ಕವಿತಾकविताPoem

[ಪ್ರಾಸ್‌ಬದ್ದ್ ಉತ್ರಾಂಚಿ ರಾಸ್ ಮ್ಹಣ್ ಪಾತ್ಯೆತೆಲ್ಯಾಂನಿ]

ಕವಿತಾ ಮ್ಹಳ್ಯಾರ್ ಪ್ರಾಸ್‌ಬದ್ದ್ ಉತ್ರಾಂಚಿ ರಾಸ್ ಮ್ಹಣ್ ಪಾತ್ಯೆತೆಲ್ಯಾಂನಿ ಹಿ ಕವಿತಾ ಜರೂರ್ ವಾಸ್ಚಿ. ಎಕಾ ಥೆಂಬ್ಯಾ ಉದ್ಕಾಕ್ ಸಯ್ತ್ ಕಾಳಿಜ್ ಆಸ್ಚೆಂ ಆನಿ ತೆಂ ಕಾಳಿಜ್ ಸಯ್ತ್ ಉಡ್ಚೆಂ ಎಕಾ ಕವಿಕ್ ನಾಸ್ತಾಂ ಅನಿ ಕೊಣಾಕ್ ದಿಸುಂಕ್ ಸಾಧ್ಯ್?

ಅಜೀಕ್ ಕಾಂಯ್ ತೀನ್ ವರ್ಸಾಧಿಂ ಸ್ವೀಡನಾಂತ್ ಹಾಂವ್ ಕಾಮ್ ಕರುನ್ ಆಸ್ಚೆವೆಳಾರ್, ಜೊ.ಸಿ.ಸಿದ್ದಕಟ್ಟೆಚಿ ’ಗಿರ್ಭುಜ್’ ಕವಿತಾ ವಾಚುನ್ ಹಾಂವ್ ಹಾಚ್ಯಾ ಕವಿತೆಪ್ರತಿಭೆಚೆರ್ ಪಿಸ್ವಾಲ್ಲೊಂ, ಹಿ ಕವಿತಾ ಕಾಂಯ್ ವೆಗ್ಳ್ಯಾಚ್ಚ್ ಗುಂಡಾಯೆಚಿ, ಸಕ್ತೆಚಿ ಆನಿ ಅರ್ಥಾಚಿ. ಏಕ್ ಉದ್ಕಾ ಥೆಂಬ್ಯಾಕ್ ಸಯ್ತ್ ಸಮಾಜೆಚ್ಯಾ ಬುರ್ನಾಸ್ ಮನ್ಶಾಸಂಯ್ಬಾಕ್ ನಾಗ್ಣೆಂ ಕರ್ಚಿ ಶ್ಯಾಥಿ ಆಸ್ಚಿ ಕವಿತೆಂಚ್ ನಾಸ್ತಾಂ ಆನಿ ಖಂಯ್ ಸಾಧ್ಯ್ ಆಸತ್?

ಝುಜ್ ಸುರ್ವಾತ್ಲ್ಯಾರ್..

ದೋನ್‍ಥೆಂಬೆಅಂಬ್ರಾರ್ ಖೆಳ್ತಾಲೆ

ಪಾಂಯ್‍ಚುಕೊನ್ ಗಳ್ಳೆ

ಗಳ್ತಾಂ ಗಳ್ತಾಂ ರುಕಾಖೊಲ್ಯಾರ್

ಚಿಡ್ಕಾಲೆ

ಅಬ್ಬಾ! ಬಚಾವ್..

ಮ್ಹಣ್ ಸಕ್ಲಾ ತಿಳ್ತಾನಾ

ಉಗ್ತಿಂ ಆಸ್ಚಿಂ ಹಜಾರ್ ಮನ್ಶಾಂತೊಂಡಾಂ,

ಗಿಳುಂಕ್‍ಚ್ ರಾಕುನ್ ಆಸ್ಲಿಂ!

ಥೆಂಬ್ಯಾಂಚಿ ಕಾಳ್ಜಾ ಉಡಿ ಹಾತಾಕ್ ಮೆಳ್ಳಿ ನಾ

ಖಂಚ್ಯಾತೊಂಡಾಕ್‍ದೆಂವ್ಚೆಂ ಕಳ್ಳೆಂ ನಾ

ಜರೀ ಎಕಾ ತೊಂಡಾಕ್