ಕವಿತಾकविताPoem
ಕವಿತಾ-ಕುಡ್ಕಾಂ [- ಮೆಲ್ವಿಯಾ ಫೆರ್ನಾಂಡಿಸ್, ಬಾರ್ಕುರ್]
This poem is available in its original Kannada only.
[ಕವಿತಾ] ಕವಿತಾ-ಕುಡ್ಕಾಂ [- ಮೆಲ್ವಿಯಾ ಫೆರ್ನಾಂಡಿಸ್, ಬಾರ್ಕುರ್]
ಜೆದ್ನಾಂಯ್ ಜಿಣ್ಯೆ ಅನ್ಬವಾಚೆಂ ಕಾಪ್ ಉತ್ರಾಂನಿ ಸಜಯ್ತಾನಾ, ಥಂಯ್ಚರ್ ಕವಿತೆಚೆಂ ರೂಪ್ ಉದೆವ್ನ್ ಯೆತಾ ಮ್ಹಣ್ಚ್ಯಾಕ್ ಹಿಂ ಥೊಡಿಂ ಕವಿತೆಚಿಂ ಕುಡ್ಕಾಂಚ್ ಗವಾಯ್ ದಿತಿತ್. ಥೊಡ್ಯಾಚ್ ಉತ್ರಾಂನಿ ಆಸ್ಚ್ಯಾ ಹ್ಯಾ ಕವಿತೆಂಚಿ ಸೊಭಾಯ್ ತಶೆಂಚ್ ತಾಂಕ್ ಮೆಜ್ತಾನಾ ವಾಚ್ಪ್ಯಾಕ್ ಜಾಂವ್ಚೊ ಅನ್ಬವ್ ಅಥ್ವೊಚ್.
ಮೆಲ್ವಿಯಾ ಫೆರ್ನಾಂಡಿಸ್ ಬಾರ್ಕುರ್ ಫಿರ್ಗಜೆಚೆಂ ಏಕ್ ತಾಲೆಂತ್. ಫೊಟೊಗ್ರಾಫಿ, ಫಿಲ್ಮಾಚೆಂ ನಟನ್, ಗಾಯನ್, ವಾಚಪ್, ಬರವ್ಪ್ ಹಿಚ್ಯಾ ಥೊಡ್ಯಾ ಹವ್ಯಾಸಾಂ ಪಯ್ಕಿಂತ್ಲೆ. ಪ್ರಸ್ತುತ್ ಮುಂಬಯಾಂತ್ ಶಿಕ್ಪಾ-ಕೌನ್ಸಿಲಿಂಗಾಚೆಂ ಕಾಮ್ ಕರುನ್ ಆಸ್ಚಿ ಮೆಲ್ವಿಯಾ ಫೆರ್ನಾಂಡಿಸ್ ಕೊಂಕಣಿಶಿವಾಯ್ ಇಂಗ್ಲಿಶಾಂತ್ಯೀ ಸಯ್ತ್ ಬರಯ್ತಾ. ತಿಣೆ ಮೂಳ್ ಇಂಗ್ಲಿಶಾಂತ್ ಬರಯಿಲ್ಲ್ಯಾ ವೊಳಿಂಚೆಂ ಹೆಂ ಕೊಂಕಣಿ ತರ್ಜಣ್.
ವೆಳಾಕಾಳಾತೆಕಿದ್ ಕವಿತೆಚಿಂ ರುಪಾಂ ತಶೆಂಚ್ ಕವಿತೆಂನಿ ಆಟಾಪುನ್ ಆಸ್ಚೆ ವಿಶಯ್ ಸಯ್ತ್ ಬದ್ಲುನ್ ಯೆತಾತ್. ಹ್ಯಾ ಬದ್ಲುನ್ ವೆಚ್ಯಾ ರುಪಾಂಚಿ ಸೊಭಾಯ್ ಪಳೆಂವ್ಚೆಂ ಕಾಮ್ ತುಕಾಚ್ ದಿತಾಂ.
[ಕವಿತಾ] ಕವಿತಾ-ಕುಡ್ಕಾಂ [- ಮೆಲ್ವಿಯಾ ಫೆರ್ನಾಂಡಿಸ್, ಬಾರ್ಕುರ್]
ಭುಕ್
ಹಾಂವ್ ಬರಯ್ತಾಂ ಕಿತ್ಯಾಕ್
ಮ್ಹಳ್ಯಾರ್ ಮ್ಹಜಿ ಭುಕ್ ಸಬ್ಧಾಂಚಿ ಆನಿ ಉತ್ರಾಂಚಿ
ರಾತ್
*
ರಾತ್ಚ್ ಉತ್ತೀಮ್ ವೇಳ್ಘಡಿ ದಿಸಾಚಿ ಪುರಾಸಣ್
ಕಾಡಿ ಆನಿ ಜಾದೂಚ್ಯಾ ಭ್ರಾಂತೆಸವೆಂ ಮಿಸ್ಳುಂಕ್
**
ರಾತ್ ಮ್ಹಜೆಲಾಗಿಂ ಪುಸ್ಪುಸ್ತಾ ’ತುಜಿ ಸರ್ವ್
ಖಂತ್, ನಿದ್ಚಾ ಕುಡಾಭಾಯ್ರ್ ಸೊಡ್ ಮ್ಹಾಕಾ ಜಾಯ್
ಅಂರ್ದುನ್ ವೆಂಗುಂಕ್ ಆನಿ ಶಾಂತತೆಚಿ ನೀದ್ ಕಾಡುಂಕ್
***
ರಾತ್ ಆಸ್ಚಿ ಸಂಪೊನ್ ಗೆಲ್ಲ್ಯಾ ದಿಸಾಚೆಂ
ನಿಯಾಳುಂಕ್ ನ್ಹಯ್ ಪುಣ್ ಪ್ರಸ್ತುತ್ ಖಿಣಾಂಚೆರ್
ನಿಯಾಳುನ್ ದೆವಾಕ್ ಧಿನ್ವಾಸುಂಕ್
ಶಾಂತತಾ
ಶಾಂತತೆಚಿ ಮತ್ ಆನಿ ಭೊಳೆಂಪಣ್ ದೋನ್ ಸಾಹೆತಾಂ
ತೊಂಡಾರ್ ಆಸುಂಕ್ ಜಾಯ್ ಜೆದ್ನಾಂ ತುಂ ಮ್ಹೆಳ್ಯಾಂತೂನ್
ಭಾಯ್ರ್ ಯೆವುನ್ ಸತ್ ಜಾಣಾ ಜಾತಾನಾ
-
ಮೆಲ್ವಿಯಾ
ಫೆರ್ನಾಂಡಿಸ್
[ಸಪ್ಟೆಂಬರ್, 2019]
ಮೆಲ್ವಿಯಾ
ಫೆರ್ನಾಂಡಿಸ್, ಬಾರ್ಕುರ್:
ಬಿ.ಕೊಮ್ ಶಿಕುನ್ ಪ್ರಸ್ತುತ್ ಮುಂಬಯಾಂತ್
ಶಿಕ್ಪಾ-ಕೌನ್ಸಿಲಿಂಗಾಚೆಂ ಕಾಮ್ ಕರುನ್ ಆಸ್ಚೆಂ, ಮೂಳ್
ಬಾರ್ಕುರ್ ಫಿರ್ಗಜಿಚೆಂ ಮೆಲ್ವ್ಯಾ ಫೆರ್ನಾಂಡಿಸ್
ಇಂಗ್ಲಿಶ್ ತಶೆಂಚ್ ಕೊಂಕಣಿಂತ್ ಕವಿತಾ, ಲಿಖಿತಾಂ ಬರಯ್ತಾ.
ತುಳು ಸಿನೆಮಾಂತ್ ನಟನ್ ಸಯ್ತ್ ಹಿಣೆಂ ಕೆಲಾಂ. ವಾಚಪ್
ಹಿಚೆಂ ಹವ್ಯಾಸ್.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.