[खबर] कोंकणी भाशा मंडळ, गोंयान घेतलें आवाजाचें चड-उतार शासत्र एनलायन व्याख्यान
कोंकणी भाशा मंडळ, गोंयान घेतलें आवाजाचें चड-उतार शासत्र एनलायन व्याख्यान
कोंकणी भाशा मंडळान आवाजाचें चड-उतार शासत्र ह्या विश्याचेर एनलायन व्याख्यान आयोजीत केल्ले. नाट्यकलाकार केतन जाधव हांणी ह्या विश्यायेर मार्गद्र्शन दिलें. शिक्षकांक पाठ्यपुसतकांचेर एनलायन साधनां तयार कर्तना आदार जावचो म्हूण मंडळान हें व्याख्यान दवरिल्लें. १४५ जाण ह्या व्याखानांत वांटेकार जाल्ले. हें व्याख्यान फेसबूकार लायव्ह आशिल्लें.
आवाजाचो बरें तरेन वापर जावपा खातीर रियाजाचें म्हत्व खोलायेन केतन जाधव हांणी मांडलें. स्वर आकार, जिबेचो व्यायाम, पेन्सील व्यायाम, मोट्यान वाचप, रोबोटीक वाचप, आवाजाचो भालो व्यायाम, स्वराचें उच्चारण हांचे म्हत्व तांणी विसतारान मांडलें.
आवाजाचो चड-उतार कर्तना कांय तंत्रां लक्षांत दवरपाक जाय हे देखी सयत तांणी दाखोवन दिले. वाक्यां कुजबुजप, वाक्यां मदीं खंड दिवन उलोवप, ध्वनी, आवाज, ध्वनीची उंचाय, आवाजाची अभिव्यक्ती आनी गती हाचेर तांणी स्पश्टीकरण दिलें.
शेवटाक व्याख्यानांत वांटेकार जाल्ल्यांनी विचारिल्ल्या प्रस्नांक तांणी जापो दिल्यो. ह्या विश्याचेर मुखार काऱ्यशाळा आयोजीत कर्पाचो विचार मंडळाचो आसा. व्याखानाचें संयोजन कोंकणी भाशा मंडळाचे वांगडी पुनम बूऱ्ये हांणी केलें जाल्यार येवकाराचें उलोवप आनी मानेसताची वळख सचीव उल्हास गांवकार हांणी केली. निमाणे कडेन मंडळाचे वांगडी वेदिका वाळके हांणी उपकार मानलें.
[khobor] Avazachem chodd-utar xastr
