दसेंबर २०: २००० इस्वेंत कुवेयटांत सुरू जाल्ल्या आशावादी प्रकाशनाच्या २० वर्सुगेचो संभ्रम दसेंबर २० तारिकेच्या आयतारा सांजेर ४ थावन ७ पऱ्यांत डिजिटल माध्यमाचेर चलयलो.
उग्तावण काऱ्याचें सुंकाण घेतल्ल्या गोंयच्या श्री मल्लिकार्जून कोलेजिच्या हिंदी विभागाची मुखेसत दो|रूपा चारीन येवकार माग्तच वल्ली क्वाड्रसान अपल्या स्वागत उलवपांत "आशावादी आनी पिसो - ह्या दोनां मधलो अंतर एका सुताचो, आनी ही कोंकणी पिसाय अपणाक कशी लागली आनी सुर्विल्या दिसांनी अपल्या समकाळीन बरवपी मित्रां थावन मेळल्ल्या प्रेरण तशेंच पाटिंबोविशीं उलयीत, मेलवीन रोड्रिगसाच्या कामाचो तशेंच प्रगती प्रकाशनान घाल्ल्या प्रभावाचो उल्लेक केलो. ह्या वीस वर्सांच्या पयणांत चडणी आनी पडणेंत आधार, पाटिंबो तशेंच भर्वसो दिल्ल्यांचो उडास काडून, हो संभ्रम फकत एकल्याचो न्हय, बगार समेसतांचो म्हणालो.
कोंकणी सर्दार, विश्व कोंकणी केंद्राचो मुखेसत बसती वामन शेणय हाणीं काऱ्याचें उग्तावण करून दिल्ल्या अपल्या संदेशांत "आशावादी प्रकाशान अशेंच अपलो खळमीत नातलो कोंकणी वावर मुखारून वरून रुप्योत्सवाचो सुवाळो काऱ्यें सयत संभ्रमुंक तशेंच अपणाक तांतूं मेतेर करुंक उलो दिलो".
आंडऱ्यू एल. डी’कुन्हान आशावादी प्रकाशनाच्या वीस वर्सांच्या पयणाचेर खोलायेन उलवन ’आशावादी प्रकाशन म्हळ्यार वल्ली क्वाड्रस, आनी वल्लिच्या बर्पांत तशेंच चिंत्पांत तो आशावादी. हो वावर एका प्रतिश्टीत संस्थ्याच्या वावराच्याकी कांय उणो ना, होच वावन जर एका संस्थ्यान केल्लो तर त्या संस्थ्याक मेळचो मान वेगळोच आसतो जो वल्ली क्वाड्रसाक मेळुंक ना’ म्हणालो. आशावादी प्रकाशन मुखारून व्हरुंक वल्लीक जोक्तो पाटिंबो दिंवच्याक कोंकणी मुखेल्यांनी तशेंच संस्थ्यांनी मुकार आयल्यार ताचो प्रतिफळ खंडीत जावन कोंकणीक लाभच्यांत दुभाव ना म्हणालो.
एच्चेम पेर्नालान ’दायज थावन पयणारी’ अशें अपल्या उलवपांत १९९० इस्वेथावन कशी अपणाची ओळोक वल्लिसवें जाल्ली आनी आज पासोन एका कुटमांतल्या भाभावांपरीं एकामेका मनभेद आसूनयी एकामेकाक आधार दिवून आयल्यांव म्हणालो. दायज आनी पयणाची मधें URL मात्र बदल्लां शिवाय वल्लीक बरवपी आनी कोंकणी साहित्याचेर आसचो मोग कुसकुटाचोय बदलुंक ना. बदलाक दायज फकत एका लिपीक सीमीत जावनासलें तर पयणारिंत ताणें विश्व व्यापी जावन बदलून तीन लिपिंत साहित्य पर्गटचें मात्र न्हय, पयलें फकत बर्पारुपार आसलें साहित्य आतां आडियो रुपार आयकुंक सयत मेळता म्हणालो. हेच वेळार समकाळीन बरवपी; मेलवीन रोड्रिगस, आंडऱ्यू डी’कुन्हा, किशू बार्कूर, पंचू बंटवाळ, मावरीस शांतिपूर कशें फकत बरवपी/कवी जावन उरुंक नासताना प्रकाशक, संपादक जावन हेर बरवप्यांक सांगाता घेवून मुकार चल्ले पूण वल्ली क्वाड्रसान हें काम २००३ इस्वेथावनच सुरू केल्लें म्हणालो.
मुखेल सयरो जावन हाजर आसल्ल्या गोवा-न्यूस.कोमचो संपादक बाब संधेश प्रभुदेसाय हाणीं अपल्या उलवपांत; कोवीड मा-पिडेन मनशांक धोसलें आनी भेश्टायलें पूण ह्याच काळार डिजिटल माध्यम एक वरदान कशें जालें, आनी आज आशावादी प्रकाशनाच्या वीस वर्सांच्या वावराविशीं आयकून खरेंच अशें भगलें, हें काम गोंयांत जावपाक जाय आसलें पूण गोंयां भायर जाल्लें आमकां खूप अभिमानाचें काम. आनी आमी ३५० वर्सां पाटीं वचुंक सकानांव पूण डिजिटल माध्यमाचो थेंको घेवून आमी ३५० वर्सां पाटीं वचुंक सक्तांव आनी एक कोंकणी कुटम जावन कोंकणिच्या वाडावळेखातीर सांगाता वावर करुंक सक्तांव आनी ह्या दिशेन बाब वल्ली क्वाड्रसान अपल्या तांत्रीक गिन्यानाक हातेर करून मुखेलपण घेवंक आशावादी प्रकाशनाक उलो दिलो.
अखील भारतीय कोंकणी परिशदेची अध्यक्ष बाय उषा राणेन अपल्या उलवपांत आशावादी प्रकाशनाच्या वावरावी सविसतार वळोक आयकून अपणाक अशें भगलें अमी कोंकणी पासत केल्लें भोव थोडें. आनी ह्या पासत आशावादी प्रकाशनाच्या वल्ली क्वाड्रसाची थोकणाय केली.
गोंय कोंकणी अकाडेमिच्या ’अनन्य’ जर्नलाची संपादक बाय दो|जयंती नायकान अपल्या उलवपांत; ’बाब वल्लिची आनी म्हजी ओळोक स वर्साधीं जाल्ली, जेदनां ताची एक कथा म्हाका पावली आनी ती कथा म्हाका इतली आवडली म्हळ्यार हांवें फोन करून परबीं पाटयली. थोड्याच तेंपान हांव कोंकणी परिशदेक लागून मुंबय पावलीं आनी तेदनां वल्ली क्वाड्रस म्हाका मेळ्ळो पूण जेदनां तो गोंयां आयलो तो पयलो येतालो गोंय कोंकणी अकाडेमीक आनी आमी वोरांगटलें कथेविशीं उलयतल्यांव आनी ताचेथावन हांवें पार्किल्ली एक दूक जावनासा; ’आमचें कोंकणी साहित्य ग्रेसत आसा, पूण तें लिपिच्या बंदडेंत भांदून आसा, आमी त्या बंधडेथावन सुटका घेंवच्यो वाटो तयार करिजय’ म्हणून. आशावादी प्रकाशनाच्या वावराक बरें मागून हें आशावादी प्रकाशन खरेंच कोंकणी साहितीक इतिहासांत एक मयलाफातर म्हणाली.
बाय रूपा चारीन ’पुसतक विमोचन’ काऱ्याचें सुंकाण घेतल्ल्या बाय मंगळूरच्या बेसेंट कोलेजिच्या पत्रिकोध्यम विभागाच्या मुखेसत बाय स्मिता शेणय हिची ओळोक करून दितच बाय स्मिता शेणय हिणें आशावादी प्रकाशनाच्या विमोचन जावंक आसच्या तीन बुकांची तशेंच बरवप्यांचो ओळोक करून दिवंक म्यांचेसटर (युके) थावन लारेन्स विनोद बारबोजाक उलो दिलो.
लारेन्स विनोद बारबोजान मोनिका डे’साची तशेंच तिच्या ’नवी दिशा’ पुसतकाची, वाल्टर नंदळिके तशेंच ताच्या ’फांत्यापाराचें सपण’ पुसतकाची, आनी स्टीफन पिंटो कुंटल्पाडी तशेंच ताच्या ’कोंबो आनी झूज’ पुसतकाची वळोक करून दिली.
मानेसत जोसेफ मथायसान ’नवी दिशा’ पुसतकाचें विमोचन करून अपलो संधेश दिवून ’आशावादी प्रकाशनान पाटल्या वीस वर्सांनी केल्लो वावर पळेवन हांव खरोंच विज्मीत पावलों, आनी खंडीत जावन ह्या वावराक अपलो पाटिंबो फुडेंय आसतलो म्हणालो’, मोनिका मथायसान अपल्या उलवपांत ’मनीस जर अपल्या काळजांत सिंतिमेंतां नासताना आसतो तर तो एका फात्रापरीं दिसतो, देकून ह्या सिंतिमेंतांक साहित्याचें रूप दिल्ल्या म्हल्या काणियांक एकटावंक पर्गट केल्ल्या आशावादी प्रकाशनाचो, आनी ह्या पासत पाटिंबो दिल्ल्या कुटमाचो धिन्वास केलो’.
मानेसत दामोदर मावजोन ’फांत्यापाराचें सपण’ पुसतकाचें विमोचन करून अपल्या संधेशांत ’कोंकणी साहित्यांत जेदनां वेग-वेगळ्या प्रांत्याचें साहित्य लागीं येता, तेदनांच कोंकणी साहित्याची खरी तांक कळता’ म्हणालो.
मानेसत हिलरी टेल्लीस बाह्रेयन हाणें अपल्या उलवपांत स्टीफन पिंटोच्या वेक्तित्वाविशीं तशेंच ताच्या काणियांविशीं उलवन, ह्यो काणियो बुकारुपार प्रकाशीत केल्ल्या आशावादी प्रकाशनाक धिन्वासलें. बाय स्मिता शेणय हिणें मुकल्या भागाचें सुंकाण घेतल्ल्या गोंयच्या श्री मल्लिकार्जून कोलेजिच्या कोंकणी विभागाचो मुखेसत दो|पूर्णानंद च्यारिची ओळोक करून दिली.
पुरसकार आनी इनामांच्या ह्या विभागांत पयलें ’पयणारी-वीज साहितीक स्पर्धो’ विशीं उलयित्त दो|आसटीन डी’सोज प्रभून कशें पयणारी-वीज राश्ट्रीय अमट्टाच्या साहित्यीक स्पर्ध्याची सुर्वात करून आतां तीन वर्सां संपयलीं, आनी फुडें सयत कोंकणिच्या उत्तीम साहितिंक ह्या स्पर्ध्यांत वांटो घेवंक उलो दिलो.
मानेसत जेम्स मेंडोन्सा दुभय हाणीं विलफी रेबिंबस स्मारक पयणारी-वीज राश्ट्रीय मट्टाच्या तीसऱ्या साहितीक स्पर्ध्यांत इनामां आपणायिल्ल्यांचीं नांवां घोशीत केलीं;
लेखनां बरंवचो विभाग: लारेन्स विनोद बारबोज म्यांचेसटर युके.
आशावादी प्रकाशनाच्या बुकांचेर विमर्सो बरंवचो विभाग: दो|अरविंद श्यानभाग कुमटा आनी प्रसन्न निड्डोडी
कविता बरंवचो विभाग: पयलें इनाम
मटवी कथा बरंवचो विभाग:
तिस्रो विभाग: कविता बरंवचो - हांतूं इनामां जोडलेल्यांचीं नांवां: पयलें इनाम - महादेव गांवकार गोंय (कविता: फ्लेटांत रावपी कवी)
दुस्रें इनाम - नामदेव जी. सुर्तिकार गोंय (कविता: वृद्दाश्रम)
तिस्रें इनाम - मनोज नरेंद्र कामत गोंय (कविता: आर्सो)
चोवतें इनाम - प्रथमी नायक गोंय (कविता: श्रावणांतलो शिर्शिरो)
पांचवें इनाम - नीता कुर्तिकार गोंय (कविता: पावसाच्या दिसांनी)
चोवतो विभाग: मटवी कथा बरंवचो - हांतूं इनामां जोडलेल्यांचीं नांवां
पयलें इनाम - नयना अडार्कर गोंय (कथा: वाल्मीकी)
दुस्रें इनाम - रिचार्ड अलवारीस मंगळूर (कथा: नालिसाय)
तिस्रें इनाम - चेतन कापुजीन नांवार बरंवचो मा|बा|चेतन लोबो उडपी (कथा: कर्म)
चोवतें इनाम - संधेश भांदेकर कार्वार (कथा: निर्णयाचो निर्णय)
पांचवें इनाम - तान्य किर्तनी गोंय (मनीसपण काय मोग)
इनामां घोशीत केल्लेउपरांत अपल्या उलवपांत मानेसत जेम्स मेंडोन्सान; विलफी रेबिंबस तसल्या महान कोंकणी मनशाचो उडास काडून ताच्या मानाक हो स्पर्धो चलंवच्या पयणारी-वीज कार्भारिंक तशेंच स्पर्ध्यांत इनामां आपणायिल्ल्या समेसतांक परबीं दिली.
त्ये उपरांत पयणारी.कोम हाणीं २०१९ इस्वेच्या दसेंबरांत सुरू केल्ल्या तीसऱ्या मयन्याचो कवी स्पर्ध्यांत इनामां जोडलेल्या भारा कविंचीं नांवां तशेंच वर्साचो कवी ’नीलबा खांदेकर’ हाचें नांव घोशीत करून अपलो संधेश पाटयलो.
गोंय युनिवर्सिटिच्या कोंकणी विभागाची आधली मुखेसत दो|चंद्रलेख डी’सोजान ’अंतरराश्ट्रीय कोंकणी चिन्ह International Konkani Icon - २०२०’ पुरसकार ’SKA (South Karana Association) हांकां घोशीत करून अपलो संधेश दिलो.
त्ये उपरांत कोंकणिंतलो पयलो डिजिटल कथा सादरीकरणाचो पुरसकार दे|फ्रेड्रीक क्वाड्रसाच्या यादिचो पुरसकार घोशीत जालो.
फ्रेड्रीक क्वाड्रसाच्या पुतान रोशन क्वाड्रसान फ्रेड्रीक क्वाड्रसाची मटवी ओळोक करून दिवून कशें तो कोंकणी लोकांनी एकामेका सांगाता जियेवन एकामेका आधार कर्चें सपण धरून जियेल्लो म्हणालो. मानेसत एड्डी सिकेर'न ह्या डिजिटल पुरसकाराक घोशीत केलें;
पयलें इनाम :क्रिसटोफर डी’सोज, नीनासम (कथा: लोकडावन)
दुस्रें इनाम : डोनी कोरेया पेर्नाल (कथा: बंधड)
तिस्रें इनाम (दोगांक): वी.पी.लोबो (कथा: सयरीक), आनी जेरी डी’मेल्लो बेंदूर (कथा: धूळ ती धूळ’च)
चोवतें इनाम (दोगांक): लिनेट डी’सोज (कथा: बोंबोयचो माम) आनी शांती नोरोन्हा (कथा: जल्मादिसाची काणीक)
पांचवें इनाम (दोगांक): लारेन्स विनोद बारबोज (कथा: जिण्ये सूत्र) आनी क्वीनी वेगस (कथा: लुंगी)
सवें इनाम (दोगांक): दो|जूडी पिंटो (कथा: लक्ष) आनी दो|पूर्णानंद च्यारी (कथा: एक मोर्नाचीट)
दो|पूर्णानंद च्यारीन मुकलो विभाग चलंवच्या बाब शैलेंद्र मेहताची ओळोक करून दितच हाजर आसल्ल्या मानेसतांनी; सुनील डी’कुन्हा म्यांचेसटर, मा|प्रताप नायक, प्रकाश पडगांवकर गोंय, जेरी डी’मेल्लो बेंदूर केनडा, कन्सेपटा फेर्नांडीस आळव, विन्सी क्वाड्रस गोंय, फिलोमेना सांफ्रान्सिसको मुंबय हाणीं अपले संधेश दिले.
बाब शैलेंद्र मेहतान धिन्वास पाटयले.
[Khobor] Ashawadi 2020
