर्जळीक पावसाधोणू - राश्ट्रीय काऱ्यासाळ
पर्जळीक पावसाधोणू - मंगळूर महाविध्यालयाच्या कोंकणी अध्ययन पीठथावन राश्ट्रीय बहुभाशा काऱ्यागार
एपरील १५, मंगळूर: ’विभिन्नतेंत एकवट आनी एकवटांत सह-जिवीत’ चिंत्पाचें ’भास-साहीत आनी समाज’ म्हळ्ळें एका दिसाचें राश्त्रीय बहुभाशा काऱ्यासाळ, मंगळूर विश्वविध्यालयाच्या कोंकणी अध्ययन पीठच्य मुखेलपणाखाल एपरिलाच्या १५ तारिकेर ’बीमिंग रेनबो’, मंगळूर विश्वविध्यालयाच्या सांजेच्या कोलेचिच्या सालांत मांडून हाडलें.
ह्या काऱ्याचें उधघाटन प्राध्यापक ए. वी. नावद (रिटायर्ड डीन तशेंच प्राध्यपक - कन्नड विश्वविध्यालय, हंपी) हाणें चलयलें.
मुखेल सयरीं; मानेसत बसती वामन शेणय, मा|बा|मैकल सांतुमायेर (मिलाग्रीस कोलेज मंगळूरचो प्रांशुपाल), विश्वविध्यालयाचो प्रांशुपाल दो| उदय कुमार, सांजेच्या कोलेजिचो प्रांशुपाल दो|रामकृषण बी.एम. आनी कोंकणी साहीत अकाडेमिचो संचालक दो|भूशण भावे हाणीं संधेश दिले. वेदिचेर कोंकणी अध्ययन पीठचो संयोजक दो|जयवंत नायक मुनियाल, आनी दो| देविदास पै हाजर आसले. बाय कोन्सेपटा फेर्नांडीस (आळव) हिणे काऱ्यें निर्वाहण केलें.
हेच संधर्भार गोंयची नाम्नेची काणियेगार्न बाय मीना काकोडकराच्या ’वासतू’ म्हळ्ळ्या पुरसकृत कादंबरेक नाम्नेची तर्जणकार्न दो| गीता शेणय हिणें तर्जण केल्ल्या, विश्व कोंकणी केंद्रन पर्गट केल्ल्या ह्या कृतियेचें मोकळीक काऱ्यें ऊप-कुलपती प्राध्यापक किशोरी नायक के. हिणें केलें.
प्रमूक परिसंवाद काऱ्यावळिंत जशें पावसाधोणूक सात रंग आसलेपरीं, भास-साहीत-समाजेच्या वेवेगळ्या प्रकारांचेर कोच्चिचो नाम्नेचो कोंकणी बरयणार मानेसत पय्यनूर रमेश पै हांच्या अध्यक्षपणाखाल दो|गीता शेणय हिणें ’साहित्यांत तर्जणेचो पात्र’ विश्याचेर कन्नड भाशेंत, ’तुळू भास आनी समाज’ विश्यांत दो| गणेश अमीन संकमार हाणें तुळुभाशेंत, ’साहितीक विमर्सो आनी ताचो परिणाम’ विश्याचेर दो| आलवीन डे’सान इंगलिशांत, ’हिंदी काणियांची सोभाय’ विश्यांत प्राध्यपकी प्रभा वी. भट हिणें हिंदिंत, ’संसकृतेच्या काव्याळ संसकृती’ विश्याचेर दो|कुमारा सुभ्रह्मण्य भट अनी ’कोंकणिंतल्यो नव्य(आधुनीक) कविता’ चेर वल्ली क्वाड्रसान कोंकणिंत आपापलीं प्रभंधां सादर केलीं.
दो| जयवंत नायक हाणें उपकार आटयलो.
