ಕವಿತಾकविताPoem
Atmonirbhor
Moineacho kovi - 6
Moineacho kovi - 6. Atmonirbhor
somsarbhor kolakarank, protyek zaun somvedonxill chintpachea monoxank pattle thodde moine chodd atonkache. Eka vatten goirem dischem falem, dusre vatten itle vegim bodlun yemvchim chintopam. Choddtik kitench kam' nastana opoleach ghoramni bondhi zaun uroleari, kriatmok chintpak mohotvachem kitench korunk yenaschem mon. Kitenki ghoddunk nhozo zal'lem ghoddun asa, oxem zaunko nhozo aslem punn zaun asa oni hea porigotent hamv dakoupak tonddacher mask nhestam punn hokigotent tem mask nheslam dolleancher, kallzacher mholl'llim opradim chintnam dhostat. Eka vatter kal amchelagim uloyil'le az piddent poddleat, kal kamak gel'le az kamam hogddaun asat. Kal bhaddeachem toryi ek lhan biddar asle az biddan nastam rostear pauleat. Ani hea sorv ghodditank onikyi marekar korunk dhorti kampnni zali. Ujean sobharank grasilem. Hea duspott disamni khori somvedonxillota koxi opli obhivyokti korunk sokot?
punn heranchea rogtant nhaun souy zal'leank hench zai. Mel'lea kuddik matiek paumvcheadim soit tantum kosolo ani kitlo faido zoddcho mholl'lli kola somzol'leank ttivimni, somajik madhyomamni yeun novim axvasonam dilear zalem ani tech kulliechea bhireak him pokoll axvaxonam somajik madheamni gazounko zalem punn hokigotent dubllo choddit dubllo zaun hem xer soddun oplo gamv mhonnun xembhoram moilanchi vatt aplea khandear vojim gheun hea gormechea disamni cholun vochunk poddlem ani porgamvant amcho lok poinn korunk nastana vhollvollun melo ani tosoleank matiek pauvonko soit tanchea kuttmak zalem na. Ani hench atm'nirbhor?
kovi bai gvadolup ddaisachim utoram matr nhoi, tichi jinninch ek kovita mholl'llem tika lagxilean vhollkol'leank matr kollit asa. Tichea kovitechea ekeka utramni jivo asta, sot asta ani vastovikota asta. Dekun ti dharunn mhonn disot. Punn khoremponnim, ji duk svota bhogteleank matr kollit duk mhollear kitem mhonn. Hea kovitek moineachi kovita mhonnun vinchunk amkam khorench bhovo chodd sontos bhogta. Khonddit zaun ho man kovitek; konkonni kovitek.
Mettam mettank viddombonam ani hea viddombonank pattimbo ditolo dhenk kaddcho lok. Vikall varem addaunko lachar monis oplim tonddam dhamptana hea dhenk kaddchea lokamni oplea dolleancher nhesl'lea maskant kitench disana; dolleam somor moddim poddun asat, got adhar natlo lok oplem kam', oplo dispoddto gras sokkodd hogddaun, url'lea tuttkor futtkor svopnnank vojim ghevun tea fotrattea rosteamni ritea pamyamni cholun cholun pamyacheo kati zhoron vetana he dhenk kaddtele disak ekek novim bhaxonnam ditat ani hankam zoi-zoikar ghalche dolldir bhoddve khorench zaun gorib monxachea motint soval udeta hem atm'nirbhor va atm'nirbol?
Atmonirbhor (- Guadalupe Dias)
Somvsar mathear, bhurgim khandardhorlea ami ghorchi vatttollveank fodd, jivit zoddvotant amchi bhajlea fattpottak kholli, riti zhollidolleant dukam zaleat datthaloun hat, 'mon ki bat'kitlem sompem nhoi'atmonirbhor' divonk patth???
Ami zatat, ten'nach mortatzogunk fokt moddim bakitumche vantte, bhangra gotteamchi mat chuluy dukhilakh kotti, jinn khottiamcho nhoi ho xobd 'sukhi'kitlem sompem nhoi'atmonirbhor' divonk dekhi???
Amchi bhukh, amchich chukatam tori ailam kollunamchem moronn, amchem soronnzolmotanch aileat dallunamchi jinn, vhoddlo xinntumi-i amkam kaddleat pillun'atmonirbhor' mhonnche poilimekdam tori pollouxi vollun???
[Mai 2020]
© 2020 Guadalupe Dias · ASHAWADI PROKAXON All rights reserved.
More in Poinnari
ಕವಿತಾकविताPoem Jun 2020 Moineacho Kovi | ಮಯ್ನ್ಯಾಚೊ ಕವಿ | मयन्याचो कवी
Mhaka Usvas Kaddunk Zaina
ಕವಿತಾकविताPoem Jan 2020 Moineacho Kovi | ಮಯ್ನ್ಯಾಚೊ ಕವಿ | मयन्याचो कवी
Som Vidhan Khalem Dhukran
ಕವಿತಾकविताPoem Aug 2020 Moineacho Kovi | ಮಯ್ನ್ಯಾಚೊ ಕವಿ | मयन्याचो कवी
Nirjiv
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment