कविता-कुडकां [- मेलविया फेर्नांडीस, बार्कूर]

[कविता] कविता-कुडकां [- मेलविया फेर्नांडीस, बार्कूर]

जेदनांय जिण्ये अनबवाचें काप उत्रांनी सजयताना, थंयचर कवितेचें रूप उदेवन येता म्हणच्याक हीं थोडीं कवितेचीं कुडकांच गवाय दितीत. थोड्याच उत्रांनी आसच्या ह्या कवितेंची सोभाय तशेंच तांक मेजताना वाचप्याक जांवचो अनबव अथवोच.

मेलविया फेर्नांडीस बार्कूर फिर्गजेचें एक तालेंत. फोटोग्राफी, फिल्माचें नटन, गायन, वाचप, बरवप हिच्या थोड्या हव्यासां पयकिंतले. प्रसतूत मुंबयांत शिकपा-कौन्सिलिंगाचें काम करून आसची मेलविया फेर्नांडीस कोंकणिशिवाय इंगलिशांत‌यी सयत बरयता. तिणे मूळ इंगलिशांत बरयिल्ल्या वोळिंचें हें कोंकणी तर्जण.

वेळाकाळातेकीद कवितेचीं रुपां तशेंच कवितेंनी आटापून आसचे विशय सयत बदलून येतात. ह्या बदलून वेच्या रुपांची सोभाय पळेंवचें काम तुकाच दितां.

[कविता] कविता-कुडकां [- मेलविया फेर्नांडीस, बार्कूर]

भूक

हांव बरयतां

कित्याक म्हळ्यार

म्हजी भूक सब्धांची आनी उत्रांची

रात

*

रात‌च उत्तीम वेळ‌घडी

दिसाची पुरासण काडी

आनी जादूच्या भ्रांतेसवें मिसळुंक

**

रात म्हजेलागीं पुस्पुसता

’तुजी सर्व खंत, निदचा कुडाभायर सोड

म्हाका जाय अंर्दून वेंगुंक

आनी शांततेची नीद काडुंक

***

रात आसची

संपोन गेल्ल्या दिसाचें नियाळुंक न्हय

पूण प्रसतूत खिणांचेर नियाळून

देवाक धिन्वासुंक

शांतता

शांततेची मत आनी भोळेंपण

दोन साहेतां तोंडार आसुंक जाय

जेदनां तूं म्हेळ्यांतून भायर येवून

सत जाणा जाताना

- मेलविया फेर्नांडीस, बार्कूर [सपटेंबर, २०१९]

मेलविया फेर्नांडीस, बार्कूर: बी.कोम शिकून प्रसतूत मुंबयांत शिकपा-कौन्सिलिंगाचें काम करून आसचें, मूळ बार्कूर फिर्गजिचें मेलव्या फेर्नांडीस इंगलीश तशेंच कोंकणिंत कविता, लिखितां बरयता. तुळू सिनेमांत नटन सयत हिणें केलां. वाचप हिचें हव्यास.