14 December: 2000 isvent Kuwait-ant survat zal'lem Ashawadi Prakashan 25 vea vorsak, toxench 2015 isvent Mumbai-nt survat zal'lem Poinnari.com 10 vea vorsak mett kaddchea sondhorbhar 12 Konkonni pustok ugtaunnachem digital karyem, Ashawadi Prakashanan 14 December-ant sanjechea chear thaun so poreant manddun haddlem. Tin printt rupachim, Sat digital i-pustokam, anim don a(addio)-pustokam him zaunason, 2025 vorsant Basti Vaman Shennoy smarok 25 Konkonni pustokam Prakashanachi yeuzonn zahir keli.

Sevok nemalleachea sompadok Ma.Ba.Chetan Lobo-chea odhyokx‌ponnakhal chol‌l'lea hea digital kareachea survater sutr sonchalok Shailendra Mehta-n ailevar amkam sanddun gel'lea Konkonni boroupeanchi yad kaddun ek minuttachem moun prarthonasovem survat korun Ashawadi Prakashanachea chovis vorsanchea vauracher mottvi ollok keli. Raknno nemalleachea sompadok Ma.Ba.Rupesh Madtha-n hea digital kareachem ugtaunn korun amchem vachop unnem dekun gunnomott‍ttachea sahiteachi ruch amchethoim unni zalea. Amchem jivit gineanacheaki choddit zaun dakoupachem zalam mholl'llo sondex dilo, hech sondhorbhar Kannada ani Nagari lipintlem Poinnari digital Konkani Journal-7 lokarponn kelem.

Pustok ugtaunn kareachi survat digital i-pustokanchem lokarponn karyem chol'lem.

Lipyontor toxench sompadon Valley Quadros-an kel'lea Dr. Jayanti Naik-achea 'Tichi Kanni' Kannada lipyontor kotha pustokak Dr.Austin DSouza Prabhu-n lokarponn korun ople sondex ditoch Dr.Jayanti Naik-an oplim bhognnam ucharlim.

Lipyontor toxench sompadon Valley Quadros-an kel'lea Uday N Mhambro-chea 'Sopnnantlea Gamvchi Vatt (Ashawadi Prakashanachem Pon'nasovem digital i-pustok)' Kannada lipyontor kovita pustokak Freddrik Noronha-n lokarponn korun ople sondex ditoch Uday Mhambro oplim bhognnam ucharlim.

Lipyontor toxench sompadon Valley Quadros-an kel'lea Ma.Ba.Roysen Fernandes-achea 'Poili Bhett' Nagari lipyontor pustokak bab vosont sauntan lokarponn korun ople sondex ditoch Ma.Ba.Roysen Fernandes-an oplim bhognnam ucharlim.

Ma.Ba.Jason Pinto-chea 'Amgeleo Konkonni kannio' Kannada ani Nagari lipiechea don pustokank Manestinn Usha Rane-n lokarponn korun ople sondex ditoch hea pustokachem lipyontor kel'lea Ma.Ba.Jason Pinto-n oplim bhognnam ucharlim.

1. Basti Vaman Shennoy smarok Ashawadi Prakashanachim 25 pustok Prakashan yeuzonn Manest Nandagopala Shennoy hannim zahir korun ople sondhex dile. Konkonnichea khonchyai lipint/bolint boroiteleank hea 25 pustok Prakashanachi purti zovabdari Ashawadi prokxon polletolem.

2. Kannada lipint lipyontor zal'lea bhovo ut'tim' Pustok Puroskar 2025 (Rupoi 25,000 hachem ghoxonn kovi Andrew L Dcunha-n korun ople sondhex dile.

Digital audio pustokachem lokarponn kareant poilem daaiz vorsacho kothakar 2006 puroskarit Stan Ageira-cho Stan Ageiracheo kotha (Ashawadi Prakashanachem 10vem addio pustok) pustokachem ugtaunn Ma.Ba.Chetan Lobo-n kortoch Stan Ageira-n toxench kotha sador kel'lea Ma.Ba.Chetan Lobo-n oplim bhognnam ucharlim.

Tye uprant Poinnari vorsacho kothakar 2024 puroskarit Dr. Edward L Nazreth-achea Golimar‌cheo Kotha (Ashawadi Prakashanachem 11vem addio pustok) pustokachem ugtaunn Bab Dinesh Manerkar-an kortoch ople sondhex dile.

Fuddlea kareachem sutr sonchalon ghetlolea Bai Megan De Souza-n poilem Dr.Edward L Nazreth-achi mottvi ollok kortoch Dr.Jayanti Naik-an Mrigozoll pustokachem ugtaunn kortoch Dr.Edward L. Najreth-an oplim bhognnam ucharlim.

Dusrem Pustok: Valley Quadros-achea Mayanogori kothazomeachem ugtaunn Manest Avil Rasquinha-n korun ople sondhex dile.

Tisrem Pustok: Shailendra Mehta-chea Nirvasit Yatrichi Bhomvddi Kannada lipyontor pustokachem ugtaunn Manestinn Monica D'Sa Mathais-an kortoch ople sondhex dile. Uprant Shailendra Mehta-n oplim bhognnam ucharlim.

Mukhel soirim Manest Alphie Monteiro toxench Dr.Chondrolekho DSouza hannim ople sondhex ditoch kareadhyokx Ma.Ba.Chetan-an oplem odhyokxachem uloup kelem.

Valley Quadrosan dhinvas patthoile.